ပုဂံပြည်ကြီးမှာ မုဆိုးမပင် ဘုရားတည်စေနိုင်ခဲ့တဲ့ ရှင်အဇ္ဇဂေါဏရဲ့ ဒဏ္ဍာရီ

ပုဂံပြည်ကြီးမှာ မုဆိုးမပင် ဘုရားတည်စေနိုင်ခဲ့တဲ့ ရှင်အဇ္ဇဂေါဏရဲ့ ဒဏ္ဍာရီ

ပုဂံသမ်ိုင်းကို ပြောရမည်ဆိုလျှင် ရှင်အဇ္ဇဂေါဏသည် မပါမပြီးချေ။ ရှင်အဇ္ဇဂေါဏ ခေါ်ရှင်မထီးဆိုသည်မှာ ထေရဝါဒမထွန်းကားမှီ ပုဂံပြည်သေဉ်လည်ကြောင်မင်းတရားကြီးလက်ထက်တွင် လောကီရေးရာ အဂ္ဂိရတ်ဖိုထိုးခြင်းမှ ဓါတ်လုံးအောင်ပြီး ပုဂံပြည်တွင် မုဆိုးမပင် ဘုရားတည်နိုင်သည်ဟု ပြောစမှတ်တွင်ခဲ့သူ ဖြစ်သည်။ ပုံပြင်ဒဏ္ဍာရီယုံကြည်သူတို့အဖို့ ပုဂံပြည်သည် ဤမျှနယ်နမိတ် အတွင်းတွင် ဘုရားပေါင်းမြောက်များစွာတည်ရှိကြခြင်းသည် ရှင်အဇ္ဇဂေါဏ ကြောင့်ဖြစ်သည်ဟု ယုံကြည်ကြသည်မှာလည်း မထူးဆန်းပါ။

ရှင်အဇ္ဇဂေါဏ ဒဏ္ဍာရီကိုပြောရမည်ဆိုလျှင် ခရစ်နှစ် (344 ခုမှ 387) ခုနှစ်အထိ နန်းစံခဲ့သော သေဉ်လည်ကြောင်မင်းတရားကြီး လက်ထက်ခန့်က ဖြစ်ခဲ့သည်။ ရှင်အဇ္ဇဂေါဏ သည် ရွှေဖြစ်လမ်း၊ ငွေဖြစ်လမ်းလိုက်နေသော အဂ္ဂိရတ်ထိုးခြင်း အောင်မြင်ပါက ပုဂံတစ်ပြည်လုံးချမ်းသာလိမ့်မည် ဓါတ်လုံးမပေါက်ခဲ့ပါက မိမိ၏ မျက်လုံးနှစ်လုံးကို ထိုးဖောက်ပစ်ရန် အာမခံခဲ့သည်။ သေဉ်လည်ကြောင် မင်းကြီးက ယုံကြည်သောကြောင့် ဓါတ်လုံးထိုးရန် ဘုရင့်ဘဏ္ဍာတိုက်မှ ရွှေများထုတ်ယူကာ ဓါတ်လုံးရွှေကျွေးသည်။ ဘုရင်သည်စိတ်ရှည်သည်းခံကာ ဘဏ္ဍာတိုက်မှ ရွှေတစ်ဝက်ခန့် ကိုထုတ်ပေးခဲ့သည်။

ဓါတ်လုံးမပေါက်ခဲ့ဘဲ ဆက်လက်ထိုးရင်း ဘဏ္ဍာတော် ၃ ပုံ ၁ ပုံသာကျန်တော့သည်။ နောက်ဆုံး ဘုရင် အတော်ပင် စိတ်ပျက် သွားကာ ဘဏ္ဍာတိုက်ရှိ ရွှေများလည်း အကုန်ကုန်ပြီးသွား လေတော့သည်။ ရှင်အဇ္ဇဂေါဏ၏ တပည့်များဖြစ်သော ကျော်စွာနှင့်သော်တာလင်မယားတို့ ဖိုကိုမပြတ်တစ်လှည့် စီဆွဲပေးကြရင်း တစ်ညတွင် အဂ္ဂိရတ်ဖို အတွင်းမှ ရဲရဲနီနေသော ဓါတ်လုံးသည် ရွှေရောင်ပြောင်းလာကာ လင်းလက်နေလေတော့ သည်။ ထိုဓါတ်လုံးအောင်သွားသည်ကို ကြားလိုက်သောဘုရင်သည် ရှင်အဇ္ဇဂေါဏကျောင်းသို့လိုက်လာခဲ့ပြီး ကိစ္စပြီးမြောက်သွားပြီလား ဆိုသည်ကို မေးမြန်းလေရာ ရှင်အဇ္ဇဂေါဏ ကဓါတ်လုံးရွှေဖြစ်ပါပြီ၊ ဓါတ်လုံးပွင့်ရန် ဆေးရည် စိမ်ရမည်ဟု ပြန်လည်မိန့်ကြားသည်။

ထို့ကြောင့်ဘုရင်ကလည်း ဆေးရည်စိမ်ရန် စောင့်ကြည့်နေလေ သည်။ ပေထုတ်ကိုယူကာ ဓါတ်ဆေးရည်အတွက် ချဉ်ရည်စိမ်ရမည် ဖြစ်သဖြင့် တပည့်လင်မယားအား ရှောက်သီးယူ စေကာ အရည်ညှစ် ပြီး ရှောက်ရည်ထည့်ထားသော ခွက်အတွင်း ထည့်လိုက်သည်။ ထိုအခါဓါတ်လုံးသည် အရောင်မှိန်သွား သဖြင့် ရှင်အဇ္ဇဂေါဏက ဓါတ်လုံးပျက်သွားကြောင်းသိလိုက်ရသည်။ ဘုရင်လည်း ရှင်အဇ္ဇဂေါဏ ပြောထားသော စကားအတိုင်း ဘုရင်လည်း သူ၏မျက်လုံးကိုဖောက်ထုတ်ပစ် လိုက်လေသည်။ ကျော်စွာတို့လင်မယားကျောင်းမှဆင်းပြေးသည်ကို ဘုရင်က လိုက်လံသုတ်သင်ရင်း အသက်ဆုံးရှုံးခဲ့ရသည်။ ရှင်အဇ္ဇဂေါဏ လည်း စိတ်ဓါတ်ကျသွားပြီး ထိုဓါတ်လုံးအား ကျောင်းကုဋီတွင် ကိုရင်ငယ် အား ပစ်ချခိုင်းလေသည်။ ထိုအခါ ကုဋီမီးလောင် သည်ဟုကိုရင်ငယ် က လျှောက်ထားရာ ရှင်အဇ္ဇဂေါဏက ဓါတ်လုံးပေါက်သွားမှန်း သိသဖြင့် ပြန်လည်ဆည်ယူစေခဲ့သည်။

စင်စစ် ချဉ်ရေနှင့် ချီးရေ လွဲသွားခြင်းဖြစ်သောကြောင့် ချဉ်ရေနှင့်စိမ် သော်လည်း မအောင်မြင် ရခြင်းဖြစ်လေသည်။ ကပ္ပိယအား ဈေးသို့ရရာမျက်လုံးဝယ်ရန် စေခိုင်း လိုက်သဖြင့် ဈေးကွဲနေပြီဖြစ်ရာ ဆိတ်မျက်လုံးတစ်လုံးနှင့် နွားမျက်လုံး တစ်လုံးသာ ရရှိခဲ့သည်။ ထိုမျက်လုံးတို့အား ရှင်အဇ္ဇဂေါဏက သူ၏မျက်လုံးအိမ် အတွင်းသို့ ပြန်ထည့် လိုက်သည်။ ပါဠိဘာသာအရ အဇ္ဇသည် “ဆိတ်”ဖြစ်ကာ ဂေါဏသည် “နွား” ဖြစ်သည်ကို အကြောင်းပြုကာ ရှင်မထီးအား ရှင်အဇ္ဇဂေါဏ ဟုခေါ်တွင်ခဲ့သည်။ ထိုအချိန်မှစပြီး ပုဂံပြည် တစ်ပြည်လုံး မုဆိုးမပင် ဘုရားတည်နိုင်သည်အထိ ချမ်းသာ ကုန်ကြလေသည်။

သို့သော် ရှင်အဇ္ဇဂေါဏ၏ရာဇဝင်နှင့်ပတ်သက်သော တိကျ ခိုင်မာသော အထောက် အထား၊ ကျောက်စာကိုမူတစ်ခုမျှ မတွေ့ရသဖြင့် ဒဏ္ဍာရီဆန်နေသည်။ ဤ ဘုရားကို ရှေးဟောင်းသုတေသနဌာနက ဘုရားအမှတ်( ၅၀၉ – က ) ဟုမှတ်ပုံတင်ထားသည်။ ဘုရားမြောက်ဖက်တွင် ရှင်အဇ္ဇဂေါဏ ဓါတ်ခန်းဖွင့်ထားသော အုတ်တိုက်တစ်ခုရှိကာ ရုပ်ပွားတော် ၊ ရှင်အဇ္ဇဂေါဏ ရက္ကန်းစင်တောင်ဆရာတော်ရုပ်ထုနှင့် ဘိုးဘိုးအောင်၊ ဘိုးမင်းခေါင် ရုပ်တုများကို ထားရှိကာ အဓိဌာန်ဝင်လိုသူများ လာရောက်ကန်တော့ကြသည်ကို တွေ့ရသည်။ ဓါတ်ခန်း၏မူလ အလှူရှင်ကိုမူ မသိရချေ။ ဤဘုရားဘွဲ့တော် ပေးဖြစ်ခဲ့ပုံမှာ ဘုရားဝင်းအတွင်း အဂ္ဂိရတ်ဖိုထိုးရာတွင် အသုံးပြုခဲ့သော လုံကွဲများ၊ မီးသွေးခဲနှင့် ပြာများတွေ့ရှိခဲ့သဖြင့် ရှင်အဇ္ဇဂေါဏဘုရားဟု နာမည် ပေးခြင်းသာဖြစ်လေသည်။

ဘုရား၏ရာဇဝင်ကို အတိအကျ မသိနိုင်သော်လည်း ဘုရား၏ တည်ဆောက်ထားပုံအပြင်ပန်းကို လေ့လာနိုင်သည်။ ရှင်အဇ္ဇဂေါဏ ဘုရားသည် ခုံအမြင့်ပေါ်တွင် တင်ကာ ဆောက်လုပ်ထားသည်။ အလည်မဏ္ဍိုင်( Centre Core )ကိုမထည့်သွင်းဘဲ အုတ်နံရံ ၄ ဘက်မှ တက်လာသော ခုံးမိုး( ၄ ) ခုပေါင်းဆုံကာ စုထိုးပေါင်းမိုး ( Cross Vault )အဖြစ်အထက်သို့ ကွမ်းတောင်တက်ထားသော သာမာန်ပုဂံဘုရား တို့နှင့် မတူသည့် ဘုရားဖြစ်သည်။ တိုင်မပါသော ဤတည်ဆောက်ပုံမျိုးသည် ခုံးမိုးများကို ပိုင်နိုင်ကျွမ်းကျင်စွာ အသုံးချနိုင်သော ပုဂံခေတ်၏ ဆောက်လုပ်ရေး နည်းပညာကို ပြသနေသော ဗိသုကာဖြစ်ပြီး ရှားပါးဘုရားတစ်ဆူ လည်းဖြစ်သည်။ အပြင်ဖက်ပိုင်းတွင် အင်္ဂတေ အမွန်းပန်း တို့သည် အတော်ပင် ကောင်းမွန် နေသေးသည်။ အတွင်းနံရံများတွင် သမ္ဗုဒ္ဓေ ဘုရားများစွာကို ပန်းချီရေးဆွဲ ထားသည်။ ဤဘုရားကို ( ၁၂ ) ရာစုနှောင်းခန့်က တည်ဆောက်ခဲ့သော ဘုရားဟု ပညာရှင်တို့ ယူဆသည်။

ထို့ကြောင့် ဒဏ္ဍာရီနှင့် ဆက်စပ်ကာ ဗိသုကာဆန်းကြယ်သော ရှင်အဇ္ဇဂေါဏ ဘုရားအား ပုဂံသို့ရောက်လျှင် သွားရောက် လည်ပတ် သင့် ပါကြောင်း သုခုမအလင်းတန်းများမှ ရေးသား တင်ဆက် လိုက်ပါသည်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.