မီရုပ်ရှင်ရဲ့ အံ့သြစရာတိုက်ဆိုင်မှုတွေအကြောင်းပြောပြတဲ့ ပိုင်ဖြိုးသု

မီရုပ်ရှင်ရဲ့ အံ့သြစရာတိုက်ဆိုင်မှုတွေအကြောင်းပြောပြတဲ့ ပိုင်ဖြိုးသု

မကြာသေးမီက ကျင်းပသွားတဲ့ Star Awards ဆုပေးပွဲကြီးကတော့ ပရိသတ်တွေမျှော်လင့်တာနဲ့ ထပ်တူကျသွားတယ်လို့ဆိုရမှာပါပဲ။ အကောင်းဆုံးဇာတ်ဆောင်မင်းသားဆုကို နေတိုးရရှိခဲ့သလို အကောင်းဆုံးဇာတ်ဆောင်မင်းသမီးဆုကို ပိုင်ဖြိုးသုရရှိပြီး Best Cinematography ဆုကို ဒါရိုက်တာဏကြီး က ရရှိသွားခဲ့ပါတယ်။ ပိုင်ဖြိုးသုနဲ့ ဒါရိုက်တာဏကြီးက အတူတူဆုတွေရရှိခဲ့တဲ့ ခံစားချက်တွေကို မီဒီယာတွေနဲ့အင်တာဗျူးမှာ ပြောကြားသွားခဲ့ပါတယ်။

ဒါရိုက်တာဏကြီးက ဆုရရှိခဲ့တဲ့ ခံစားချက်ကို “ကျွန်တော်တို့ဆက်လုပ်ရမယ့်အလုပ်တွေအတွက် လမ်းပြပေးသလိုပဲ ကျွန်တော်တို့နိုင်ငံမှာ ကျွန်တော်တို့လုပ်ချင်သလိုပေါ့နော်။ ကျွန်တော်တို့လုပ်ချင်တဲ့အရာတွေကိုလုပ်လို့ရှိရင်လည်းရပ်တည်လို့ရနေတယ်ဆိုတဲ့ လမ်းမျိုးလေးပေါ့။ ပင့်ကူမျှင်လေးကျလာသလိုပေ့ါ၊ ရှေ့ကိုသတ္တိရှိရှိနဲ့ ငါတို့ဘက်ကမှာလည်း ပရိသတ်တွေရှိပါလားဆိုတာပေါ့နော်။ ပရိသတ်တွေကြောင့်ပါ”လို့ပြောထားပြီး မြန်မာနိုင်ငံကလူတွေအတွက် အတွေးအခေါ်တွေလျှော့ချရမလားလို့တောင်စဉ်းစားဖူးတယ်ဆိုတဲ့အကြောင်း “အမှန်အတိုင်းပြောရရင် စိတ်က နည်းနည်းဖြစ်သွားသေးတယ်။ ငါတို့ရပ်တည်ဖို့ဆိုရင် ငါတို့ရဲ့ works တွေကို ငါတို့ရဲ့အတွေးအခေါ်တွေကို လျှော့ချရမလားပေါ့။အဲ့လိုမျိုးအထိတွေးဖြစ်တယ်။ ဘာလို့ဆိုတော့ မြန်မာနိုင်ငံမှာ မြန်မာကားတွေရိုက်ချင်တယ်။ မြန်မာလူမျိုးတွေလက်ခံလာအောင် camera works တွေ၊ Dialogue တွေအရမ်းများတဲ့အခါကျတော့ ကျွန်တော်ဆိုလို့ရှိရင် နည်းနည်းလျှော့ပြီးတော့လုပ်ထားတဲ့ဟာမျိုးလေးတွေရှိ်တယ်။ ဒါပေမယ့် ပရိသတ်တွေရဲ့ အားပေးမှုကြောင့် ကျွန်တော်တို့တွေယုံကြည်သလို ကျွန်တော်တို့တွေကြိုက်သလို ဆိုလို့ရှိရင်လည်း ဒီဘက်မှာရပ်တည်မယ့်ပရိသတ်တွေရှိတယ်ဆိုတာ။ ပရိသတ်တွေကြောင့်ပါ။ဒီဟာကအားတစ်ခုပါပဲ”လို့ ပြောကြားသွားပါတယ်။

ပိုင်ဖြိုးသုက နှစ်ယောက်အတူတူဆုရတဲ့ခံစားချက်နဲ့ မီရုပ်ရှင်ဇာတ်ကားရဲ့ တိုက်ဆိုင်မှုတွေအကြောင်းကို “အရမ်းပျော်ပါတယ်။ အမှတ်တရဖြစ်တာက မီက သုသုတို့နှစ်ယောက်ပထမဆုံးတွဲပြီးတော့ ရိုက်ခွင့်ရတဲ့ရုပ်ရှင်ကားလည်းဖြစ်တယ်။ ပွဲလေးမှာဆုရတော့လည်းနှစ်ယောက်အတူတူပေါ့နော်။ သုသုမွေးနေ့လည်းဖြစ်တယ်။ မီကားကလည်း ဒီနေ့ပဲရုံတွေမှာပြန်တင်နေပြီဆိုတော့ သုသုတို့အတွက်တိုက်ဆိုင်နေတာတွေအများကြီးပဲပေါ့နော်”လို့ ဖြေကြားထားပါတယ်။

ဒါရိုက်တာဏကြီးက မီဇာတ်ကားကိုဇာတ်ညွှန်းစာအုပ်ပြန်ထုတ်မယ်ဆိုတဲ့အကြောင်း “ဆရာမကြီးကြည်အေးရဲ့ မီကို ကျွန်တော်ရုပ်ရှင်ရိုက်ဖို့အတွက် ဇာတ်ညွှန်းခွဲထားတာရှိတယ်။ အဲဒါကိုဇာတ်ညွှန်းစာအုပ်ပြန်ုထုတ်မယ်ပေါ့နော်။ ကျွန်တော် အနုပညာတက္ကသိုလ်မှာလည်း work shop လေးလုပ်ပေးဖူးတယ်။ YU မှာလည်း workshop လေးလုပ်ပေးဖူးတယ။် ကလေးတွေက မီဝတ္ထုနဲ့ ကျွန်တော့်ဇာတ်ညွှန်းကိုယှဉ်ဖတ်ချင်တယ်။ ယှဉ်လေ့လာချင်တယ်။ Development တွေဘယ်လိုလုပ်တာလဲ။ ဝတ္ထုနဲ့ဇာတ်ညွှန်းက ဘယ်လိုကွာသွားတာလဲပေါ့”လို့ ပြောပြထားပါတယ်။ မီရုပ်ရှင်ဇာတ်ကားကို ရုပ်ရှင်ရုံကြီးတွေမှာ ပြန်တင်နေတာလည်း ပရိသတ်တောင်းဆိုလို့တင်ပေးတာဖြစ်တာကြောင့် ပရိသတ်တွေကိုကျေးဇူးတင်ကြောင်းလည်းပြောသွားပါတယ်။

Comments are closed.