မတ်လ ၃၀ရက်နေ့က မြန်မာပလာဇာမှာ ပြုလုပ်ကျင်းပခဲ့တဲ့ AYA X Sai Sai ပွဲကို ပရိသတ် သုံးထောင်ကျော်လာရောက်ပြီး April 10ရက်နေ့ စိုင်းစိုင်း birthday showအတွက် လက်မှတ်လာရောက်တန်းစီဝယ်ယူခဲ့ကြတာ တကယ့်ကို စံချိန်တင်ရောင်းချမှုကြီးဖြစ်ခဲ့ပါတယ်။ ဒီပွဲမှာရော စိုင်းစိုင်းအနေနဲ့ ဘယ်လိုခံစားချက်တွေ ဖြစ်ပေါ်နေလဲ။ Showပွဲနေ့အတွက်ရော ဘာတွေပြင်ဆင်နေလဲဆိုတာ ပြောပြသွားမှာပဲ ဖြစ်ပါတယ်။

“ကျွန်တော်တို့ ဒီပွဲအတွက်ရော Birthdayပွဲအတွက်ရော အချိန်တွေအများကြီးယူပြီး ပြင်ဆင်နေကြတဲ့အတွက် အားလုံးလည်း ပင်ပန်းနေကြတယ် ရင်လည်းအရမ်းခုန်ပါတယ် ဒီနေ့ပွဲမှာလည်း လူတွေအများကြီးတိုးဝှေ့ပြီးတော့ ဝယ်ကြတော့ အရမ်းလည်းဝမ်းသာတယ် ကျေးဇူးလည်းတင်တယ် ဝမ်းသာပြီး ကျေးဇူးတင်တာက လူတွေ တိုးဝှေ့လို့မဟုတ်ပါဘူး ကျွန်တော်ကိုအားပေးကြတဲ့အတွက် ပွဲကိုစိတ်ဝင်စားပေးတယ် ကျွန်တော့်ဘက်ကနေ ရပ်တည်ပေးတယ် တစ်ခုခုဆို ကျွန်တော့်ကို အမြဲအားပေးတဲ့အတွက် အားပေးမှုချစ်ခြင်းမေတ္တာကြီးကို ခံစားရတဲ့အတွက် ကြည်နူးဝမ်းသာပါတယ်။ မနက်က တိုးဝှေ့ခဲ့ရတဲ့အတွက် ကျွန်တော်တို့ဘက်က စီစဉ်ထားတာက ကသီသွားတဲ့အတွက် ဘာလို့အဆင်မပြေဖြစ်သွားရတာလဲဆိုတော့ ကျွန်တော့် Birthday show ဆယ့်လေးကြိမ် ကျင်းပပြီးပါပြီ လက်မှတ်ရောင်းတဲ့နေ့မှာ တစ်ခါမှ လူတစ်ထောင်လာဝယ်တာမရှိပါဘူး

အဲ့တော့ ကျွန်တော်တို့ လူတစ်ထောင်စာပဲမှန်းပြီး လုပ်ထားလိုက်တဲ့အချိန်မှာ လူက သုံးထောင်ထက်မနည်းရောက်လာတဲ့အတွက် နည်းနည်းလေး ကသီသွားပြီး အဆင်မပြေဖြစ်ခဲ့ရတာကို ကျွန်တော် အားလုံးကိုယ်စားတောင်းပန်ပါတယ်။ ဒါပေမယ့် ကျွန်တော်အရမ်းလည်းပျော်တယ် ဒီနေ့ ကျွန်တော် စံချိန်တင် ရောင်းခဲ့ရတာဖြစ်ပါတယ်။ ဒီနေ့ရောင်းရတဲ့ လူတွေနဲ့တင် ကျွန်တော့်ပွဲက လူပြည့်နေပြီလို့ ပြောလို့ရနေပါပြီ။ တကယ်ပါ ကျွန်တော်ပရိတ်သတ်ကြီးကို အရမ်းကျေးဇူးတင်ပါတယ်။ ကံကောင်းတာက ကျွန်တော်တို့ ဒီတစ်ခါလုပ်မှာက အမျိုးသားဇာတ်ရုံမဟုတ်ပဲ သုဝဏ္ဏဘူမိကွင်းဆိုတော့ ထိုင်ခုံတွေဘာတွေ မရှိတော့ပေမယ့်လည်း ကွင်းထဲမှာတော့ ပရိသတ်တွေ ထပ်လာလို့ရပါသေးတယ်။

အနည်းဆုံး လူတစ်သောင်းခွဲလောက် လာလို့ရသေးတာဖြစ်တဲ့အတွက် အားလုံးစိတ်ချလက်ချနဲ့ နောက်ရက်တွေမှာ လက်မှတ်တွေထပ်ပြီး ရောင်းချသွားမှာဖြစ်ပါတယ်။ နောက်ရက်ရောင်းတဲ့လက်မှတ်တွေမှာလည်း မူရင်းဈေးနှုန်းအတိုင်းပဲ ပြီးတော့ အထဲမှာလည်း Sai Sai Visaကဒ်ရောပါဝင်မှာဖြစ်ပါတယ်။ Birthday showရဲ့ ထူးခြားချက်ကတော့ ကျွန်တော်တို့ Teamတစ်ခုထဲကနေပြီး ကျွန်တော်ကိုယ်တိုင် Show directorလုပ်ပါတယ်။ ဒီပွဲမှာ ဘယ်လို ဝင်မယ် ထွက်မယ် lightingဘယ်လိုလုပ်မလဲဆိုတာတွေပေါ့နော် ဒီနှစ်မှာတော့ ကျွန်တော်တစ်ယောက်ထဲတင်မဟုတ်ပဲ Showပွဲအတွက် ရေးဆွဲထားတဲ့ ဇာတ်ညွှန်းကို ထိုင်းproduction teamကို အပ်ပါတယ် အဲ့တော့ သူတို့က Lightingတွေ Sound systemတွေ အကုန်လုံးကို ကူညီပေးကြမှာဖြစ်ပါတယ်။ ကျွန်တော် ကတိမပေးနိုင်ပေမယ့် အရင်နှစ်ထက် 7.1 surround systemနဲ့ ရအောင်ကြိုးစားနေကြပါတယ်။”လို့ Showပွဲ ပြင်ဆင်မှုတွေကို ပြောပြသွားခဲ့ပါတယ်။

“ကျွန်တော်မှာ သီချင်းအပုဒ်ရေ တစ်ရာကျော်ရှိပါတယ်။အဲ့ထဲကမှ အရင်ကသီချင်းတွေနဲ့ အခုနောက်ထွက်တဲ့ သီချင်းတွေကို မျှတအောင်လို့ အပုဒ်ငါးဆယ်လောက် ရွေးထားပါတယ် အဲ့ထဲကနေ သင့်တော်တာတွေကို ထုတ်ပြီးဆိုသွားမှာပါ။ နှစ်စဉ်နှစ်တိုင်းမှာ ကျွန်တော်တို့ ရေသန့်ဘူး ပေးမယူပါဘူး ရောင်းလည်းမရောင်းပါဘူး ရေကိုရောင်းရင်လည်း ပလပ်စတစ်အိတ်ထဲထည့်ရောင်းခိုင်းတဲ့ အခါမှာ ကျွန်တော့်ပရိတ်သတ်တွေ အရမ်းရေငတ်ကြတယ်။ ရေသန့်ဘူး ပေးမယူတာက နိုင်ငံတကာပွဲတွေ ထုံးစံအတိုင်းပဲ အချင်းချင်း ရေသန့်ဘူးနဲ့ ပစ်ပေါက်တာတွေ ပြဿနာတက်မှာစိုးတဲ့အတွက်ကြောင့်မလို့ အဲ့လိုလုပ်တဲ့အချိန်မှာ ကျွန်တော်ပရိတ်သတ်တွေ ရေငတ်တဲ့အတွက် ဒီနှစ်တော့ ရေသန့်ဘူးတွေ ပေးယူမယ် ရောင်းလည်းရောင်းမယ် ပြီးတော့ ဓာတ်ဆားရေကို ကုမ္ပဏီတစ်ခုနဲ့ ညှိနှိုင်းအကူညီတောင်းပြီး လူစေ့တစ်ယောက် တစ်ဘူးပေးဖို့ စီစဉ်နေပါတယ်။

အဲ့တော့ လူတစ်သောင်းလာရင် ကွင်းထဲမှာ အနည်းဆုံးရေသန့်ဘူးတစ်သောင်းဖြစ်နေမယ် ဒါပေမယ့် တစ်ခုပေါ့ ပရိသတ်တွေ တောင်းပန်ချင်တာက ဒီရေသန့်ဘူးကြောင့် သူများ အနှောင့်ယှက်မဖြစ်ဖို့ရယ် ပွဲပြီးလို့ ပြန်သွားကြရင် ကွင်းထဲမှာ ပျံ့ကြဲပြီးကျန်နေခဲ့တာက လုံးဝမလှပါဘူး အဲ့တော့ ကွင်းထဲမှာ ကျွန်တော်တို့ ရေသန့်ဘူးပစ်ရန်ဆိုပြီး နေရာတစ်ခုအကြီးကြီးလုပ်ထားမယ် အားလုံးက အပြန်ကျရင် ကိုယ့်ရေသန့်ဘူး အမှိုက်တွေကို ကောက်ပြီး အဲ့မှာ သွားပစ်ထားလိုက်ရင် စိုင်းစိုင်းပွဲကြီးက လူတစ်သောင်းလာတယ် ပွဲပြီးသွားလည်း ကွင်းကြီးက ရှင်းနေတာပဲဆိုပြီး ကိုယ့်အမှိုက်ကိုကောက်တဲ့ indoor campaignလေး လုပ်ဖို့ ပြောချင်ပါတယ်။”လို့ ပွဲနေ့အတွက် ပရိတ်သတ်တွေကို တောင်းဆိုမှု နှစ်ခုပြောပြခဲ့ပါတယ်။

“ခါတိုင်းကျွန်တော့်ပွဲတွေ လူတစ်သောင်းလာပါတယ်။ တစ်သောင်းဆိုတဲ့နေရာမှာ လက်မှတ်ရောင်းတာလည်း ရှိတယ် ကျွန်တော် ဝေတာလည်းရှိတယ် sponsorတွကို လက်ဆောင်ပေးတာတွေ သူငယ်ချင်းတွေကို လက်ဆောင်ပေးတာတွေ ရှိပါတယ်။ ကျွန်တော့်ပွဲကို လူစည်စေချင်တော့ တစ်ဝက်ကရောင်းတယ် တစ်ဝက်က လက်ဆောင်ပေးတာမျိုးပေါ့ အများကြ်ိးပဲ ဒီနှစ်တော့ တစ်သောင်းထက်လည်း ပိုမယ်လို့ ထင်ပါတယ် ကြွားတော့ မကြွားရဲပါဘူး ဒါပေမယ့် ကွင်းထဲမှာ လူတစ်သောင်းလာရင် ငါးထောင်က ကျွန်တော်ရောင်းထားတာပါ။ ကျန်တဲ့ ငါးထောင်ကတော့ ဖိတ်ထားတာပေါ့နော် နှစ်သောင်းဖြစ်ခဲ့ရင်လည်း အဲ့လိုပုံစံမျိုးပဲ ဖြစ်မှာပါ။ ကျွန်တော်က ပရိတ်သတ်တွေကို 18နှစ်ဆိုပြီး စနောက်နေတာပါ ကျွန်တော့်ပရိသတ်တွေအကုန်လုံးလည်း ကျွန်တော့်အသက်ကို သိကြပါတယ် သီချင်းထဲမှာလည်း ထည့်ဆိုတယ် Googleမှာ Sai Saiလို့ ရိုက်လိုက်တာနဲ့ ဒီကောင် ဘယ်နှနှစ်ဆိုပြီး ပေါ်လာတာပါ။ သာမန်နေ့ရက်အချိန်တွေတောင်မှ ကျွန်တော်က အလုပ်ကို ပိုပြီးအာရုံစိုက်ဖြစ်နေတဲ့အတွက် ဒီတစ်လနှစ်လအတွင်းမှာ တောက်လျောက်ကတော့ ကျွန်တော် အလုပ်ပဲပိနေတယ် သူငယ်ချင်းတွေနဲ့တောင် အပြင်မထွက်ဖြစ်ဘူး ကျွန်တော်လူမှုရေးကိစ္စတွေက ပြောဖို့ အရမ်းစောပါသေးတယ်။”လို့ သူရဲ့ လတ်တလော အချစ်ရေးက အေးအေးဆေးဆေးဖြတ်သန်းပြီး အလုပ်ကိုပိုဦးစားပေးဖြစ်နေတာကိုသိရပါတယ်။

“ပရိသတ်တွေအားလုံးကို ကျေးဇူးအများကြီးတင်ပါတယ် ကျွန်တော့်ကို ယုံကြည်တယ် အပင်ပန်းခံပြီးလာကြတယ် တစ်ခါတစ်လေ အဆင်ပြေတာတွေ ရှိသလို မပြေတာတွေလည်း ရှိတဲ့မပြေတာတွေလည်း ရှိတဲ့အတွက် နားလည်ခွင့်လွှတ်ပေးကြပါလို့ ကျွန်တော်တို့ အကောင်းဆုံးပေါ့နော် လက်မှတ်ကို ဒီတိုင်း ရော့အင့်ဆိုပြီး ရောင်းလိုက်တာထက် ဘဏ်ကဒ်လေးရော ပေးချင်တာတို့ ဦးထုပ်လေးတွေလည်း ပေးချင်တာတို့ ဖြစ်တဲ့အတွက် စေတနာတွေပိုပြီး နည်းနည်း ကသီတာတွေ ဖြစ်တဲ့အတွက် နားလည်ပေးကြပါလို့ တောင်းဆိုချင်ပါတယ်”လို့ ပြောကြားသွားခဲ့ပါတယ်

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။