ချမ်းသာချင်​ရင်​ အိပ်ရာက ​စော​စောထပါ

ချမ်းသာချင်​ရင်​ အိပ်ရာက ​စော​စောထပါ

”ချမ်းသာချင်ရင် အိပ်ရာက စောစောထပါ” လို့အောင်သမာဓိ ရွှေဆိုင်ပိုင်ရှင် ဦးအောင် က ပြောလိုက်တယ်။ဦးအောင်ရဲ့သား ကိုလူဟန်က ဘယ်လိုပြန်ပြောလည်းဆိုတော့ ”စောစောထတိုင်းသာချမ်းသာမယ်ဆိုရင် ပဲပြုတ်သည်တွေ ချမ်းသာနေရောပေါ့” တဲ့။ အောင်သမာဓိရွှေဆိုင်ပိုင်ရှင် ဦးအောင်နဲ့ ဦးအောင်ရဲ့သား ကိုလူဟန်တို့ ပြောဖူးကြတဲ့မတူညီတဲ့သဘောတွေပါတဲ့ စကားနှစ်ခွန်းပါ။ဒီစကားနှစ်ခွန်းကို တွေ့လိုက်ကြားလိုက်တဲ့လူတိုင်းက အဖေ နဲ့ သား ဆန့်ကျင်ဘက်ပြောထားတာလေးကို သတိထားမိပြီးပြုံးစိစိဖြစ်သွားကြကုန်ရော။တစ်ချို့ကလည်း အပျော်အနေနဲ့ အဲဒီ မတူညီတဲ့ စာသား နှစ်ကြောင်းကိုပြန်Share ကြရင်း တဖြည်းဖြည်း လူသိများလာတဲ့ ပြောစရာတစ်ခုလိုတောင်ဖြစ်သွားကြပါပြီ။

တော်တော်များများသတိထားမိကြပါလိမ့်မယ်။အဲဒီဖြစ်ရပ်လေးက facebook စာမျက်နှာမှာ ဒီလောက်နဲ့ပဲနိဂုံးချုပ်တာကြာခဲ့ရောပေါ့။ဦးအောင်က ကိုလူဟန်ရဲ့ အဲဒီချေပတဲ့စကားနဲ့ပတ်သတ်ပြီး ဘာပြန်ပြောလဲဆိုတာ ဘယ်သူမှ ဆက်ပြီး မရေးကြ မတင်ကြတော့ဘူး။ ဘယ်သူမှ ဆက်မရေးတင်ကြတော့ ဦးအောင် က ဘာပြန်ပြောလဲဆိုတာကျွန်တော်ဖြင့်သိပ်ကိုသိချင်လွန်းတာပါပဲ။ဒီလိုနဲ့မထင်မှတ်တဲ့တစ်နေ့မှာ ကျွန်တော်ကံကောင်းလာတော့ ဦးအောင် က ကိုလူဟန်စကားနဲ့ပတ်သတ်ပြီး ဘာပြန်ပြောလဲဆိုတာကျွန်တော်သိခွင့်ရလိုက်တယ်။ ဒီတော့ ကျွန်တော်သိခွင့်ရလိုက်သလို သိချင်ကြတဲ့လူတွေရှိမယ်ထင်လို့ (မှတ်မိသလောက်)ပြန်ရေးလိုက်တာပါပဲ။မသိချင်ရင်တော့ ဆက်ဖတ်စရာ မလိုပါဘူး။

သိချင်ရင်တော့ဆက်ဖတ်ပေါ့ခင်ဗျ။ မနေ့က အောက်တိုဘာ ၉ရက်,၂၀၁၈ ညနေပိုင်းမှာ ကျွန်တော်လည်း ဘာရယ်မဟုတ်ခပ်ပျင်းပျင်းရှိတာ နဲ့ Mandalay FM ရေဒီယိုလိုင်းရဲ့

တိုက်ရိုက်ထုတ်လွှင့်တင်ဆက်မှုကို နားထောင်မိတယ်။နားထောင်နေတုန်း ကျွန်တော်သဘောကျတဲ့ တင်ဆက်သူတွေဖြစ်တဲ့ ကိုဇာနည် နဲ့ မနေနေတို့က အောင်မြင်သူတွေကိုတိုက်ရိုက်မေးပြီး တင်ဆက်နေတဲ့ အစီအစဉ်ကနေ အောင်သမာဓိရွှေဆိုင်ပိုင်ရှင် ဦးအောင်နဲ့ တွေ့ဆုံမေးမြန်းပေးမယ်ဆိုတာလေးကြေညာတော့ စိတ်ဝင်တစား ဆက်နားထောင်ဖြစ်ပါတယ်။အဲလိုနဲ့ နားထောင်နေရင်း ဦးအောင်နဲ့ interview စပါပြီ။interview အစပိုင်းမေးခွန်းနှစ်ခုသုံးခုကို လည်း ဦးအောင်ကဖြေအပြီး အစီအစဉ်တင်ဆက်သူ ကိုဇာနည်က စိတ်ဝင်စားစရာ မေးခွန်းတစ်ခုထုတ်ပြီး ဦးအောင်ကိုဆက်မေးပါတော့တယ်။” အခုနောက်ထပ်အနေနဲ့သိချင်တာလေးတစ်ခုရှိပါတယ်။

အဲဒါကတော့ချမ်းသာချင်ရင် အိပ်ရာက စောစောထပါ” လို့ဦးအောင် က ပြောတဲ့အခါဦးအောင်ရဲ့သား ကိုလူဟန်က ဘယ်လိုပြန်ပြောလည်းဆိုတော့ ”စောစောထတိုင်းသာချမ်းသာမယ်ဆိုရင်

ပဲပြုတ်သည်တွေ ချမ်းသာနေရောပေါ့” တဲ့။ အဲဒါကိုဦးအောင်အနေနဲ့ဘယ်လိုမျိုးပြောပြချင်ပါသလဲ”လို့ ဆိုပြီး မေးလိုက်တာပါ။ဦးအောင်လည်း ပြုံးရွှင်တဲ့ အသံနဲ့ ” ဒီစကားနဲ့ပတ်သတ်ပြီးဖြေချင်နေတာကြာပါပြီ။အခုပြောချင်နေတာနဲ့ ကွက်တိဖြစ်သွားရတာပါပဲ ” ဆိုပြီး အစချီ ဖြေပေးပါတယ်။ ကျွန်တော်လည်း ကျွန်တော်သိချင်နေတာနဲ့ကွက်တိဖြစ်နေတာမို့ထခုန်မတတ်ဝမ်းသာသွားရတာပေါ့လေ။ဦးအောင်က live ဖြေပေးနေတာမို့ စိတ်ဝင်တစား နားထောင်ရင်း ဒီမေးခွန်းဖြေပေးတဲ့ဦးအောင်ရော မေးပေးတဲ့Mandalay FM ကအစီအစဉ်တင်ဆက်သူတွေကိုရော စိတ်ထဲကနေ တစ်ပြိုင်ထဲကျေးဇူးအင်မတန်တင်ရပြန်ပါတယ်။

အခု ကျွန်တော်က ဦးအောင် ပြောထားတာကို မှတ်မိသလောက် စာစီပြီး ပြန်ရေးပေးသွားမှာဖြစ်တဲ့အတွက် စကားပြော အတိအကျ စာလုံးတွေက ၏ သည်မရွေး ကွက်တိမဖြစ်တာတွေ၊ အကြောင်းအရာ အရှေ့ အနောက် ရောက်တာမတူတာတွေကျန်ခဲ့တဲ့အကြောင်းအရာရှိနေတာလေးတွေနဲ့ အမှားအမှန်တစ်ချို့ပါနေရင် ခွင့်လွှတ်ပေးဖို့ကြိုပြီး မေတ္တာရပ်ခံတောင်းပန်လိုက်ပါရစေ။သေချာတာကတော့ ဦးအောင်ပြောတဲ့အတိုင်း အပိုအလိုမဖြစ်အောင် မှတ်မိသလောက် ကိုယ့်အရေးအသားလေးနဲ့ သေချာလေးကြိုးစားပြီးပြန်ရေးရတာပါ။

ဒီအခုကိစ္စနဲ့ ပတ်သတ်ပြီး Interview မှာအောင်သမာဓိရွှေဆိုင်တည်ထောင်သူ ဦးအောင် ဖြေတဲ့ အဖြေက………” ဦးအောင်က အိပ်ရာထရင် နောက်ကျတာကိုမကြိုက်ဘူး။အဲဒါကြောင့် အိပ်ရာထနောက်ကျတဲ့ ဦးအောင်ရဲ့သား ကိုလူဟန်ကို ”သား မင်းအိပ်ရာထနောက်ကျရင်ဆင်းရဲမယ်။မဆင်းရဲအောင် အိပ်ရာစောစောထ” လို့ ပြောတယ်။

ဒီတော့ ကိုလူဟန်ကလည်း ခံစားချက်တွေရှိတယ်ထင်ပါတယ်။” ဟာ အဖေ ….ခင်ဗျားကလည်း အိပ်ရာ စောစောထတိုင်းသာ ချမ်းသာရင် ပဲပြုတ်သည်တွေချမ်းသာ နေရောပေါ့” လို့ပြန်ပြီး တုံ့ပြန်တာ။အဲဒီတော့ဦးအောင်က ပြန်ပြောတယ်”မင်းဘဝမှာမဆင်းရဲဖူးသေးလို့မင်းဒီလိုပြောတာ…အခုနေ ငါသာဆင်းရဲရင် မင်းလည်း ဝိုင်းလုပ်ပေးရဖို့ အိပ်ရာထဲမှာနောက်ကျတဲ့အထိ အခုလိုမျိုးတောင်အိပ်နေနိုင်မှာမဟုတ်ဘူး……..ဒီစကားကို မင်းဆင်းရဲဖူးမှနားလည်မယ်……..ငါကိုယ်တိုင်ဆင်းရဲနေရင် မင်းအခုလိုမျိုးတော့ နေလို့ရမှာမဟုတ်ဘူး……..အဲဒီကျမှမင်းသိမှာပေမဲ့ မင်းတစ်ယောက်ကိုဆုံးမ ဖို့အတွက် ငါဆင်းရဲပြပြီးတော့မှ ငါ့သားသမီးလေးယောက်မှာ ကျန်တဲ့သမီးသုံးယောက်ကိုဒုက္ခတွေရောက်အောင် လုပ်လို့မဖြစ်ဘူး

..မင်းကိုယ်တိုင်နားလည်ရမယ် ”ပေါ့။အခုတော့ ကိုလူဟန်က အဲဒီလိုလုံးဝမဟုတ်တော့ပါဘူး။ပြောင်းလဲသွားပါပြီ။အခု သူ့တပည့်တွေဘာတွေနဲ့တောင်ဖြစ်နေပါပြီ။” စောစောထတိုင်းသာချမ်းသာမယ်ဆိုရင် ပဲပြုတ်သည်တွေ ချမ်းသာနေရောပေါ့” ဆိုတဲ့စကားကလည်း အခု ဦးအောင်ရဲ့ရွှေပညာသင်တန်းမှာ သင်တန်းလာတက်တဲ့သူတွေကို ကိုလူဟန်ကအရင်တုန်းက အကြောင်းပြန်ပြောပြရင်းနဲ့ လူတွေသတိထားမိပြီး အခုမှ ပြန်တင်လိုက်ကြတဲ့စကားလေးပါပဲ။လွန်ခဲ့တဲ့(၁၀) နှစ်က ကိုလူဟန်ပြောခဲ့တာပါ။

သူ့မှာလည်းအဲဒီတုန်းကခံစားချက်ရှိမယ်ထင်ပါတယ်။အခုတော့ သူအရင်လိုမဟုတ်ပဲ လုံးဝသေချာပြောင်းလဲသွားပါပြီ။ သူအရင်တုန်းက အဲလိုစောစောမထပဲ ဝင်လာတဲ့ဖုန်းကိုကိုင်ပြီးရွှေ ကိစ္စလုပ်မိလို ဦးအောင်သိန်းအစိတ်(၂၅) ရှုံးဖူးတယ်။မနက်စောစောတက်လာတဲ့ရွှေသတင်းကိုမသိလိုက်ပဲ ရွှေကိစ္စဖုန်းပြောတော့ သိန်းအစိတ်(၂၅) ရှုံးသွားရတာပဲပေါ့။ဒါပေမဲ့ ဦးအာင်အပြစ်မပြောပါဘူး။သူလည်း အဲဒီနောက်ပိုင်းသိသွားတယ်လေ။ဒီတော့ အခုကိစ္စက ဦးအောင်အတွက် သိန်းအစိတ်(၂၅) ဆိုတာ သိန်း(၂၅၀၀)လောက် တန်ဖိုးကြီးသွားတယ်လ်ု့ပြောလို့ရပါတယ်။ဦးအောင်ကျေနပ်တယ်လေ။သူအသိတစ်ခုရှိသွားတာပေါ့။နောက်ဆို အမှားလုပ်ဖို့ ဆင်ခြင်မိသွားမှာပါ။

တစ်နေ့သူ့ကိုစီးပွားရေးနဲ့ပတ်သတ်တဲ့MBAသင်တန်းကို ဦးအောင်က မတက်နိုင်လို့ ၃သိန်းပေးပြီး သွားတက်ခိုင်းလိုက်တာ ပြန်လာတော့ ” ဟာ ခင်ဗျားကို ဒီတစ်ခါ တကယ်လေးစားတယ် အဖေ ” ဆိုပြီး လက်ဆွဲနှုတ်ဆက်တယ်။ဦးအောင်ကလည်း ”’ဟာ သားအဖချင်း ဘာလို့ ထူးဆန်းပြီးလက်တွေဘာတွေဆွဲနှုတ်ဆက်တာလဲ ”’ လို့မေးတော့” သင်တန်းမှာ အချိန်အကြာကြီး သင်နေတာတွေက အိမ်မှာ အဖေ ဆုံးမပြောပြပြီး လုပ်ကိုင်နေတာတွေပဲ” ဆိုပြီးတော့ပြောတယ်။နောက်ပိုင်းသူလည်း MBAတက်ထားတော့ဆိုင်ရဲ့Management ပိုင်းဆိုင်ရာ ပြုပြင်ပြောင်းလဲသင့်တာ သူ့ကိုပဲလုပ်ခိုင်းတော့တယ်။

အခုအချိန်မှာ သူနားလည်လာတော့ ဦးအောင် ကို”စောစောထတိုင်းသာချမ်းသာမယ်ဆိုရင် ပဲပြုတ်သည်တွေ ချမ်းသာနေရောပေါ့” ဆိုတဲ့စကား နဲ့ပတ်သတ်ပြီး မှားတာတွေတောင်းပန်တယ်။ဦးအောင်ကတော့ပြောတယ်”မင်းငါ့ကိုပြောခဲ့သလိုတစ်ချိန်ပြန်ခံရဦးမှာပဲ……မင်းနောက်တပည့်တွေ နောက်ထပ်လာမယ့်အငယ်တွေထဲကနေပြီးတော့မှမင်းငါ့ကိုပြောသလို ပြောမဲ့လူထပ်ပေါ်လာမှာ……အဲဒါတော့မင်းပြန်ခံရမယ်……..ဖြေရှင်းရမယ်……..မင်းကြိုပြင်ဆင်ထားလိုက်……ဘယ်လိုမှရှောင်လို့မရဘူး……

အချိန်တန်ရင်မင်းလည်းပြန်ခံရဦးမှာပဲ ”လို့ပေါ့။အခုတော့ ကိုလူဟန် လုံးဝပြောင်းလဲသွားပြီ။လွန်ခဲ့တဲ့(၁၀)နှစ်ကလို မဟုတ်တော့ဘူး။ဒီစကားလေးက လွန်ခဲ့တဲ့(၁၀)နှစ်က စကားလေးပါ။ကျွန်တော်မှတ်မိသလောက် အဲဒီစကားနဲ့ပတ်သတ်တဲ့အဖြေကိုရေးပြပေးခဲ့တာပါ။ကျွန်တော်ကတော့ အောင်သမာဓိ ဦးအောင်ရဲ့အဖြေမျှဝေမှု နဲ့ စေတနာကို ရင်ထဲ အသဲထဲကနှစ်နှစ်ကာကာ လှိုက်လှိုက်လှဲလှဲ ပြည့်ပြည့်ဝဝ ကြည်ညိုမိပါတယ်။လွန်ခဲ့တဲ့နှစ်ပေါင်းများစွာ ကျွန်တော်ကလေးဘဝတုန်းက တီဗီကလာတဲ့ကိုရီးယားဇာတ်လမ်းတွဲလေးတစ်ခုမှာပြောစကားလေးနှစ်ကြောင်းကိုအတိအကျမဟုတ်ပေမဲ့ သတိတရရှိနေပါသေးတယ်။လူကြီးအမျိုးသားတစ်ဦးကပြောတာကို လူငယ်အမျိုးသားကတုန့်ပြန်တဲ့အနေနဲ့ ပါ။

ဒီစကားနဲ့ ထပ်တူကို သိပ္ပံမောင်ဝ ရေးထားတဲ့ စာကြောင်းတွေထဲမှာလည်း ပါဖူးပါတယ်။အဲဒီစကားနှစ်ခွန်းက”စောစော ထတဲ့ငှက် အစာတွေပိုရတယ်””စောစောထတဲ့ ပိုးကာင်ကျတော့ငှက်အစာဖြစ်ရတယ်” တဲ့လေ။ဦးအောင်ရဲ့စကားကို ဦးအောင်ရဲ့သား ကိုလူဟန်က တုံ့ပြန်လိုက်တဲ့ လွန်ခဲ့တဲ့ (၁၀)နှစ်က စကားနဲ့စာသားမတူပေမဲ့ အဓိပ္ပါယ် သက်ရောက်မှုတွေတူပါတယ်။

စာဖတ်သူတွေလည်း က်ုယ့်အတွေးနဲ့ကိုယ်ဆက်လက်ပြီး နယ်ချဲ့ကြပါကုန်။ကျွန်တော်ကတော့ စာတစ်ခုခု ဖတ်ပြီးတဲ့အခါ အဲဒီကနေဆက်စပ်ပြီး တစ်ဆင့်ပြီးတစ်ဆင့်အဆက်မပြတ်တွေးပြီး မဆုံးနိုင်တဲ့ တွေးတောခြင်းသံသရာကိုချဲ့ရတာလည်း စာဖတ်ခြင်းရဲ့ အရသာကောင်းတွေ များစွာထဲက အရသာထူးတစ်ပါးလို့ ခံယူလျက်ပါပဲခင်ဗျ။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.