ယောက်ျားဖြစ်ကြောင်း ပုဆိုးတောင် လှန်ပြခဲ့ရတယ်ဆိုတဲ့ အိစိကွေး

ယောက်ျားဖြစ်ကြောင်း ပုဆိုးတောင် လှန်ပြခဲ့ရတယ်ဆိုတဲ့ အိစိကွေး

ကလေးအရွယ်တုန်းကလည်း သရုပ်ဆောင်ကောင်းချက်တွေ ချစ်ဖို့ကောင်းမှုတွေကြောင့် ပရိသတ်တွေရဲ့ အားပေးမှုကို ရရှိခဲ့သလို အသက်ကြီးလာတော့လည်း မိန်းကလေးပရိသတ်တွေရဲ့ အားပေးဝန်းရံမှုကို ရရှိထားနေတဲ့ သရုပ်ဆောင်အိစိကွေးကတော့ လက်ရှိအချိန်မှာ ပရိသတ်တွေကြားမှာ မိန်းကလေးကို ဝတ်စားလိမ်းချယ်ပြီး Challenge တစ်ခုကို လုပ်ဆောင်ခဲ့ကာ ယောက်ျားလေးပရိသတ်ရော မိန်းကလေးပါ ရေးပန်းစားနေပြီး ငယ်ငယ်တုန်းကလည်း ယောက်ျားလေးဖြစ်ကြောင်း ပုဆိုးလှန်ပြခဲ့ရဖူးတယ်လို့ MC ရဲ့အင်တာဗျူးတစ်ခုမှာ ပြောသွားခဲ့ပါတယ်။

အိစိကွေးက “ပထမကတော့ စိတ်ကူးမရှိဘူး။ အမေကပြောတယ် “ဟဲ့ ဟိုမှာသူများတွေလုပ်နေတယ်ပေါ့လေ”။ ကျွန်တော်ငယ်ငယ်တုန်းကလဲ မိန်းကလေးပုံစံလေးတွေလုပ်ဖူးနေကြဆိုတော့ “ဟဲ့ နင်လုပ်ပါလား”တဲ့။ “မားမားကလဲ ငယ်ငယ်တုန်းကပဲတူမှာ ကြီးတော့ဘယ်လိုလုပ်တူတော့မှာတုန်း” လို့ပြောလိုက်ပေမယ့် လုပ်ကြည့်မယ်ဆိုပြီး challenge လေးတင်လိုက်တယ်။ဆေးထိုးကောင်းကြတဲ့ကျွန်တော့်ပရိသတ်တွေက ဆေးဝိုင်းထိုးလိုက်ကြတာပဲ။ အဲ့တာနဲ့ challenge ကလဲပြည့်သွားပြီဆိုတော့ မဖြစ်မနေလုပ်ရတော့မယ် အဲ့တော့လုပ်မယ်ဆိုပြီး လုပ်လိုက်ရတယ်။ မိတ်ကပ်တွေလိမ်းပြီးတော့ ကိုယ့်ကိုယ်ကိုတောင်မထင်ထားဘူး ပြင်ကြည့်ရင်းနဲ့ ကိုယ့်ရုပ်ကိုယ်တောင်မမှတ်မိဘူး။ သူငယ်​ချင်းတချို့ဆိုရင် ကျွန်တော်ပြင်နေရင်းနဲ့ရောက်လာတယ် အိစိရောဆိုပြီး လိုက်ရှာကြတယ်။ “ငါဒီမှာလေ”ဆိုတော့ “ဟာယောက်ျားသံကြီးနဲ့”ဆိုပြီးပြောကြတယ်။ ကျွန်တော်ကိုယ်တိုင်လဲ ဘယ်သူနဲ့တူလို့တူမှန်းမသိဘူး။ တချို့ပရိသတ်တွေကတော့ပြောကြတယ် ကိုရီးယားမလေးနဲ့တူတယ် comment မှာ mention တွေခေါ်ပြီးနင်နဲ့တူတယ် ဘယ်သူနဲ့တူတယ်ဆိုပြီး ပြောကြတယ်။ ဘယ်လိုပဲ ဖြစ်ဖြစ် တော်တော်ကို စည်ကားနေတာပေါ့။

အဲ့အချိန်တုန်းက ပူတာပဲသိတယ် မိန်းကလေးလိုဝတ်ရတာ ဟိုနားကကျပ် ဒီနားက ကျပ်တကယ်မနေတတ်ဘူး ဆံပင်အတု စွတ်ထားတာ ပိုဆိုးတယ် အဲ့လိုတွေက ငယ်ငယ်လေးကတည်းက မကြိုက်တာ ငယ်ငယ်တုန်းက မိန်းကလေးလိုဝတ်ပြီးရိုက်ရမယ်ဆိုရင် ငိုရောလေ။ တစ်ခါမှတ်မှတ်ရရရှူတင်မှာ မိန်းကလေးလိုဝတ်ပြီး ရိုက်ရတာ အဲ့တာကို ရှူတင်ကိုလာကြည့်တဲ့ အဲ့ရပ်ကွက်နားက ကောင်းလေးတစ်ယောက်က ကြည့်ပြီး ကျွန်တော် မိန်းကလေးလိုပြင်တာကု ကျွန်တော့်ကိုကြိုက်တာ ကြိုက်ပြီး တောက်လျှောက်လိုက်ကြည့်တာဟရောင် ငါယောက်ျားလေးကွဆိုပြီးတော့ ပုဆိုးလှန်ပြလိုက်တာ ဟိုကောင်လေးက ထွက်ပြေးရော အဲ့တာတော့အမှတ်တရပါ။”လို့ ပြောသွားခဲ့ပါတယ်။

Comments are closed.