ကျနော့်ကြောင့် စမူဆာရောင်းကောင်းတာဝမ်းသာတယ်ဆိုတဲ့ ဟဲလေး

ကျနော့်ကြောင့် စမူဆာရောင်းကောင်းတာဝမ်းသာတယ်ဆိုတဲ့ ဟဲလေး

မနှစ်က ကသင်္ကြန်မှာ မှည့်သီချင်းနဲ့ ပရိသတ် အကြိုက်တွေ့စေခဲ့တဲ့ အဆိုတော် ဟဲလေးက ဒီနှစ်နှစ်မှာလည်း စမူဆာ လို့ နာမည်ပေးထားတဲ့ သီချင်းနဲ့ ပရိသတ်ကို စိတ်ဝင်စားအောင် ဆွဲဆောင်ထားပါတယ်။ ပုရိသတို့ အသည်းကျော် သင်ဇာဝင့်ကျော် လည်း ပါဝင်သရုပ်ထားတဲ့ ဒီသီချင်းနဲ့ ပတ်သတ်ပြီး အဆိုတော်ဟဲလေက ယခုလိုပဲပြောသွားခဲ့ပါတယ်။

ဒီဟာက ဘယ်နေရာမှာ မဆိုရနိုင်တယ်၊ ကျွန်တော်ဟိုအရင်ထဲက ခရီးသွားရင် ပုံလေးတွေတင်တယ်။ သူငယ်ချင်းတွေကလည်း လိုက် Share ကြတယ်၊ Fan တွေကလည်း Share ကြတယ်။ ပြီးတော့ ကမ္ဘာအရပ်ရပ်မှာ ရှိကြတဲ့ သူငယ်ချင်းတွေ မြန်မာပြည်က သူငယ်ချင်းတွေ၊ ခရီးသွားတဲ့ သူငယ်ချင်းတွေကလည်း ပုံလေးတွေပို့လာတယ် ဒါကတော့ အင်ဒိုနီးရှား စမူဆာ ဒါကတော့ အမေရိက စမူဆာ အဲ့လိုမျိုးတွေ ပို့လာရင်း တဖြေးဖြေး ကျယ်ပြန့်လာတယ်ပေါ့နော်။

ထုံစံအတိုင်း မှည့်တုန်းကလို သီချင်းလေးတောင်းလာတာနဲ့ အခုစမူဆာ ဆိုပြီး လုပ်ဖြစ်သွားတာပါ။ ပျော်စရာကောင်းတဲ့ သီချင်းလေးတစ်ပုဒ်ပေါ့။ ဒီနှစ် သင်္ကြန် သီချင်းတော့ မထွက်ဖြစ်ဘူး၊ ဒါမဲ့ သင်္ကြန်မှာ အဲ့သီချင်းလေး ဆိုဖို့ ရှိပါတယ်။ မှည့်တာကတော့ ပိုပြီးတော့ ပြောလို့ကောင်းတာပေ့ါ စမူဆာတော့ သ်ိမ့် ပြောလို့ မကောင်းဘူးပေါ့လို့ ရယ်လျှက်ပြောပြပါတယ်။

တစ်ချို့ကလည်းပြောကြတာပေါ့ ဒီနှစ်တော့မှည့်မယ် တူတူမှည့်ကြမယ်ပေါ့ ဒါပေမယ့် စမူဆာကတော့ ကျွန်တော်တို့ ဆီမှာလည်းရှိတယ်၊ နိုင်ငံတိုင်းမှာလည်း ရှိတယ်။ ဘယ်နေရာသွားသွားရနိုင်တယ်၊ မနက်ဆို လဖက်ရည်ဆိုင် သွားလည်းရနိုင်တယ်။ အဓိကတော့ အမှတ်တရပေါ့ ကျွန်တော့် ကြောင့် စမူဆာတွေ ရောင်းကောင်းကြတော့ ဝမ်းသာပါတယ်လို့ စမူဆာ သီချင်းနဲ့ ပတ်သက်ပြီး အမှတ်တရများကို ပြောပြသွားခဲ့ပါတယ်။

မနှစ်က မှည့်သီချင်းမှာ Sexy ဆန်ဆန်အကတွေနဲ့ Model ရွှေအိမ်စည်က ပါဝင် သရုပ်ဆောင်ထားလို့ ပရိသတ် ကြည့်ရှုမှုနှုန်း မြင့်ခဲ့ပြီး ယခု စမူဆာ သီချင်းမှာ လည်း သင်ဇာဝင့်ကျော်က အမိုက်စား သရုပ်ဆောင်ထားတာကြောင့် ပရိသတ် တွေ အကြိုက်တွေ့လိမ့်ဦးမယ်လို့လည်း ခန့်မှန်းရပါတယ်။

Comments are closed.