ျမန္မာ့ရိုးရာ သနပ္ခါးတုံး ေကာင္းေကာင္းေ႐ြးခ်ယ္နည္း မွ်ေ၀ပါရေစ။

ျမန္မာ့ရိုးရာ သနပ္ခါးတုံး ေကာင္းေကာင္းေ႐ြးခ်ယ္နည္း မွ်ေ၀ပါရေစ။

(Zawgyi)

သနပ္ခါးတုံး ေကာင္းေကာင္းေ႐ြးခ်ယ္နည္း

သနပ္ခါးပင္၏တန္ဖိုးဟာ သူ၏ အေခါက္၊ အေပြးျဖစ္ပါတယ္။ ဒါေၾကာင့္လည္း “အေပြးျမင္ အပင္သိ” ဟူေသာဆို႐ိုးစကား ရွိပါတယ္။ အပင္အရပ္မည္မွ် ရွည္ေစကာမူ အေပြးမေကာင္းပါက ရနံ႔မေမႊးတတ္သလို တာရွည္လည္းအေသြးမခံေတာ့ေပ။

သနပ္ခါးခ်စ္သူမ်ားအတြက္ ေကာင္းမြန္တဲ့ သနပ္ခါးတုံးေ႐ြးခ်ယ္နည္းမ်ားကို ေအာက္ပါအတိုင္း မွ်ေဝလိုက္ပါရေစ။

(က) ေရစႀကိဳၿမိဳ႕နယ္က ရွင္မေတာင္သနပ္ခါးဟာ ေဒသရွိ ေရေျမသဘာဝက ေပးထားေသာ ထူးျခားခ်က္မ်ားေၾကာင့္ အျခားနယ္ထြက္ သနပ္ခါးမ်ားထက္ ေျပာစမွတ္ျပဳရေလာက္ေအာင္ အေပြးညိဳ၍ အေမႊးပိုေလ့ရွိပါတယ္။

(ခ) အပင္တုတ္မတုတ္ထက္၊ အေပြးအေရာင္ အေသြးႏွင့္ သူ၏အထူကို ၾကည့္လိုက္ပါ။ အေပြးအေခါက္ပါၿပီး အညိဳေရာင္အေခါက္ႀကီးမ်ား အေခ်ာင္းေခ်ာင္း ကပ္ေနမည္။ ယင္းတို႔အၾကား (အေျမာင္းၾကား)တြင္ အေခါက္သားမွာ အက္ကြဲရာကေလးမ်ားက ျဖဴေနၿပီး သူ႔ေဘးက အေခါက္သားတြင္ ပုဇြန္ဆီေသြးေရာင္ကေလး ထင္ေနမည္ဆိုပါက သင့္သနပ္ခါးတုံးသည္ ေမႊးမည္ဟု ဆိုႏိုင္ပါၿပီ။

(ဂ) လက္သည္းျဖင့္ အေပြးကို အသာ ဖိဆိတ္ၾကည့္ပါ။ နစ္ဝင္သြားပါက အေခါက္သားႏုတာမို႔ မဝယ္ပါႏွင့္။

(ဃ) လက္ျဖင့္ ကိုင္ဆၾကည့္ပါက ေပါ့လြန္းေနလွ်င္ ျပန္ခ်ထားလိုက္ပါ။ ယင္းအတုံးဟာ အသားက်စ္မႈနည္းျခင္း၊ခုတ္ျဖတ္ထားသည့္ ကာလၾကာေနျခင္းတို႔ေၾကာင့္ အတြင္းမွ ေရဓာတ္ခန္းသြားၿပီမို႔ အေလးခ်ိန္ ေပါ့ေနျခင္းျဖစ္ပါတယ္။သက္တမ္းရင့္ရင့္ အပင္ဟာ အသားက်စ္သိပ္မႈေၾကာင့္ ေရေငြ႕ပ်ံႏႈန္း ေႏွးကာ အျခားအပင္မ်ားထက္ ပိုမိုေလးတစ္ေနပါတယ္။

(င) ျဖတ္ထားကာစ သနပ္ခါးတုံး၏ အတြင္းသားကေလးမွာ စြဲမက္စရာ ခ်ိဳသင္းေသာအနံ႔ ကေလးျဖစ္ပါတယ္။ သို႔မဟုတ္ဘဲ ခ်ဥ္စူးစူးအနံ႔ ရေနလွ်င္ မွႈိစြဲေနၿပီဟု မွတ္ပါ။ သနပ္ခါးတုံး၏ ထိပ္ဝရွိ အေခါက္ႏွင့္ အတုံးသားအၾကားမွာ ျပာမႈိင္းမႈိင္း အေရာင္ဝင္ေနၿပီဆိုပါက မႈိတက္ေနပါၿပီ။ အလယ္က အသားေနရာမွာပါ ျပာေနၿပီဆိုပါက ယင္းသည္ ေသေနေသာ သနပ္ခါးပင္ေျခာက္ကို ခုတ္လာခဲ့ျခင္းမို႔ ကိုင္ၾကည့္လိုက္႐ုံျဖင့္ ေပါ့႐ႊတ္ေနပါလိမ့္မယ္။ ထိုအပင္မ်ိဳး၊ အတုံးမ်ိဳးကို မည္မွ်ပင္ ေဈးခ်ိဳခ်ိဳႏွင့္ေပးေသာ္လည္း မဝယ္ပါႏွင့္။ ေသြးလွ်င္လည္း ေမႊးမည္မဟုတ္ပါ။

(ေပါက္ေပါက္ @Tin Htet Htet Zaw @ Promise Pauk)

Credit – Tin Htet Htet Zaw

(Unicode)

သနပ်ခါးတုံး ကောင်းကောင်းရွေးချယ်နည်း

သနပ်ခါးပင်၏တန်ဖိုးဟာ သူ၏ အခေါက်၊ အပွေးဖြစ်ပါတယ်။ ဒါကြောင့်လည်း “အပွေးမြင် အပင်သိ” ဟူသောဆိုရိုးစကား ရှိပါတယ်။ အပင်အရပ်မည်မျှ ရှည်စေကာမူ အပွေးမကောင်းပါက ရနံ့မမွှေးတတ်သလို တာရှည်လည်းအသွေးမခံတော့ပေ။

သနပ်ခါးချစ်သူများအတွက် ကောင်းမွန်တဲ့ သနပ်ခါးတုံးရွေးချယ်နည်းများကို အောက်ပါအတိုင်း မျှဝေလိုက်ပါရစေ။

(က) ရေစကြိုမြို့နယ်က ရှင်မတောင်သနပ်ခါးဟာ ဒေသရှိ ရေမြေသဘာဝက ပေးထားသော ထူးခြားချက်များကြောင့် အခြားနယ်ထွက် သနပ်ခါးများထက် ပြောစမှတ်ပြုရလောက်အောင် အပွေးညို၍ အမွှေးပိုလေ့ရှိပါတယ်။

(ခ) အပင်တုတ်မတုတ်ထက်၊ အပွေးအရောင် အသွေးနှင့် သူ၏အထူကို ကြည့်လိုက်ပါ။ အပွေးအခေါက်ပါပြီး အညိုရောင်အခေါက်ကြီးများ အချောင်းချောင်း ကပ်နေမည်။ ယင်းတို့အကြား (အမြောင်းကြား)တွင် အခေါက်သားမှာ အက်ကွဲရာကလေးများက ဖြူနေပြီး သူ့ဘေးက အခေါက်သားတွင် ပုဇွန်ဆီသွေးရောင်ကလေး ထင်နေမည်ဆိုပါက သင့်သနပ်ခါးတုံးသည် မွှေးမည်ဟု ဆိုနိုင်ပါပြီ။

(ဂ) လက်သည်းဖြင့် အပွေးကို အသာ ဖိဆိတ်ကြည့်ပါ။ နစ်ဝင်သွားပါက အခေါက်သားနုတာမို့ မဝယ်ပါနှင့်။

(ဃ) လက်ဖြင့် ကိုင်ဆကြည့်ပါက ပေါ့လွန်းနေလျှင် ပြန်ချထားလိုက်ပါ။ ယင်းအတုံးဟာ အသားကျစ်မှုနည်းခြင်း၊ခုတ်ဖြတ်ထားသည့် ကာလကြာနေခြင်းတို့ကြောင့် အတွင်းမှ ရေဓာတ်ခန်းသွားပြီမို့ အလေးချိန် ပေါ့နေခြင်းဖြစ်ပါတယ်။သက်တမ်းရင့်ရင့် အပင်ဟာ အသားကျစ်သိပ်မှုကြောင့် ရေငွေ့ပျံနှုန်း နှေးကာ အခြားအပင်များထက် ပိုမိုလေးတစ်နေပါတယ်။

(င) ဖြတ်ထားကာစ သနပ်ခါးတုံး၏ အတွင်းသားကလေးမှာ စွဲမက်စရာ ချိုသင်းသောအနံ့ ကလေးဖြစ်ပါတယ်။ သို့မဟုတ်ဘဲ ချဉ်စူးစူးအနံ့ ရနေလျှင် မှှိုစွဲနေပြီဟု မှတ်ပါ။ သနပ်ခါးတုံး၏ ထိပ်ဝရှိ အခေါက်နှင့် အတုံးသားအကြားမှာ ပြာမှိုင်းမှိုင်း အရောင်ဝင်နေပြီဆိုပါက မှိုတက်နေပါပြီ။ အလယ်က အသားနေရာမှာပါ ပြာနေပြီဆိုပါက ယင်းသည် သေနေသော သနပ်ခါးပင်ခြောက်ကို ခုတ်လာခဲ့ခြင်းမို့ ကိုင်ကြည့်လိုက်ရုံဖြင့် ပေါ့ရွှတ်နေပါလိမ့်မယ်။ ထိုအပင်မျိုး၊ အတုံးမျိုးကို မည်မျှပင် ဈေးချိုချိုနှင့်ပေးသော်လည်း မဝယ်ပါနှင့်။ သွေးလျှင်လည်း မွှေးမည်မဟုတ်ပါ။

(ပေါက်ပေါက် @Tin Htet Htet Zaw @ Promise Pauk)

Credit – Tin Htet Htet Zaw

Comments are closed.