အခကြေးငွေနဲ့ ဖုန်းအတွင်းသို့ ညစ်ညမ်းဗီဒီယို ထည့်ပေးသူများကို ဖမ်းဆီးအမှုဖွင့်

အခကြေးငွေနဲ့ ဖုန်းအတွင်းသို့ ညစ်ညမ်းဗီဒီယို ထည့်ပေးသူများကို ဖမ်းဆီးအမှုဖွင့်

မြဝတီမြို့တွင် ငွေကြေးရယူပြီးဖုန်းအတွင်းသို့ညစ်ညမ်းဗီဒီယိုများထည့်ပေးသူများကို ဖမ်းဆီး အမှုဖွင့်ထားကြောင်း သိရသည်။ ဖြစ်စဉ်မှာ မတ်လ ၂၆ ရက်၊ နေ့လယ် ၁ နာရီ၊ ၄၅ မိနစ်ဝန်းကျင်က မြဝတီမြို့အမှတ် ၄ ရပ်ကွက်၊ မေတ္တာလမ်းရှိ “ခိုင်ထူး”ဖုန်းအရောင်းဆိုင်ကိုသတင်းအရ ၀င်ရောက်စစ်ဆေးရာ ၂၂ လက်မ LG အမျိုးအစားအနက်ရောင်၊ MONTA ၁ လုံး၊ နှင့်ဆက်စပ်ပစ္စည်းများနှင့်အတူ ကွန်ပျူတာတစ်ခုအတွင်း ညစ်ညမ်းဇာတ်ကားများနှင့်အတူ ဖုန်းအတွင်းဖြည့်သွင်းပေးခငွေ ၈ဝဝဝ ကျပ်တို့ကိုတွေ့ရှိရသဖြင့် မြဝတီမြို့အမှတ် ၄ ရပ်ကွက်၊ မေတ္တာလမ်းနေ ခိုင်ထူး(၃၄)နှစ်အား(ပ)၃၈၁/၂ဝ၁၉၊ရာဇသတ်ကြီးပုဒ်မ ၂၉၂ ဖြင့်အမှုဖွင့်ထားကြောင်း သိရသည်။

ထို့နောက် မတ်လ ၂၆ ရက်၊ နေ့လယ် ၂ နာရီ၊ ၅၀ မိနစ်ဝန်းကျင်က မြ၀တီမြို့၊ အမှတ် ၄ ရပ်ကွက်၊ မေတ္တာလမ်းရှိ “Ma Khing Mobile ဖုန်းအရောင်းဆိုင်တွင်ဝင်ရောက်ရှာဖွေစစ်ဆေးရာ ကွန်ပျူတာ ဆက်စပ်ပစ္စည်းများနှင့်အတူ နိုင်ငံခြားညစ်ညမ်းဗီဒီယိုညစ်ညမ်းနိုင်ငံခြားဇတ်ကားများကို ဖုန်းအတွင်း ထည့်သွင်းခငွေ (၁ဝဝဝဝ)ကျပ်နှင့်အတူ တွေ့ရှိရသဖြင့် မြဝတီမြို့၊ အမှတ် ၃ ရပ်ကွက်၊စစ်မှုထမ်းဟောင်းလမ်း နေဆိုင်ရှင်မနန်းစုမွန်ကျော်၊ (၃၅)နှစ် အပါအ၀င် ဆိုင်ဝန်ထမ်း ၅ ဦးအား မြဝတီမြို့မရဲစခန်း၌ (ပ)၃၈၂/၂ဝ၁၉၊ ရာဇသတ်ကြီးပုဒ်မ ၂၉၂ ဖြင့်အမှုဖွင့်ခဲ့ကြောင်း သိရသည်။

ထို့အပြင် မတ်လ ၂၆ ရက်၊ ညနေ ၅ နာရီခွဲဝန်းကျင်က မြ၀တီမြို့၊ အမှတ် ၅ ရပ်ကွက်ရှိ “အောင်မေတ္တာ” ဖုန်းအရောင်းဆိုင်ကိုဝင်ရောက်ရှာဖွေရာ ကွန်ပျူတာတစ်လုံး၊ ဆက်စပ်ပစ္စည်းများနှင့်အတူ ညစ်ညမ်း ဗီဒီယိုဇာတ်ကားများနှင့် ဖုန်းအတွင်းဖြည့်သွင်းခငွေ ၈ဝဝဝ ကျပ်နှင့်အတူတွေ့ရှိသဖြင့် မြ၀တီမြို့၊ အမှတ် ၅ ရပ်ကွက်၊ ဝါးတောရပ်နေ”အောင်မေတ္တာ”ဖုန်းအရောင်းဆိုင်ပိုင်ရှင် ခိုင်မျိုးမင်းထိုက်၊ (၃၃)နှစ်ကို (ပ)၃၈၃/၂ဝ၁၉၊ရာဇသတ်ကြီးပုဒ်မ ၂၉၂ ဖြင့် အမှုဖွင့်ခဲ့ကြောင်း သိရသည်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.