အိမ်ကိုသူခိုးဖောက်ခံရကြောင်းရင်ဖွင့်လာတဲ့ နန်းခင်ဇေယျာ

အိမ်ကိုသူခိုးဖောက်ခံရကြောင်းရင်ဖွင့်လာတဲ့ နန်းခင်ဇေယျာ

နန်းခင်ဇေယျာဟာဆိုရင် မြန်မာနိုင်ငံရဲ့အစောဆုံးသော Miss Universe တွေထဲတစ်ဦးဖြစ်ပြီး ပရိသတ်ကအားပေးတဲ့ မင်းသမီးတစ်လက်လည်းဖြစ်ပါတယ်။ နန်းခင်ဇေယျာက အခုနောက်ပိုင်းမှာ မျက်နှာခွဲစိတ်ပြုပြင်ပြီး ပိုမိုချောမောလှပလာတာကိုလည်းတွေ့ရမှာဖြစ်ပါတယ်။နန်းခင်ဇေယျာက မကြာသေးမီက Sunday Journal နဲ့ အင်တာဗျူးမှာအိမ်ကိုသူခိုးဖောက်ခံရလို့ အမြဲတမ်းစိုးရိမ်ပူပန်နေရကြောင်းတွေကိုပြောပြသွားခဲ့ပါတယ်။

နန်းခင်ဇေယျာက အိမ်ရာမှာနေပြီးတော့ သူခိုးဖောက်ခံခဲ့ရတဲ့အဖြစ်ကို “နန်းခင်က အိမ်ရာမှာနေတာ ငါးနှစ်ခြောက်နှစ်လောက်ရှိပြီ။ ဝယ်လိုက်တဲ့ အိမ်ကိုပြောင်းတာက နှစ်နှစ်လောက်ပဲရှိသေးတယ်။ အိမ်ရာမှာသူခိုးဖောက်ခံရတာ။ နန်းခင်က အိမ်မှာမရှိဘူး။ ပြန်ရောက်တဲ့နေ့မှသိတယ်။ ဘယ်လိုဝင်သွားလဲဆိုတော့ နန်းခင်တို့က အိမ်ရာဆိုတော့ security က နှစ်ဆယ့်လေးနာရီအပြည့်ှရှိတယ်။ အဲဒီမှာ ပူတယ်ဆိုပြီးတော့ အပြင်က တံခါးကိုဖွင့်ထားတယ်။ ပြီးတော့ ခြင်လုံဇကာရယ် သံပန်းရယ်ပေါ့။ သံပန်းကိုမလုပ်နိုင်ပဲနဲ့ ခြင်လုံဇကာကို ဓားနဲ့တည့်တည့်ကိုခွဲသွားတာ။ အထဲက lock ကလည်းဖွင့်ရင်အသံကြားမှာစိုးလို့ ဘာမှမလုပ်ပဲထားသွားတာ။ ကံကောင်းချင်တော့ဘာမှမပါသွားဘူး”လို့ ပြောပြထားပါတယ်။

သူခိုးဖောက်ပြီးတော့ ညညဆို စိုးရိမ်ပြီးအိပ်မပျော်တော့ဘူးလို့ “သူခိုးဖောက်ပြီးတဲ့အချိန်မှာ ညညဆိုအိပ်မပျော်တာ။အခုအချိန်အထိပဲ။ အိပ်မပျော်ဘူး။သူခိုးပဲဝင်မလား။ နောက်တစ်ခေါက်ပဲဝင်မလားဆိုပြီးတော့ စိတ်ပူတာ။ အိမ်မှာကိုယ့်အမေတစ်ယောက်ပဲကျန်နေရင် ကိုယ့်အေမကို တစ်ခုခုပဲလုပ်သွားမလားဆိုပြီး ရင်ထဲမှာ စိုးရိမ်ပူပန်စိတ်တွေလည်းရှိတယ်။ အခုနောက်ပိုင်းက ဘာမှမလုံခြုံတော့ဘူး”လို့ လည်း ရင်ဖွင့်လာပါတယ်။

နန်းခင်က အိမ်ကိုလည်းစိတ်ချသွားလို့မရတော့ဘူးဆိုတဲ့အကြောင်း “နန်းခင်က အရင်တုန်းကဆို အိမ်ကိုသော့ခတ်ပြီးတော့သွားလို့ရတယ်။အခုဆို နန်းခင် ကားရိုက်တို့ဘာတို့ရှိရင် ဘယ်လိုရှေ့ဆက်ရမလဲ။ အိမ်ကြီးကိုဘယ်လိုထားခဲ့ရမလဲ။ ထားခဲ့ရင်လည်း ကိုယ့်အမေကိုတစ်ခုခုလုပ်သွားရင်ဘယ်လိုလုပ်ရမလဲစိတ်ပူလာတယ်။ အဲဒါနဲ့ ရပ်ကွက်လူကြီးတွေ တာဝန်ရှိသူတွေနဲ့စကားပြောတယ်။ သူတို့ကလည်းsecurity ကို ပိုပြီးတော့ မြှင့်ထားပေးမယ်။ စိတ်မပူပါနဲ့ပေါ့။ အဲဒီလိုပြောတယ်”လို့ ပြောပြထားပါတယ်။

သူခိုးဝင်တဲ့ကိစ္စအသေးစိတ်ကိုတော့ နန်းခင်က “သူခိုးက ဖြစ်ချင်တော့အိမ်ကကောင်မလေးက သူခိုးတင်မကဘူး သရဲလည်းကြောက်တယ်။အဲဒါနဲ့ သူခိုးကိုမြင်တော့လန့်ပြီး အိမ်ထဲပြေးဝင်တာ။ သူခိုးကလည်းသူ့ကိုမြင်တော့လန့်ပြေးတာ။ အဲ့သူခိုးကိုလည်း CCTV ထဲမှာမတွေ့ဖူးဘူးပေါ့။ သူတို့က ဘာကောက်ချက်ချလဲဆိုတော့ ဒီသူခိုးသည် အိမ်ရာထဲမှာ သင်္ကြန်အတွင်းလာလည်တဲ့ လာခိုးကြည့်တဲ့သဘောဖြစ်နိုင်တယ်ပေါ့နော်။ကျေနပ်မှုတော့မရှိဘူး။ CCTV တွေတပ်ထားတယ်။ CCTV မရှိတဲ့နေရာကိုမှဝင်တယ်ဆိုတော့ ဒီသူခိုးက အိမ်အကြောင်းကိုနှံ့နှံ့စပ်စပ်သိတဲ့သူဖြစ်တယ်ပေါ့”လို့ ဖြေကြားထားပါတယ်။

Comments are closed.