အဖေနဲ့အတွဲခွေလေးလုပ်ချင်တယ် ဆိုတဲ့အငဲသမီးလမင်းခ

အဖေနဲ့အတွဲခွေလေးလုပ်ချင်တယ် ဆိုတဲ့အငဲသမီးလမင်းခ

အဖေဖြစ်သူကိုယ်တိုင် လမ်းညွှန်ပြသပေးမှုတွေနဲ့ ဂီတလမ်းကိုလျှောက်လှမ်းလာတဲ့ မျိုးဆက်သစ် ဂီတပန်းပွင့်လေးတစ်ပွင့်ဖြစ်တဲ့ နိုင်ငံကျော်တေးရေးတေးဆို အငဲရဲ့သမီး လမင်းခ ကတော့အခုချိန်မှာဆိုရင် ကူးကူ ဆိုတဲ့တစ်ကိုယ်တော်တေးစီးရီးလည်းထွက်ရှိပြီးဖြစ်ပါတယ် ။ သူရဲ့လတ်တလောအနုပညာလှုပ်ရှားမှုတွေနဲ့ရှေ့ဆက်လှမ်းမယ့်အနုပညာခြေလှမ်းတွေကို We Entertainment နဲ့အင်တာဗျူးတစ်ခုမှာပြောပြသွားတာတွေရှိပါတယ် ။ သူပြောပြသွားတဲ့အကြောင်းတွေကိုပြောချင်လွန်းလို့ မိတ်ဆွေတွေသိအောင်ပြန်ပြောပြပေးလိုက်ပါတယ်။

လတ်တလောအနုပညာလှုပ်ရှားမှုတွေကိုတော့ ” လမင်းအခုဒုတိယအခွေအတွက်လုပ်နေပါတယ် ။ အခွေလိုက်ကတော့ကြာဦးမယ် ။ လတ်တလောရွေးချယ်ထားတဲ့ Owntune သီချင်းတွေထဲက တစ်ပုဒ်၊ နှစ်ပုဒ် လောက်ကို ပထမဆုံး ပရိသတ်လက်ထဲကိုအရောက်ပို့ပေးမယ် ။အခွေလိုက်ကတော့ကြာဦးမယ် ” ဆိုပြီးပြောပြသွားပါတယ် ။ နောက်ပြီး ဘယ်လိုပုံစံသီချင်းပုံစံတွေဆိုသွားဖို့ရှိလဲ ဆိုတဲ့မေးခွန်းကိုလည်း” ပုံစံကတော့ပြောင်းသွားမယ် ။ ပထမခွေတုန်းကကော်ပီတွေလေ ၊ ဒုတိယခွေကတော့အကုန်လုံး Owntune တွေချည်းလုပ်ဖို့ စီစဉ်နေတယ် ဆိုတော့လေ ။ ဒါပေမယ့် ကွဲသွားမယ်ဆိုတာကတော့ အမျိုးအစားတွေကတော့ Rock, Country နောက်ပြီးတော့ Country Rock အဲ့ဒီလိုမျိုးလေးတွေပဲ ဆိုဖြစ်ဖို့များပါ့မယ် ။ ” ဆိုပြီးပြောပြသွားခဲ့ပါတယ် ။

အဖေဖြစ်သူအငဲနဲ့ အိမ်မက်ချစ်သူသီချင်းကိုပြန်ဆိုဖြစ်ပုံကို လည်း “အဲ့ဒါက Royal Club က Request လုပ်တာ ပါ ။ ပါးပါးတစ်ယောက်တည်းလည်း ဒီလို ဂစ်တာလေယတီးပြီးတော့ ပေါ့ပေါ့ပါးပါးလေး အိမ်မှာပဲ ကိုယ့်ဘာသာကိုယ်တီးဆိုပုံစံလေးက အမြဲတမ်း Saturday Night Music Program ဆိုတဲ့အစီစဉ်လေးမှာ အမြဲတမ်းလာနေကြပေါ့နော် ။ အဲ့ဒီမှာမှ သားအဖနှစ်ယောက် Duet လိုပုံစံမျိုးလေးလိုချင်တယ်ဆိုလို့ Royal Club ကနေလာပြီးပြောတော့ ပါးပါးသီချင်းဆိုမလား ဆိုတော့ သူကသူများသီချင်းဆိုမယ်လို့ပြောတယ်။ နောက်ပြီးဒီအိမ်မက်ချစ်သူသီချင်းကလည်း လမင်းငယ်ငယ်လေးကတည်းက အရမ်းကြိုက်တဲ့သီချင်းဖြစ်နေတယ်ဆိုတော့အဲ့ဒီသီချင်းကို ရွေးဖြစ်သွားတာပါ။” ဆိုပြီးပြောပြသွားခဲ့ပါတယ်။ အဲ့ဒီအပြင်သားအဖနှစ်ယောက်တွဲပြီး သီချင်းခွေထွက်ဖို့ရောရှိလားဆိုတဲ့မေးခွန်းကို ” အဲ့တာက လုပ်တော့လုပ်ချင်ပါတယ် ။ သားအဖဆိုတော့အမှတ်တရလည်းဖြစ်တယ်ပေါ့နော် ။ သူ့ဟာသူဘယ်လိုနေနေ သားအဖနှစ်ယောက်တစ်ခွေဆိုတာမျိုးလေးလုပ်တော့လုပ်ချင်ပါတယ် ။ ဒါပေမယ့် ဒါတွေက အများကြီးတော့လိုဦးမှာပါ လတ်တလောကတော့ကိုယ့်ဟာနဲ့ကိုယ်တောင်ဖောက်ထွက်နေရတုန်းဆိုတော့လေ ။ “လို့ပြောပြခဲ့ပါတယ်။

အဖေကဘယ်လိုပံ့ပိုးပေးလဲဆိုတော့ ” ရာခိုင်နှုန်းတော်တော်များများအဖေကပံ့ပိုးပေးတယ် ။ ဘာဖြစ်လို့လဲဆိုတော့ သီချင်းအဆိုပိုင်းမှာဘာလိုနေလဲကအစ သီချင်းရွေးတာကအစပေါ့ ။ သီချင်းနားထောင်ရင်လည်း ပါးပါးနဲ့အတူနားထောင်ဖြစ်တယ် ။ အမြဲတမ်းတော့အဖေကနောက်နေ လိုရင်လိုသလို မြင်ရင်မြင်သလို ကြားရင်ကြားသလို အမြဲတမ်းဝေဖန်ပေးနေတာဆိုတော့ အဖေ့ရဲ့ပံ့ပိုးမှုတွေအများကြီးပါပါတယ် ။ “လို့ပြောပြသွားပါတယ် ။

Comments are closed.