နတ်ကိုးကွယ်ယုံကြည်သူတွေ ပူဇော်ပသနေကြတဲ့ အပြင် (၃၇) မင်း နတ်များ အကြောင်း

နတ်ကိုးကွယ်ယုံကြည်သူတွေ ပူဇော်ပသနေကြတဲ့ အပြင် (၃၇) မင်း နတ်များ အကြောင်း

မန်မာနိုင်ငံမှာ နတ်ကိုးကွယ်မှုအနေနဲ့ အတွင်း (၃၇) မင်း၊ အပြင် (၃၇) ဆိုပြီးရှိပါတယ်။

ပုဂံမှာ အနော်ရထာမင်းတက်လာတော့ အရည်းကြီးတွေနဲ့ နတ်ကိုးကွယ်မှုတွေကို တိုက်ဖျက်တဲ့အခါ နတ်ရုပ်တွေကို ရွှေစည်းခုံဘုရားတံတိုင်း အတွင်းနဲ့ အပြင်ဘက်မှာ စုပုံချည်နှောင်ထားခဲ့ပါတယ်။ အတွင်းဘက်မှာထားခဲ့တဲ့ နတ်တွေကို အတွင်း (၃၇) မင်းလို့ခေါ်ပြီး အပြင်မှာထားခဲ့တဲ့ နတ်တွေကိုတော့ အပြင် (၃၇) မင်းလို့ခေါ်ပါတယ်။ အနော်ရထာ မင်းခေတ်တုန်းကတော့ အတွင်း (၃၇) မင်းပြည့်ပေမယ့် အပြင် (၃၇) မင်းပြည့်အောင် မရှိသေးဘဲ (၂၂) ပါးသာ ရှိပါသေးတယ်။

ဘုရားဟော အာဋာနာဋိယသုတ်ကြီးအရ နတ်စစ်သူကြီး (၃၇) မင်းကိုရည်ရွယ်ပြီး အတွင်း (၃၇) မင်းလို့ ခေါ်ကြတာ ဖြစ်ပါတယ်။ အာနန္ဒာဘုရားထဲမှာတော့ အဆိုပါနတ်မင်းရုပ်တု (၂၈) ပါးရှိပါတယ်။

ခုကောက်နုတ်တင်ပြပေးမှာကတော့ အသိများတဲ့ အပြင် (၃၇) မင်းနတ်တွေအကြောင်းပဲဖြစ်ပါတယ်။ အပြင် (၃၇) မင်းနတ်စာရင်းကို (၁) ဝန်ကြီးပဒေသရာဇာ ပြုစုတဲ့ နတ်စာရင်း၊ (၂) မြဝတီမင်းကြီးဦးစ ပြုစုတဲ့ နတ်စာရင်း၊ (၃) မန္တလေးရွှေမြို့တော်တည်စာတမ်းအရ ဆိုပြီး (၃) ခုရှိတဲ့အနက် နောက်ဆုံး အတည်ပြုခဲ့တဲ့ စာရင်းဖြစ်တဲ့ မြဝတီ ဝန်ကြီးဦးစပြုစုခဲ့တဲ့ စာရင်းကို ဖော်ပြပေးပါမယ်-

  • (၁) သိကြား – (၃၇) မင်းနတ်စာရင်းမှာ အဦးအစီးအဖြစ် သိကြားမင်းကို ဖော်ပြထားပါတယ်။
  • (၂) မဟာရီရိနတ် – ပန်းဘဲမောင်တင့်တယ်လို့ လူတွေသိကြပြီး ခွန်အားကြီးလို့ တကောင်းမင်းက သူ့ကို ပုန်ကန်ှမှစိုးလို့ မောင်တင့်တယ်ရဲ့ နှမကြီးကို မိဖုရားမြှောက်ဟန်ပြုပြီး စကားပင်မှာ ချည်နှောင်၊ ဖိုကျဉ်ထိုး အသတ်ခံခဲ့ရလို့ နတ်ဖြစ် သွားပါတယ်။
  • (၃) နှမတော်နတ် – မောင်တင့်တယ်ရဲ့ နှမအကြီးဖြစ်ပြီး သူ့ကြောင့် သူ့အကိုသေရလေခြင်းဆိုပြီး မီးပုံထဲခုန်ဆင်းလို့ သတ်သေခဲ့ပြီး နတ်ဖြစ်သွားပါတယ်။
  • (၄) ရွှေနဘေ – သမိုင်း (၃) မျိုးရှိတဲ့အနက် ပန်းဘဲ မောင်တင့်တယ်နဲ့ ရတဲ့ နဂါးမလို့ လူသိများပြီး မောင်တင့်တယ် အသတ်ခံရတော့ ရင်ကွဲနာကျ သေဆုံးလို့ နတ်ဖြစ်သွားပါတယ်။
  • (၅) သုံးပန်လှ – သမိုင်း (၂) မျိုးရှိတဲ့အနက် မောင်တင့်တယ်ရဲ့ နှမငယ်ဖြစ်ပြီး မောင်တင့်တယ်အသတ်ခံရတော့ ပြေးရင်းနဲ့ ဖျားပြီးသေဆုံးလို့ နတ်ဖြစ်သွားတယ်လို့ မှတ်ယူကြပါတယ်။
  • (၆) မနဲမိ – သုံးပန်လှရဲ့သမီးဖြစ်ပြီး အသက် (၂) နှစ်အရွယ်မှာ မိခင်သေဆုံးလို့ မယ်တော်ကိုလွမ်းပြီး သေဆုံးခဲ့ပြီး နတ်ဖြစ်သွားပါတယ်။ မနှဲလေးလို့ လူသိများပါတယ်။
  • (၇) တောင်မကြီး (ရှင်ညို) နှင့် (၈) မြောက်မင်း (ရှင်ဖြူ) – မောင်တင့်တယ်နဲ့ နဂါးမ ရွှေနဘေတို့ရဲ့ သားနှစ်ယောက် ဖြစ်ပြီး ဒွတ္တဘောင်မင်းကြီးက သူ့ကို ပုန်ကန်မှာစိုးလို့ ညီအကိုနှစ်ယောက် အချင်းချင်းလက်ဝှေ့ထိုးခိုင်းလို့ ရင်ကွဲနာကျပြီး နှစ်ယောက်လုံး သေဆုံးခဲ့ပြီး နတ်ဖြစ်သွားပါတယ်။
  • (၉) ထီးဖြူဆောင်းနတ် – အနော်ရထာမင်းရဲ့ ခမည်းတော် ကွမ်းဆော်ကြောင်ဖြူမင်းဖြစ်ပြီး မယားပါသားနှစ်ယောက်ရဲ့ ထီးနန်းသိမ်းခြင်းခံရပြီး အရည်းကြီးဝတ်စေရာ အရည်းကြီးဘဝနဲ့ သေဆုံးပြီး နတ်ဖြစ်သွားပါတယ်။
  • (၁၀) ထီးဖြူဆောင်းမယ်တော် – ကွမ်းဆော်ကြောင်ဖြူမင်းရဲ့ မယ်တော်ဖြစ်ပြီး နာမကျန်းဖြစ်လို့ သေးဆုံးပြီး နတ်ဖြစ် သွားပါတယ်။
  • (၁၁) ပရိမ္မ မင်းခေါင် – ကွမ်းဆော်ကြောင်ဖြူမင်းကို နန်းချပြီး နန်းတက်ခဲ့တဲ့ ကျည်စိုးမင်း ဖြစ်ပြီး တောလိုက်ထွက်စဉ် မုဆိုးပစ်တဲ့မြှားမှန်လို့ သေပြီး နတ်ဖြစ်သွားပါတယ်။
  • (၁၂) ရွှေဖျဉ်းကြီး၊ (၁၃) ရွှေဖျဉ်းငယ် – အနော်ရထာမင်းလက်ထက် မောင်ဗျတ္တနဲ့ မယ်ဝဏ္ဏတို့ရဲ့ သားနှစ်ယောက်ဖြစ်ပြီး တောင်ပြုန်းမှာ ဘုရားတည်ရာ အုတ်နှစ်ချက်လစ်လျက်တဲ့အတွက် ကွပ်မျက်ခံရပြီး နတ်ဖြစ်သွားပါတယ်။
  • (၁၄) မန္တလေးဘိုးတော် – ရွှေဖျဉ်းညီနောင်တို့ရဲ့ ဆရာသခင်ဖြစ်ပြီး ၄င်းအဆုံးအမ မကောင်းလို့ ရွှေဖျဉ်းညီနောင် ပျက်စီးရတယ်ဆိုပြီး အသတ်ခံရလို့ နတ်ဖြစ်ပါတယ်။
  • (၁၅) ရှင်ကွ – မန္တလေးဘိုးတော်ရဲ့ နှမဖြစ်ပြီး ရွှေဖျဉ်းညီနောင် အရေးတော်ပုံနဲ့အတူ အသတ်ခံရပြီး နတ်ဖြစ်ရပါတယ်။
  • (၁၆) ညောင်ချမ်းအို – သထုံမနူဟာမင်းရဲ့ သားတော်တစ်ပါးဖြစ်ပြီး ကုဌနူနာစွဲကပ်လို့ ပုဂံမှာသေပြီး နတ်ဖြစ်ပါတယ်။
  • (၁၇) မင်းစည်သူ – အလောင်းစည်သူမင်းကြီးဖြစ်ပြီး သားတောနရသူက ထီးနန်းလိုချင်လို့ ခေါင်းအုံးနဲ့ ဖိသတ်ခံရလို့ နတ်ဖြစ်ရပါတယ်။
  • (၁၈) မင်းသား ဒန်းမောင်ရှင် – အလောင်းစည်သူမင်းရဲ့ သားတော်ကြီး မင်းရှင်စောရဲ့ သားဖြစ်ပြီး ငယ်စဉ် သာမဏေ ဘဝမှာ ဒန်းစီးရင်း ဒန်းပေါ်ကပြုတ်ကျလို့ သေဆုံးပြီး နတ်ဖြစ်ရပါတယ်။
  • (၁၉) မင်းကျော်စွာ – ပုခန်းဦးမင်းကျော်လို့လည်းခေါ်ပြီး ကိုကြီးကျော်လို့လည်း သိကြပါတယ်။ သမိုင်းလေးမျိုးရှိတဲ့အနက် လေးမျိုးလုံးမှာ လူဘဝက မိန်းမ၊ အရက်၊ ကြက် လောင်းကစားသဘင်ပွဲတွေမှာ နာမည်ကြီးပြီး မြင်းစီးကောင်းပါတယ်။ သူများသတ်လို့သေပြီး နတ်ဖြစ်သွားပါတယ်။
  • (၂၀) အောင်စွာမကြီး – နရပတေ့စည်သူမင်းရဲ့ ကျွန်ယုံတစ်ဦးဖြစ်ပြီး မင်းကို မထေ့မဲ့မြင်လုပ်လို့ အသတ်ခံရပြီး နတ်ဖြစ် သွားပါတယ်။
  • (၂၁) ရွှေစစ်သင် – ပုဂံခေတ် စောမွန်နစ်မင်းရဲ့သားတော်ဖြစ်ပြီး ခမည်းတော်က စစ်ချီခိုင်းတာကို ကြက်တိုက်နေလို့ ကွပ်မျက်ခံရပြီး နတ်ဖြစ်သွားပါတယ်။
  • (၂၂) မယ်တော်ရွှေစကား – စောမွန်နစ်မင်းရဲ့ မိဖုရားဖြစ်ပြီး သားတော်ရွှေစစ်သင်အသတ်ခံရလို့ ရင်ကွဲသေပြီး နတ်ဖြစ်သွားပါတယ်။
  • (၂၃) ငါးစီးရှင် – ပင်းယခေတ် တစ်စီးရှင် သီဟသူရဲ့ သား ငါးစီးရှင်ကျော်စွာဖြစ်ပြီး ဖျားနာအနိစ္စရောက်လို့ နတ်ဖြစ် ရပါတယ်။
  • (၂၄) မင်းတရားနတ် – အင်းဝမင်းခေါင်ရဲ့ နောင်တော် ဆင်ဖြူရှင် တရဖျားမင်းဖြစ်ပြီး သူယောင်မယ်နဲ့ပျော်ပါးမိလို့ ရူးသွပ်နေစဉ် အထိန်းတော်သတ်လို့ သေပြီး နတ်ဖြစ်သွားပါတယ်။
  • (၂၅) မောင်ပိုးတူ – ပင်းယမြို့က လက်ဘက်ကုန်သည်တစ်ဦးဖြစ်ပြီး ရှမ်းပြည်အသွား ကျားကိုက်ခံရပြီး သေလို့ နတ်ဖြစ်သွားပါတယ်။
  • (၂၆) အနောက်မိဖုရား – အင်းဝဘုရင် မင်းခေါင်ရဲ့ မိဖုရားဖြစ်ပြီး တောကစားစဉ် ကိုကြီးကျော်နတ် မြင်းစီးလာတာ ကိုမြင်ပြီး ထိတ်လန့်လို့ နန်းတော်ပြန်အရောက် မီးယပ်နာနဲ့ ကွယ်လွန်ပြီး နတ်ဘဝရောက်ရပါတယ်။
  • (၂၇) အောင်ပင်လယ် ဆင်ဖြူရှင် – အင်းဝဘုရင်မင်းခေါင်းရဲ့သား သီဟသူမင်းဖြစ်ပြီး မိဖုရား ဘို့မယ်နဲ့ ပျော်ပါးနေစဉ် အုန်းပေါင်စော်ဘွားက ဆင်နဲ့တိုက်လို့ သေပြီး နတ်ဘဝရောက်ရပါတယ်။
  • (၂၈) ရှင်ကုန်း – အောင်ပင်လယ်ဆင်ဖြူရှင်ရဲ့ ကိုယ်လုပ်တော်ဖြစ်ပြီး အောင်ပင်လယ်နဲ့ အုန်းပေါင်စော်ဘွားတို့ တိုက်ပွဲကအပြန် အင်းဝအရောက်မှာ အနိစ္စရောက်ပြီး နတ်ဘဝရောက်ရပါတယ်။
  • (၂၉) ရွှေနော်ရထာ – အင်းဝဘုရင် ဒုတိယမင်းခေါင်ရဲ့ မြေးဖြစ်ပြီး ဘထွေးတော် နာရပတိက သူ့ကိုလုပ်ကြံတယ်လို့ အယူရှိလို့ ရေမှာမျောပြီးသတ်လို့ နတ်ဘဝရောက်ရပါတယ်။
  • (၃၀) မင်းရဲအောင်ဒင် – အင်းဝဘုရင် သာလွန်မင်းရဲ့ သားမက်ဖြစ်ပြီး ဘိန်းဘင်း၊ အရက်ကြူး၍ အနိစ္စရောက်ပြီး နတ်ဖြစ် ရပါတယ်။
  • (၃၁) မောင်မင်းဖြူ – အင်းဝမင်းတစ်ပါးရဲ့ သားတော်ဖြစ်ပြီး အရက်သောက်စားမူးယစ်လို့ သေဆုံးပြီး နတ်ဘဝ ရောက်ရ ပါတယ်။
  • (၃၂) ရှင်တော်နတ် – သမိုင်း (၂) မျိုးရှိတဲ့အနက် (၂)မျိုးလုံးမှာ သာမဏေဖြစ်ပြီး မြွေကိုက်ခံရလို့ ပျံလွန်တော်မူလို့ နတ်ဘဝရောက်ရပါတယ်။
  • (၃၃) တပင်ရွှေထီး – တောင်ငူဘုရင် တပင်ရွှေထီးဖြစ်ပြီး အရက်သေစာသောက်စားမူးယစ်ပြီး အိပ်ပျော်နေစဉ် ညီအလတ် က လုပ်ကြံလို့ ကံကုန်ပြီး နတ်ဘဝရောက်ရပါတယ်။
  • (၃၄) မြောက်ဖက်ရှင်မ – တောင်ငူဘုရင် တပင်ရွှေထီးရဲ့ အထိန်းတော်ရဲ့ နောက်မယား ကဒူးရွာသူဖြစ်ပြီး မီးဖွားစဉ် မီးယပ်ရောဂါနဲ့ သေလို့ နတ်ဘဝရောက်ရပါတယ်။
  • (၃၅) တောင်ငူရှင် မင်းခေါင် – တပင်ရွှေထီးရဲ့ အထိန်းတော် မင်းရဲသိင်္ခသူနဲ့ မြောက်ဖက်ရှင်မတို့က မွေးပြီး တောင်ငူမှာ မင်းခေါင်အမည်နဲ့ မင်းဖြစ်လို့ အသက်လေးဆယ်ကျော်မှာ နာမကျန်းဖြစ်ကံကုန်ပြီး နတ်ဖြစ်တယ်။
  • (၃၆) သံတော်ခံ – တောင်ငူဘုရင်မင်းခေါင်ရဲ့ သံတော်ခံ ရဲဖျားဆိုသူဖြစ်ပြီး ငှက်ဖျားရောဂါနဲ့သေလို့ နတ်ဖြစ်တယ်။
  • (၃၇) ယွန်းဘုရင် – ဘုရင့်နောင် မင်းတရားကြီး ဇင်းမယ်ကိုသိမ်းတော့ ဇင်းမယ်ဘုရင်ကို ဖမ်းလာခဲ့ပြီး ဟံသာဝတီမှာ သွေးဝမ်းရောဂါနဲ့ သေလို့ နတ်ဘဝရောက်ရတယ်။

ကိုးမြို့ရှင် ကတော့ (၃၇) မင်းနတ်ထဲမှာ မပါပါဘူး။ ဒါပေမယ့် သူ့သမိုင်းက ပခန်းဦးမင်းကျော် ကိုကြီးကျော် နဲ့ ဆက်စပ် ပါတယ်။ ပခန်းကိုကြီးကျော်က ပရိယာယ်နဲ့ သူ့ထီးနန်းကို မလုအောင် ကိုးမြို့ရှင်ကို လုပ်ကြံခဲ့တာပါ။မင်းဖြူရှင်နတ်ကလည်း (၃ရ) မင်းထဲ မပါပါ။ နရပတိစည်သူမင်းရဲ့ မြင်းထိန်း ငပြည့်ဆိုသူဖြစ်ပြီး ဘုရင်က အမြတ်ထွက်လို့ ကွပ်မျက်ခံရတာကြောင့် နတ်စိမ်းဘဝရောက်ရပါတယ်။

ရေငံပိုင် ဦးရှင်ကြီးနတ် ကိုလည်း (၃၇) မင်းထဲ မထည့်ပါဘူး။ ဦးရှင်ကြီးနတ်နဲ့ ဆက်စပ်နတ်တွေကတော့ ဦးရှင်ကြီးရဲ့ အမေ မယ်ဖြူနတ်နဲ့ ဦးရှင်ကြီးလို ရေငန်ပင်လယ်ပိုင်းမှာထင်ရှားတဲ့ တစ်ပွဲစား အဘိုးလို့ခေါ်တဲ့ နတ်ဖြစ်ပါတယ်။ဖျာလိပ်နတ် မအောင်ဖြူ ကလည်း (၃၇) မင်းထဲမှာ မပါပါဘူး။ ပုဂံခေတ် ကျစွာမင်းလက်ထက်မှာ ဟံသာဝတီ ပြည်မြို့ တည်ရာမှာ စတေးပြီး မြို့ရိုးအောက် အမြုပ်ခံခဲ့ရလို့ သေပြီး နတ်ဖြစ်ရသူပါ။

မိုးခေါင်ကျော်စွာနတ် – နရသူမင်းကွပ်မျက်ခြင်းခံရပြီး မိုးခေါင်ရင် ကျော်စွာနတ်ကိုပူဇော်လို့ လွန်ဆွဲရတဲ့ နတ်တစ်ပါးပါ။နောက်ထပ် (၃၇) မင်းထဲ မပါပဲ နာမည်ကြီးတဲ့ နတ်တစ်ပါးကတော့ နံကရိုင်းမယ်တော်ပါ…အကျယ်သိလိုက ဦးကံမင်းရဲ့ ၃၇မင်းနှင့် နတ်မျိုးစုံ စာအုပ်သာ ရှာဖတ်ကြပါ။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.