ရွှေကြိုလုပ်ချင်ရင် အနုပညာမျိုးရိုးရှိရမယ်ဆိုတဲ့ ရန်အောင်

ရွှေကြိုလုပ်ချင်ရင် အနုပညာမျိုးရိုးရှိရမယ်ဆိုတဲ့ ရန်အောင်

အခုတလော အနုပညာလောကထဲမှာ ဂယက်ရိုက်နေတဲ့ သတင်းတွေကတော့ မြန်မာနိုင်ငံမှာ Line Walker 2 လာရိုက်တာနဲ့ အကယ်ဒမီရွှေကြိုရွေးချယ်ရေးကိစ္စတွေပါပဲ။ အကယ်ဒမီရွှေကြိုဖြစ်ခွင့်ရတာနဲ့ အနုပညာလောကထဲလျှောက်ဖို့တံခါးက အလိုလိုပွင့်ပြီးသားဖြစ်လေ့ရှိတော့ ရွှေကြိုဖြစ်ချင်တဲ့သူတွေကလည်း အောတိုက်ပါပဲ။ ဒါပေမယ့် ဒီနှစ်ရွှေကြိုက အရင်အကြိမ်တွေလို လျှောက်လွှာနဲ့ခေါ်ယူတာမဟုတ်ပါဘူး။ အနုပညာရှင်တွေရဲ့ရင်သွေးတွေကို ပွဲထုတ်တဲ့ပွဲဖြစ်တယ်လို့သိရပါတယ်။ ရွှေကြိုရွေးချယ်မှုတွေနဲ့ပတ်သက်ပြီး ရန်အောင်နဲ့ မေသန်းနုက မီဒီယာတွေနဲ့အင်တာဗျူးမှာ ရှင်းပြသွားပါတယ်။

ဒီနှစ်ရွှေကြိုတွေက အနုပညာရှင်တွေရဲ့ True Blood တွေ ရင်သွေးတွေကို ပွဲထုတ်တာဖြစ်ကြောင်း ရန်အောင်က “ပြီးခဲ့တဲ့နှစ်ကတည်းကပေါ့နော် အနုပညာရှင်တွေရဲ့ ရင်သွေးလေးတွေကို ပွဲထုတ်တဲ့သဘောမျိုးလေးတွေလုပ်တာပေါ့နေ်ာ။ ရွှေကြိုမဟုတ်တော့ဘူး။ အရင်တုန်းက ရွှေကြိုက လျှောက်လွှာခေါ်တယ်ပေါ့နော်။ စည်းကမ်းချက်တွေထုတ်တယ်။ အခုကတော့ နီးစပ်ရာလေးစုံစမ်းလိုက်တော့ ယောက်ျားလေးအင်အားကနည်းတယ်။ ကိုခင်လှိုင်ရေ ကိုခင်လှိုင်သားနဲ့သမီးနဲ့ ရွှေကြိုလုပ်မလားပေါ့။ မင်းသူဆီမှာလည်း သားရှိတယ်ဆိုတော့ သားလေးကို မျိုးဆက်အနေနဲ့ ပွဲထုတ်ချင်တယ်ပေ့ါ၊ကျွန်တော်တို့က ရွှေကြိုဆိုတဲ့ ပေတံနဲ့မတိုင်းပါဘူး။ အဓိကက အနုပညာရှင်တွေရဲ့ရင်သွေးဖြစ်ရမယ်ဆိုတာပဲအသိအမှတ်ပြုထားပါတယ်”လို့ ပြောပြထားပါတယ်။

ရွှေကြိုမလုပ်ရဘူးဆိုပြီး ဂယက်ရိုက်သွားတဲ့ ကိုကိုဦးသားလေးကိစ္စကို ရန်အောင်က “ကိုကိုဦးသားလေးကကျတော့ ကျွန်တော်တို့က လူပြည့်သွားပြီ။ လူတွေကတော်တော်ကြီးကိုပြည့်သွားပြီပေါ့နော်။ အချို့ကလည်းအကြောင်းကြားတာနောက်ကျတယ်။ လူကပြည့်သွားတော့ change လို့မရတော့ဘူးဖြစ်နေတယ်။ အဲဒီမှာ ကိုကိုဦးသားလေးကအဲ့လိုဖြစ်လာတယ်ဆိုတော့ ခေါင်းခြောက်သွားတယ်ပေါ့နော်။ သူကကံလေးကလည်းကောင်းချင်တော့ ကိုခင်လှိုင့်သားလေးက လေးရက်နေ့မှာ ရုပ်ရှင်ရိုက်စရာရှိတော့ ခွင့်ယူတယ်ပေါ့နော်။ အဲဒီနေရာကို ကိုကိုဦးသားလေးက ဝင်သွားတယ်ပေါ့နော်”လို့ ရှင်းပြထားပါတယ်။

လောလောဆယ်ရွှေကြိုတွေရဲ့အခြေအနေကို မဆင့်က “အခုဆိုရင် လူရွေးပေးတယ်စိစစ်ပေးတယ်ပေါ့နော်။ မိတ်ကပ်အဝတ်အစားတွေဘာတွေ ဂိုက်လိုင်းချပေးလိုက်တာပဲ။ သူတို့ကိုတကယ်တမ်းသင်မှာကတော့ မေစံပယ်ပေါ့နော်။ လမ်းလျှောက်ပုံလမ်းလျှောက်နည်းသင်ပေးပါလိမ့်မယ်။မေစံပယ်ကလည်း မော်ဒယ်ပေါ့နော်”လို့ ပြောပြထားပါသေးတယ်။

့ပရိသတ်ကြီးရော ရွှေကြိုလေးတွေကိုချစ်ကြလား။အနုပညာရှင်တွေရဲ့မျိုးဆက်သစ် ရွှေကြိုလေးတွေကို စင်မြင့်ထက်မှာမြင်ရဖို့ရင်ခုန်နေကြပြီလား။ ပြောခဲ့ကြပါဦး။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.