ကိုသူထူးစံက တော်ပါပေမဲ့ ကိုနေတိုးက ပညာသားပိုပါတယ် ဆိုတဲ့သက်မွန်မြင့်

ကိုသူထူးစံက တော်ပါပေမဲ့ ကိုနေတိုးက ပညာသားပိုပါတယ် ဆိုတဲ့သက်မွန်မြင့်

မြန်မာနိုင်ငံရဲ့ ထိပ်တန်းမင်းသမီးတစ်ဦးဖြစ်ပြီး ပရိသတ်တွေရဲ့ အားပေးလက်ခံမှုကို အမြောက်အများရှိထားတဲ့ အကယ်ဒမီမင်းသမီး သက်မွန်မြင့်ကတော့ ပြီးခဲ့တဲ့ အကယ်ဒမီပေးပွဲမှာ နေတိုးက အကယ်ဒမီရမယ်လို့ ပရိသတ်တွေရော အနုပညာအသိုင်းအဝိုင်းကလူတွေရော ထင်ကြေးပေးကြပေမယ့် သူထူးစံရသွားတာနဲ့ ပတ်သက်ပြီး သူထူးစံက တေယ်ပါတယ် နေတိုသရုပ်ဆောင်တာတော့ ပညာသားပိုပါတယ်လို့ အင်တာဗျူးတစ်ခုမှာ ဖြေသွားခဲ့ပါတယ်။

သက်မွန်မြင့်က “ပရိသတ်တွေက သူတို့သဘောကျတဲ့ဟာ သူတို့ကြိုက်တာပေါ့နော်။ ဒါပေမဲ့ ရွေးတာကျတော့ ပရိသတ်က အမှတ်ပေးပြီး ရွေးတာမဟုတ်တော့ လွဲချော်မှုကတော့ ရှိနိုင်တယ်လေ။ အကုန်လုံးကလည်း တော်ပါတယ် သက်မွန်တို့ ဒီအနုပညာသမားတွေဆိုတာက သူ့အရည်အချင်းတွေနဲ့သူ ကိုယ်ပိုင်အရည်အချင်းလေးတွေရှိကြတယ်။ အဲ့မှာမှ ဇာတ်လမ်းအရ ဇာတ်ကောင်အရ ပြောင်းလဲမှုတွေရှိတယ်။ ကိုဇော်မိုးရတာလည်း သက်မွန်ဝမ်းသာပါတယ် ဘာပဲဖြစ်ဖြစ်ကိုဇော်မိုးဆိုလည်း သက်မွန်ဗီဒီယိုစရိုက်ကတည်းက ရုပ်ရှင်တွေ စရိုက်ကတည်းက အတူလက်တွဲလာတာဆိုတော့ သူ့ကိုလည်း ရစေချင်တယ်။ အခုက ဘယ်လိုဖြစ်လဲဆိုတော့ ယှဉ်လိုက်ရင်တော့ ပညာပြတဲ့အကွက်တွေမှာပေါ့နော် ကိုဇော်မိုးကားလည်း သက်မွန်မကြည့်လိုက်ရတော့ မပြောတတ်ဘူး။ ဒါပေမဲ့ ဇာတ်ကွက်ပြန်ပြတဲ့အခါ ယှဉ်လိုက်တဲ့အခါ ကိုနေတိုးက လုပ်ရတဲ့အပိုင်းပိုများတယ် ပညာသားလည်း ပိုပါတယ်။ ကိုဇော်မိုးလည်း မတော်ဘူးမဟုတ်ဘူး။ အဲ့လိုမျိုးတွေ ဖြစ်သွားတော့ ပရိသတ်တွေနဲ့ ကျေနပ်မှုမရှိတဲ့ သဘောပေါ့။ အကုန်လုံးကတော့ သူ့ဟာနဲ့သူ သူ့အရည်အချင်းနဲ့သူ တော်ပြီးသားပါ။”လို့ ပြောသွားခဲ့ပါတယ်။

သင်္ကြန်နဲ့ပတ်သက်ပြီးတော့လည်း “နှစ်တိုင်းတော့ အားချစ်လေးက သင်္ကြန်မတိုင်ခင် တစ်ရက်အလိုမှာ မွေးတာဆိုတော့လေ သူ့အတွက်ကတော့ အမှတ်တရ ပိုဖြစ်တာပေါ့နော်။ သူ့မွေးနေ့အတွက်ကို ဒီသင်္ကြန်အတွင်း သက်မွန်တို့နေတဲ့ ရပ်ကွက်ထဲမှာ စတုဒီသာ နှစ်တိုင်းအမြဲတမ်း လုပ်တဲ့ အခါကျတော့ အားချစ်ရဲ့ မွေးနေ့အနေနဲ့ စတုဒီသာ နှစ်တိုင်းကျွေးဖြစ်တယ်ဆိုတော့ သူကတော့ ပိုပြီး အမှတ်တရပိုရှိတာပေါ့နော်။ အခုကျတော့ လဝန်းကျတော့ နည်းနည်း သိတတ်လာပြီဆိုတော့သူလည်းပျော်မှာပါ။”လို့ပြောသွားခဲ့ပါတယ်။

ကလေးတွေက အမေကို မကပ်ဘူးလားလို့ မေးမြန်းရာ “မကပ်တာမဟုတ်ဘူး ကပ်တယ် ကိုယ်က အတ္တကြီးလိုက်ရတာပေါ့နော် အလုပ်လုပ်ချင်တဲ့အခါကျတော့ ဒီလိုပဲ ပေးဆပ်ရတာပေါ့ သူတို့လည်း ပေးဆပ်ရတာပေါ့။ ဒါပေမဲ့ အလုပ်မလုပ်ဘဲ ထိုင်နေပြန်ရင်လည်း ကိုယ့်ကိုယ်ကိုယ် ယုံကြည်မှုလည်းလျော့တယ်။ သူတို့ရဲ့အနာဂတ်အတွက် Fair ဖြစ်အောင် လုပ်ရတာပေါ့နော်။ အမြဲတမ်းသူတို့အနား ထိုင်နေလို့မရဘူး သူတို့လည်း ကျောင်းသွားတာပဲဆိုတော့ မျှတအောင်တော့ လုပ်ရတာပေါ့နော်။”လို့ ပြောသွားခဲ့ပါတယ်။

Comments are closed.