နောက်ဘဝမှပဲ ဘောလုံးကန်တော့မယ် ဆိုတဲ့ လက်ရွေးစင် ဘောလုံးသမား ကျော်မင်းဦး

နောက်ဘဝမှပဲ ဘောလုံးကန်တော့မယ် ဆိုတဲ့ လက်ရွေးစင် ဘောလုံးသမား ကျော်မင်းဦး

မြန်မာနိုင်ငံ ဘောလုံးအသင်းကို ပထမဆုံး ဥရောပအဆင့်ပြိုင်ပွဲကို ပို့ဆောင်ပေးခဲ့တဲ့ အသင်းထဲမှာ ပါဝင်ခဲ့တဲ့ လက်ရွေးစင်ဘောလုံးသမား ကျော်မင်းဦးကိုတော့ မှတ်မိကြဦးမယ် ထင်ပါတယ်။ ဘောလုံးသမားဖြစ်ပေမယ့်လည်း ဆွဲဆောင်မှုရှိတဲ့ မျက်နှာထားနဲ့ အရပ်အမောင်းကို ပိုင်ဆိုင်ထားတာကြောင့် ပျိုမေတွေ ဝန်းရံခဲ့ကြပါသေးတယ်။ ဒါပေမယ့်လည်း စိတ်မကောင်းစရာအနေနဲ့ ကျော်မင်းဦးကတော့ ခြေထောက်ဒဏ်ရာတွေကြောင့် ဘောလုံးသမား ဘဝမှာ အပြီးတိုင် အနားယူလိုက်ပါတယ်။ ဒီလိုအနားယူပြီးနောက် ပြီးခဲ့တဲ့ ရက်ပိုင်းမှာတက်လာတဲ့ ကျော်မင်းဦးရဲ့ ဓါတ်ပုံလေးတွေကြောင့် ပရိသတ်တွေ ဝမ်းနည်းခဲ့ရပါတယ်။ ဒါကြောင့် mc ကတော့ ကျော်မင်းဦးရဲ့ ဘဝအကြောင်း လက်ရှိအခြေနေလေးကိုတော့ သွားရောက်မေးမြန်းခဲ့တာကို ပြောချင်လွန်းလို့ ပေ့ခ်ျက ဖော်ပြပေးလိုက်ပါတယ်။

Mc နဲ့ အင်တာဗျုးမှာတော့ ဘောလုံးသမား ကျော်မင်းဦးက သူ့ဘဝအကြောင်းလေးကိုတော့ “ဒီအလုပ်လေးက အဖေနဲ့ အမေက အရင်ကတည်းက လုပ်နေတာ။ ခု ကျွန်တော်ဘောလုံး မကန်တော့ သူတို့ကို လုပ်ကူနေတာပေါ့။ ကျွန်တော် မြေကုပ်တာပါ။ ဝယ်တဲ့သူတွေ ရှိတယ်လေ။ တခါမှတော့ ဒီလိုအလုပ်မလုပ်ဖူးပါဘူး။ ဘောလုံး မကန်တော့မှ လုပ်ဖြစ်တာပါ။ အဖေနဲ့ အမေကလည်း မခိုင်းပါဘူး။ ဒီလိုတွေ လုပ်နေရတာကတော့ ပျော်ပါတယ်။ ဘောလုံးကန်တဲ့ စိတ်ခံစားမှုကတော့ ဘာမှ မရှိတော့ပါဘူး။ လွတ်လပ်သွားတယ်။ ဟိုမှာကျတော့ အမြဲတမ်းဘယ်လိုကစားရမယ်။ ဒဏ်ရာဘယ်လိုကုရမလဲဆိုပြီး သူငယ်ချင်းတွေ ကစားတော့လည်း ကစားချင်တာပေါ့။ အဲ့ဒါ အဖေနဲ့ အမေနဲ့ကို တိုင်ပင်ပြီးတော့ အပြီးပြန်လာလိုက်တာ။ ကျွန်တော်တိုင်းနဲ့ ပြည်နယ်မှာ တခါမှ မကန်ဖူးဘူး။ ကျောင်းပွဲပဲ ကန်ဖူးတယ်။ အကယ်ဒမီရွေးတာ။ မန္တလေးမှာ အကယ်ဒမီရွေးတဲ့ထဲမှာ ပါသွားတာ။ ရန်ကုန်မှာ ရွေးပြီးတော့ မန္တလေးမှာ နေရတာ”

မိတ်ဆွေတွေ သူငယ်ချင်းတွေရော ဘာတွေ ပြောကြလဲဆိုတဲ့ အပေါ်မှာတော့ “သူတို့ကတော့ ပြန်လာခဲ့ပါဆိုတဲ့ ခေါ်ကြပါတယ်။ ရွာကလူတွေကတော့ ဘာဖြစ်တာလဲပေါ့။ ကျွန်တော်ကတော့ ခြေထောက်မကောင်းလို့ပဲဆိုပြီးတော့ ပြောလိုက်တာ။ ခြေထောက်ကတော့ နှစ်ချောင်းလုံး ဒဏ်ရာရခဲ့တာပါ။ အကြောပြတ်သွားတာတွေကို အစားထိုးထားတာပေါ့။ ၃ နှစ်နီးပါးလောက်ပဲ။ ခဏလောက်ကစားတယ် ပြီးတော့ နောက်တချောင်းထပ်ဖြစ်ခဲ့တယ်။ ဘောလုံးကစားရင်း အခန့်မသင့်လို့ ဖြစ်သွားတာပေါ့။ ရမလားဆိုပြီး ကုတာပဲ။ နောက် ပြန်ကစားတော့မှာ အကြောပြတ်သွားတာ။ ပြတ်သွားတော့ ဒဏ်ရာကို ပေါ့ပေါ့လေးပဲ ထင်တာပေ့ါ။ ကျွန်တော်ခံရတာကို ကျွန်တော်ပဲ သိပါတယ်။ အသက်ကြီးလာရင် ပိုဆိုးလာမယ် ထင်တာပဲ။ ခုတောင်မှ လမ်းလျှောက်ရတာ သိပ်ပြီးတော့ အဆင်မပြေဘူး။ နည်းနည်းမြင့်တဲ့နေရာကနေ ခုန်ချလို့မရဘူး”

“ထိုင်းမှာရှိတုန်းကတော့ အောင်သူလည်း ရှိတယ်လေ။ သူက အကုန်ကူညီပေးတယ်။ သူဆီမှာပဲ နေပြီးတော့ ကုပေးတယ်။ ကျွန်တော်လည်းအားနာတာနဲ့ ပြန်လာတာ။ ဥက္ကဌ ပဲအကုန်လုပ်ပေးတာပေါ့။ တခါတလေ မရှိတော့လည်း အောင်သူနား သုံးပေ့ါ။ ကုန်ကျစရိတ်ကတော့ ခွဲတာက သိန်း ၇၀ အားလုံးဆို သိန်း ၂၀၀ လောက်ရှိမှာပေါ့။ ခုထိလည်း မကောင်းသေးပါဘူး။ မကုရဲတော့ဘူး။ မေ့ဆေးတွေ ခဏခဏထိုးတော့ တခါတလေ ပစ္စည်းတွေ ဘယ်နားမှာ ထားလည်းတောင် မသိတော့ဘူး။ အဲ့လိုမျိုးတွေ ဖြစ်တယ်”

စိတ်ခံစားမှုနဲ့ ပတ်သက်ပြီး “ကျွန်တော်က ဒီလိုဖြစ်လာမယ်ဆိုတာ ပါပြီးသားလေ။ ဘယ်သူ့မှ အမှားမဟုတ်ပါဘူး။ ဖြစ်လာမယ့် ကံပါလာတော့ ဒီလိုပဲ ခံရမှာပဲ။ ကျွန်တော် ထိုင်းလိဂ်လောက်တော့ ထွက်ကစားချင်ခဲ့တယ်။ အဲ့လောက်ဆို ကျေနပ်ပြီ အဖေအမေကလည်း ထွက်ကစားစေချင်တယ်။ အောင်သူကို ကြည့်ပြီးတော့ ပိုအားကျတာပေါ့။ မြန်မာနိုင်ငံနဲ့က အစစအရာရာ ဘာမှ မဆိုင်ပါဘူး။ ဟိုမှာက ကွန်ဒိုနဲ့ထားတယ်။ လစာတွေကလည်းကွာတယ်။ ဘာမှမဆိုင်ပါဘူး”

“အောင်သူကတော့ ကျွန်တော့်ကို ဆက်ပြီးတော့ ကုဦးသူငယ်ချင်း။ သူကတော့ အမြဲတမ်းပြောပါတယ်။ သူက စကားနည်းတာဆိုတော့ သိပ်ပြီးတော့ မပြောပါဘူး။ ကျွန်တော်နဲ့ အောင်သူနဲ့က အကယ်ဒမီကျောင်းတူတူတက်တယ်။ ငယ်ငယ်လေးကတည်းက တူတူပဲ။ တော်တော်ခင်ပါတယ်။ သူ့ကို ကျွန်တော်က ပရီးမီးယားလိဂ် ရောက်စေချင်တာပေါ့။ ကျွန်တော်လည်း ရောက်ချင်ခဲ့ပါတယ်”

“ငယ်ငယ်လေးကတည်းက ကျွန်တော်က ဒီလိုဘဝမှာပဲ နေလာတာလေ။ ဘောလုံးမကန်ရလည်း ကျွန်တော့်အတွက်တော့ သိပ်ပြီးတော့ မထူးခြားပါဘူး။ ပရိသတ်တွေတော့ စိတ်မကောင်း ဖြစ်သွားတာပေါ့။ ပုံလေးကလည်း သူငယ်ချင်းတယောက် ရိုက်ပေးသွားတာကို တင်လိုက်တာပါ။ ကျွန်တော်က ဘာမှမဖြစ်ပါဘူး။ မပင်ပန်းနေပါဘူး။ မိဘအလုပ်ကိုလုပ်တယ်။ အဲ့အတွက်တော့ ဘာမှ စိတ်မပူကြပါနဲ့။ ကျွန်တော် နောက်ဘဝမှပဲ ဘောလုံးကန်တော့မယ်။ အဲ့လောက်ပါပဲ” ဟု ပြောကြားသွား ခဲ့ပါတယ်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.