ကင်ဆာရောဂါခွဲစိတ်တာ အောင်မြင်သွားတဲ့ ဒါရိုက်တာမိုက်တီး

ကင်ဆာရောဂါခွဲစိတ်တာ အောင်မြင်သွားတဲ့ ဒါရိုက်တာမိုက်တီး

ဒါရိုက်တာမိုက်တီးဟာ လက်ရှိအချိန်မှာ ကင်ဆာရောဂါဖြစ်ပွားနေပြီး ဆေးမှုနဲ့ တရားရုံးမှာ စစ်ဆေးမှုကိုလည်းခံနေရတဲ့အချိန်ပါ။ ဒါရိုက်တာမိုက်တီးက လောလောဆယ်မှာ ကင်ဆာရောဂါကိုကုသဖို့ ဆေးရုံကိုရောက်နေတယ် လို့ သိရပါတယ်။ မိုက်တီးရဲ့ညီမဖြစ်တဲ့ ချစ်ချစ်ဇော်က အစ်ကိုဖြစ်သူရဲ့ ရောဂါအခြေအနေအကြောင်း Myanmar Cele Crazy နဲ့ အင်တာဗျူးမှာ ပြောပြသွားပါတယ်။

မို်က်တီးရဲ့ ရောဂါအခြေအနေကို ချစ်ချစ်ဇော်က “သူ့ကိုခွဲစိတ်ပေးတဲ့ဆရာကြီးကိုယ်တိုင်ကပြောတယ်။ခွဲစိတ်တာ အောင်မြင်တယ်တဲ့။ ဆက်ပြီးတော့ ဆေးသွင်းတာလည်း ဆရာကြီးပဲတာဝန်ယူတာ။ ဆရာကြီးက ခွဲစိတ်ရော ကင်ဆာရော နှစ်ခုလုံးကိုင်တာလေ။ ကင်ဆာဆေးကိုသူအခုဆက်သွင်းနေတယ်။ ခြောက်ကြိမ်သွင်းရတယ်။ အနည်းဆုံးပေါ့။ ခြောက်ကြိမ်မှာပြန်စစ်မယ်ပေါ့နော်။ တစ်ကြိမ်ပြီးတစ်ကြိမ်တော့စစ်တယ်။ ခြောက်ကြိမ်က course အကုန်ပေါ့နော်။ မသက်သာရင်ဆက်သွင်းမယ်။ သက်သာရင် ခြောက်ကြိမ်မှာပြတ်မယ်ပေါ့နော်”လို့ပြောပြထားပါတယ်။

ဒါပေမယ့် ကင်ဆာက လူနာရဲ့ စိတ်အခြေအနေပေါ်မှာမူတည်ကြောင်း “ဒါပေမယ့် အဲဒါက လူနာပေါ်မှာမူတည်တယ်။ လူနာက ပျော်ရွှင်နေဖုိ့လိုတယ်တဲ့။ သူ့ကိုကြည့်လိုက်ရင် သူက မျက်နှာကြီးက အမြဲတမ်း မှိုင်နေတယ်။ခင်ဗျားကိုကြည့်ရတာအားမရဘူးတဲ့ အမြဲပြောတယ်။ ဆရာကြီးသြဝါဒလည်းပါလိမ့်မယ်။ လူနာတွေက ဆေးရုံမှာပျော်ပျော်ရွှင်ရွှင်နေကြတယ်။သူက စိတ်မပျော်ဘူး။ သူ့ကိုကြည့်လိုက်ရင် အမြဲတမ်းမှိုင်နေလို့။ အဲလိုကြီးမလုပ်နဲ့လေ။ ဘေးကလုပ်ပေးတဲ့လူကလုပ်ပေးတယ်။ ခွဲစိတ်မှုဆိုရင်လည်း ဆရာကြီးကိုယ်တိုင်က လုပ်ပေးတယ်။ ဒါပေမယ့်ဘယ်လိုလုပ်ပျော်နိုင်မှာလဲ။ သူက အမှုကြီးနဲ့လေ။ သူ့စိတ်က အမှုကိုအမြဲတမ်းစဉ်းစားနေတယ်။အဲ့လိုကြီးမပျော်နိုင်ဘူး။ သူက အခုအပြင်မှာဆေးရုံမှာရှိပေမယ့်လည်း အဖေ့ဆီကိုလည်းမသွားနိုင်ဘူး။ သူ့ရဲ့ အတိတ်ဘဝကကံပေါ့”လို့ ပြောပြထားပါတယ်။

ခွဲစိတ်ရတာနဲ့ပတ်သက်ပြီး ခံစားရတဲ့အသေးစိတ်ကိုလည်း “သူက ဒီမှာရင်ဘတ်မှာခွဲလိုက်ရတာ။ ရှစ်လက်မလောက်ရှိတယ်။ သူက အနာက မကျက်ဘူး။ သားငံရည်ထွက်တဲ့အခါ ဒါကြီးကို အစကနေအဆုံးထိတစ်ခေါက်ပြန်ခွဲရတယ်။ တစ်နေ့ကို Dressing နှစ်ခါလောက်လုပ်ရတယ်။ ကိုယ်က သနားလွန်းလို့သူ့ခြေထောက်ကို အဲ့လိုမျိုးဆုပ်ဆုပ်ထားပြီးအားပေးတယ်။ အားပေးရင်းနဲ့ မျက်လုံးက သွားပြီးအဲဒီကိုကြည့်မိရင် ကြည့်မိတဲ့ နေ့က တစ်နေ့လုံးရူးသွားတဲ့နေ့ပဲ။ ငိုလိုက်ရယ်လိုက်နဲ့ ကြောက်တာလေ။ တစ်ခါမှမမြင်ဖူးတာကြီးကို။သူ အဲဒါကို တစ်ပတ်လောက် Dressing လုပ်လိုက်ရတယ်”လို့ ရင်ဖွင့်ပြောပြပါတယ်။

ချစ်ချစ်ဇော်က စိတ်ညစ်ရင် ကင်ဆာဆဲလ်တွေက ပိုပွားတယ်လို့လည်း “သူကအနာမကျက်တာ ကင်ဆာဆေးတွေသွင်းနေရလို့ ဆေးသွင်းရင်ရင်းတတ်တယ်လို့လည်းပြောတယ်။ သူက လွပ်လပ်နေတဲ့သူမှမဟုတ်တာ။ သူကအမှုနဲ့ဆိုတော့ ဘယ်လိုလုပ်စိတ်ကိုလွှတ်ပြီးတော့ထားလို့ရမလဲ။ ကင်ဆာက စိတ်ညစ်လို့မရဘူး။ ကင်ဆာဆဲလ်တွေက စ်ိတ်ညစ်တာတို့ ဒေါသထွက်တာတို့ဆိုပွားတယ်။ စိတ်ညစ်တာတွေဒေါသထွက်တာတွေဖြစ်လို့မရဘူး”လို့ ပြောပြထားပါတယ်။

ပရိသတ်ကြီးရော ဒါရိုက်တာမိုက်တီးကိုချစ်ကြလား။ ဒါရိုက်တာမိုက်တီးရဲ့ ဇာတ်ကားတွေကိုလွမ်းနေကြပြီလား။ ဒါရိုက်တာမိုက်တီးရဲ့ ကျန်းမာရေးအတွက်လည်းဆုတောင်းပေးလိုက်ကြပါဦးနော်။

Comments are closed.