သမီးပျိုတိုင်းကို ပန်းဦး ဆက်ရတဲ့ ပုဂံခေတ် အရည်းကြီးများ အကြောင်း

သမီးပျိုတိုင်းကို ပန်းဦး ဆက်ရတဲ့ ပုဂံခေတ် အရည်းကြီးများ အကြောင်း

ပုဂံမြေ သည် ထေရဝါဒ ဗုဒ္ဓသာသနာ စတင်ထွန်းကား ပြန့်ပွားရာ နေရာဖြစ်သည့်အလျောက်ဘုရားပုထိုးပေါင်းများစွာ တည်ရှိသော အံ့ဖွယ်နေရာ တစ်ခုဖြစ်သည်။ ထို သာသနာတော် တရှိန်ထိုး တိုးတက် ခဲ့သော ပုဂံ သမိုင်း၌ လူအများစုအတွေးထဲတွင် အရည်းကြီးတို့၏ အခမ်းကဏ္ဍသည် စိတ်ဝင်စားဖွယ်အဖြစ် ပါဝင်လာသည်။ အရည်းကြီး နှင့်ပတ်သက်လျှင် အနော်ရထာမင်း မတိုင်ခင်ခေတ်နှင့် အနော်ရထာမင်း နောက်ပိုင်း ပုဂံ ခေတ်မှ စတင် ရေးသားရပါမည်။ အနော်ရထာမင်း မတိုင်မှီသည် ပျူ စာပေ၊ မွန်စာပေ၊ ပါဠိဘာသာ တို့ပေါ်ပေါက်ခဲ့သော်လည်း မြန်မာစာပေ မပေါ်ပေါက်သေးဟု လက်ခံကြသော ခေတ်ဖြစ်ကာ အနော်ရထာမင်း နောက်ပိုင်းသည် မြန်မာစာပေ စတင်ထွန်းကားလာသောခေတ်ဟု သတ်မှတ်ကြ သည်။ထို့ကြောင့် အရည်းကြီး အကြောင်းရှင်းလင်းရန်မှာ အတော်ပင် ခက်ခဲနေသည်။

အရည်းကြီး များ တကယ်ရှိသလား၊ မရှိဘူးလား သေချာပေါက် ပြောပြရန်မှာပင် ခက်ခဲနေပြန်သည်။တကယ်မရှိခဲ့လျှင် ရှင်းစရာမလိုသော်လည်း ( ၁၈ )ရာစု မြန်မာစာပေ အလွန်ထွန်းကား နေသော ညောင်ရမ်းခေတ် ရောက်သော် ဦးကုလားသည် တကောင်း ရာဇဝင်၊ သရေခေတ္တရာ ရာဇဝင်၊ပုဂံရာဇဝင် တောင်ငူရာဇဝင် များ စသော ရာဇဝင်များ အားလုံး စုစည်းကာ မြန်မာတစ်နိုင်ငံလုံးနှင့်ဆိုင် သော မဟာရာဇဝင်ကို ရေးသားခဲ့ရာတွင် အရည်းကြီးများ အကြောင်း ကို ထည့်သွင်း ရေးသားဖော်ပြထားသဖြင့် အရည်းကြီး အကြောင်းကို စဉ်းစားရတော့ပါမည်။

အရည်းကြီး ဆိုသည်မှာ လူနှင့်အပြုအမူအယူဝါဒတူရှိသော ရှင်ယောင် များ ဖြစ်ကြသည်။ အရည်ကြီးဟူသောဝေါဟာရ သည် အရိယဟူ သော ပါဠိ မှလာခဲ့ခြင်းဖြစ်သည်။ ပုဏ္ဏောဝါဒသုတ်အရ ရှင်ပုဏ္ဏက အစပြု၍ သရေခေတ္တရာမှ ပုဂံခေတ်ဦးထိ ခေတ်အဆက် ဆက် အစဉ်လာလိုက်နာခဲ့သော သာသနာ တော်ထမ်း ရဟန်း တို့သည် ဘုရားရှင် ၏ ကျင့်ဝတ် အရပ်ရပ်ကို လိုက်နာရသည်မှာ သိမ်မွေ့ သလောက် ကြပ်တည်း သဖြင့် မလိုက်နာလို၍ ကိုယ်ပိုင်အယူအဆ များကို ထည့်သွင်းကျင့်ကြံရင်း အကျင့်ယုတ်တို့ဖြင့် နေထိုင်သဖြင့် ကွဲလွဲပျက်စီးကြသည်။

တမ္မဝတီမြို့တည်ထောင်သော သစ်တိုင်မင်း လက်ထက်မှစ၍ ရဟန်း သူတော်မြတ်တို့၏ အကျင့်ကွယ်ပျောက်ကာ ယုတ်သောအကျင့်တို့ကို ပွင့်လင်းစွာ ကျင့်ကာနေထိုင် လေသည်။ ရဟန်း ခံခြင်း၊ သိမ်ဝင်ခြင်း၊ ကမ္မဝါဖတ်ခြင်းတို့ကို ပယ်ရှားသည်။ စာပေများတွင် ဧဝံမေသုတံ အစချီသော်လည်း အတွင်းစာသားများ ၄င်းတို့ အလိုဆန္ဒအတိုင်း ပြင်ဆင်ရေးသား သည်။ သင်္ကန်းကိုလည်း အနက် ၊ အညို ၊ အပြာများကို နှစ်သက် သလို ဝတ်ဆင်ကြသည်။ဦးထုတ်ဆောင်း အဆင် ပြေစေရန် ဆံပင်လက်လေးသစ် လက်တစ်ဝါးအပြင် နှုတ်ခမ်းမွေး ၊ မုတ်ဆိတ် မွေးထားသူလည်းထားသည်။ သာသနာကာကွယ်ရန် သိုင်းပညာ၊ ကိုယ်ခံပညာ၊ လက်ဝှေ့ထိုးသတ်ခြင်းပညာအပြင် ဆင်စီး၊ မြင်းစီး၊ လက်နက်ပုန်း ပစ်ခြင်းများကိုပြုလုပ်သည်။ ရေချိုး ၊မီးလှုံ ၊ တုန်းခုံ၊ ဇယ်ခတ် ဟူသောအတတ်တို့ကို တတ်မြောက်သည်။ ရေချိုးခြင်းသည် ခန္တာကိုယ်အညစ် အကြေးကျရောက်ခြင်းမှ သန့်စင်ရန်ဖြစ်သည်။

မီးလှုံသည် ခန္တာကိုယ် တွင်းလောဘ၊ ဒေါသ၊ မောဟ တို့ လောင်ကျွမ်းစေရန် မီးလှုံခြင်းဖြင့် ကိလေသာတို့ လောင်ကျွမ်းစေသည်။ ရေချိုးနှင့်မီးလှုံနည်းသည် အိန္ဒိယ မှ ဆင်းသက်လာသော နည်းဖြစ်သည်။ တုံးခုန်သည် သစ်တုံးများကို မြေတွင်စိုက်ထူကာ ထိုတုံးများပေါ်တွင် ခုန်ပြန်ကျော်လွားကာ သိုင်းကွက်နင်းခြင်းကို ပြုလုပ်သည်။ ဇယ်ခတ်သည် သံပြား၊ သံဆူး၊ သံချွန် လက်နက်ပုန်းပစ်သောပညာဖြစ်သည်သည်။ တုံးခုံနှင့် ဇယ်ခတ်နည်းသည် တရုတ်ပြည်မဟာယနနည်းဖြစ်သည်။ အင်းအိုင်၊ ခါးလှည့်၊ လက်ဖွဲ့၊ စက်သွင်း၊ မှော်၊ ထိုးကွင်း၊ မန္တာန်းဂါထာများကို လေ့လာ၍ ဣဒိတန်ခိုးများကို ပြောကာ လူများယုံကြည်အောင် လှည့်ဖျား ဆွဲဆောင်သည်။

ပုပ္ပါးတောင် နီးရှိ သမထီးအရပ်သည် အရည်းကြီးတို့၏ ဗဟိုဌာနချုပ်ဖြစ်သည်။ သစ်မထီးဟုလည်းရေးသည်။ ကျောက်စာများ တွင် သစ်မတည်ဟုရေးသည်။ စလေဦးပုံညက “ရှေးအထီတေ၊ ပုဂံပြည်တွင်၊ ဆံကေသာ လက်လေးသစ်၊ မုတ်ဆိတ် မွေးဗလပြစ်၊ မဲညစ်သည့်စီဝရံနှင့်၊ တာတေလံအကျင့်ဆိုးသော ၊ ရှင် သိုးတကာ့ ခေါင်ကြီး၊ ရှင်မတီး” ဟု လင်္ကာစပ်ဆိုသည်။ ထိုသမထီးမှ တဖြည်း ဖြည်း လွမ်းမိုးလာကာ သက္ကရဇ်( ၉၃၁ )ခုနှစ်တွင် ပုဂံတွင်နန်းတက် သော စောရဟန်းဘွဲ့ခံ တောင်သူကြီးမင်း လက်ထက်တွင် အရည်း ကြီးများကို တစ်ပြည်လုံးကိုးကွယ်သည့်အထိ သြဇာလွမ်းမိုးလာခဲ့ သည်။ တောင်သူကြီးမင်း ကိုယ်တိုင် ဘုရား တည် ရာတွင် အရည်းကြီး များထံမှ အကြံဥာဏ်တောင်းခံရသည်။

အရည်းကြီးတစ်ဦး အခြားသူ များနှင့် ရန်ဖြစ်လျှင် မည်သူမှား သည်ဖြစ်စေ၊ မှန်သည်ဖြစ်စေ ထိုအရည်းကြီး များဘက်မှ ဝင်ရောက်ထိုးကြိတ်ရိုက်နက်သည်။ သူတစ်ပါးအသက်ကို သတ်သောသူ တစ်ယောက်သည် အရည်းကြီး တို့အား ကိုးကွယ်ဆည်းကပ်သော် အရည်းကြီးတို့က ပရိတ်ရွတ်ပေး လျှင် ကမ္မပထမှ လွတ်သည်။ မိဘ သတ်သောသူပင် အရည်းကြီး တို့အပြစ်မှကင်းပျောက်သော ဂါထာရွတ်ပေးလျှင် အပြစ်ကင်း ပျောက်သည်။ အကုသိုလ်ကံ ပြုလုပ်မိ ကာ အရည်းကြီးတို့ ထံ တောင်းပန်သော် အရည်းကြီး တို့ကသာ ခွင့်ပြုလျှင် ငရဲမှလွတ်မြောက် ကာ နတ်ပြည်ထိပင် ရောက်နိုင်သည်။ ဘုရင်မှအစ မှူးမတ်၊ ကလန်၊ သံပျင်၊ သူဌေး၊ သူကြွယ် ၊ ပြည်သူအားလုံး သားသမီးမင်္ဂလာပြုသော် ဆရာသို့အား ပန်းဦးလွတ်ကာ မိုးလင်းမှပြန်လွတ်မှ လက်ထပ် ထိန်းမြှား ကြသည်။ ပန်းဦးမလွတ်လျှင် အစဉ်အလာကိုဖျက်သည် ဟုဆိုကာ ကြီးစွာသော ပြစ်ဒဏ်ပေးသည်။

ပုဂံ ပြည်တွင် ဘုရား၊ တရား၊ သံဃာ ရတနာသုံးပါး အပြင် လောက နာထ၊ ဗြဟ္မာ၊ ဗိသနိုး၊ ပရမေသွာရ် တို့ကို၎င်း နတ်နဂါး အရည်းကြီး စသည့် ကိုးကွယ်မှု တို့ ရောထွေးနေခိုက် မသန့်ရှင်းသော အယူဝါဒ တို့ တည်ရှိခဲ့သည် ။ မင်းဆက် ( ၃၀ ) တိုင်တိုင် ပေါ်ထွန်းခဲ့သော အရည်းကြီး အယူဝါဒကို အနော်ရထာ မင်းနန်းတက်သောအခါ မနှစ်သက်သဖြင့် ဆက်ကပ်လှူဒါန်းခြင်း မပြုလုပ်စေရန် တစ်စတစ်စ ဖျက်သည်။ ရှင်အရဟံ ပုဂံသို့ ရောက်လာအပြီး စစ်မှန်သော ထေရဝါဒ ဗုဒ္ဓ ဘာသာ တည်သောအခါ အရည်းကြီး တို့ လာဘ်လာဘတန်ခိုး တိမ်ကော သွားလေသည်။

၎င်းတို့အားကိုးရသောမင်းမရှိ ပြည်သူ တို့ ကလည်း မယုံကြည်သဖြင့် လူအများ ယုံကြည်မှု ရရှိလာစေရန် လုပ်ကြံ ဇတ်လမ်းဆင်သည်။ သရေခေတ္တရာတွင် အသားစေ့ လွယ်သော သခွတ်ပင်အတွင်း ၄င်းတို့ကျမ်းကို ထည့်သွင်းကာ ထားရှိသည် ( ၃ ) နှစ်ခန့်အကြာ အသား စေ့သော် သရေခေတ္တရာ တွင် မှန်ကန်သော ကျမ်း သခွပ်ပင်ကြီး အတွင်းတွင်ရှိကြောင်း အိပ်မက်မက်သည် ဟု အနော်ရထာမင်းအား လာရောက်ပြော ကြားသည်။ ထိုကျမ်းကို ဖတ်ကြည့်သော် ရှေးသဘော သကန်ဝါဒအတိုင်းပင် ဖြစ်နေသဖြင့် လိမ်လည်လှီဆယ်သည်ကို သိလေသည်။ အနော်ရထာမင်းလည်း ထိုစာများကို ထိုအရပ်တွင် မီးတိုက်စေရာ ယနေ့တိုင် မီးတိုက်ကုန်း ဟူ ၍ ရှိလေသည်။ အရည်းတို့ အလိမ်ပေါ်သဖြင့် ရှင်အရဟံနှင့် အနော်ရထာ အပေါ် အညိုးထားသည် ။ အနော်ရထာ လည်း အရည်းကြီး တို့အားနှိပ် ကွက်လေတော့သည်။ အရည်းကြီးနှင့် တပည့်များကို လူဝတ်လဲ စေကာ ဆင်ချေးကျုးံနေရာတွင်ထည့်သည်။

အရည်းကြီးအချို့ မခံနိုင်ထွက်ပြေးကြကာ ပုဂံအနီး လက်ထုတ်နယ်၊ စလေ တို့တွင် အရည်းတို့မြေကတုတ်၊ ကျုံးမြောင်းများဖြင့်ခုခံ သည်မှာ ယနေ့တိုင် တွေ့ရသည်။လက်ထုတ်တွင်အရည်းတို့ တည်သော ဘုရားဆင်းတု ရုပ်ပွားတို့ပင် ရှိသေးသည်။ အမြင့်မြို့တွင် ဖမ်းဆီးရမိ သော အရည်းကြီး တို့ကို ဧရာဝတီမြစ်အတွင်း ပြစ်ချသည်။ ယနေ့တိုင် ရှင်ချဆိပ်ဟူ၍ ရှိနေသေးသည်။ အချို့လည်း ရှမ်းပြည် ဘက် ပြေးသည်။ ဤနည်းဖြင့် အရည်းကြီးတို့ တဖြည်းဖြည်း မှေးမှိန် သွား လေသည်။ မဟာရာဇဝင်အလိုအရ အရည်းကြီးများတကယ်ရှိသည် မရှိသည်ကို သက်သေပြနိုင်ရန် ပြည်တွင်းပြည်ပပညာရှင်များ ရှာဖွေကြသည်။

သက္ကရဇ် ( ၁၁၉၈ )နှင့် ( ၁၂၉၈ ) ခန့်ကရေးထိုးခဲ့သော ကျောက်စာ တစ်ခု တွင် “ထမင်းအပြည့်နှင့်သပိတ်တစ်ထောင်ကို အရည်းကြီး ရဟန်းတို့အား ကပ်လှူ၏” ဟုရေးထိုးသည်။ ကျောက်စာတစ်ခုဖြင့် မလုံလောက်တော့ဘဲ နံရံဆေးရေးပန်းချီ တို့ကို အထောက်အကူပြု ၍ ရှာဖွေရသည်။ ချားလ်ဒူရွယ်ဆယ် သည် မင်းနန်သူရွာအနီး ဘုရားသုံးဆူ နှင့် နန္ဒပညာဂူနံရံ ဆေးရေးပန်းချီများမှ အမျိုးသမီးများ အား အရည်းကြီးများ ထံပန်းဦးလွတ်နေသောပုံဟု ထင်ရသော ဆေးရေးများ ကိုတွေ့ရှိခဲ့သည်။ သို့သော် နောက်ပိုင်းပညာရှင်တို့မှ ဘုရားရှင်အား မာရ်နတ် ဖျားယောင်းဟု ဘာသာပြန်သဖြင့် အယူအဆ ကွဲလွဲမှု ရှိသွားပြန်သည်။ သို့ဖြစ်ပါ၍ အရည်းကြီးတို့ တကယ်ရှိမရှိ ဆိုသည် ထက် စုစည်းမိသော အရည်းကြီး ဆိုင်ရာစာပေများကို ဗဟုသုတ ရှိစေရန် ရည်ရွယ်၍ စုစည်းတင်ပြလိုက်ခြင်း ဖြစ်ပါသည်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.