ဆုပန်ထွာက မယားငယ်မဟုတ်ဘူးလို့ ရှင်းပြလာတဲ့ ကိုဥက္ကာကျော်

ဆုပန်ထွာက မယားငယ်မဟုတ်ဘူးလို့ ရှင်းပြလာတဲ့ ကိုဥက္ကာကျော်

ဆုပန်ထွာဟာ လွန်ခဲ့တဲ့နှစ်အတော်ကြာကတည်းက ပရိသတ်တွေအားပေးလက်ခံထားတဲ့မင်းသမီးတစ်လက်ဖြစ်ပြီး အခုအချိန်အထိလည်းအောင်မြင်မှုကိုရေရှည်ထိန်းသိမ်းထားနိုင်ဆဲ အနုပညာရှင်တစ်ဦးဖြစ်ပါတယ်။ ဆုပန်ထွာဟာ ပရဟိတလုပ်ငန်းတွေလည်းလုပ်ပြီး ဒုက္ခရောက်နေသူတွေကို ကူညီတတ်တာကြောင့် ပရိသတ်တွေရဲ့ချစ်ခင်အားပေးမှုတွေရထားတဲ့ မင်းသမီးတစ်လက်ဆိုရင်လည်းမမှားပါဘူး။ မကြာသေးမီက Sunday Journal နဲ့ အင်တာဗျူးမှာ ဆုပန်ထွာနဲ့ခင်ပွန်းဖြစ်သူ ကိုဥက္ကာကျော်က ဝေဖန်တိုက်ခိုက်မှုတွေကိုပြန်လည်ဖြေရှင်းထားပြီး လက်ရှိအိမ်ထောင်ရေးအခြေအနေကို ပြောပြသွားပါတယ်။

ကိုဥက္ကာကျော်က ဒီလိုသာယာတဲ့အိမ်ထောင်ရေးလေးရလာဖို့အတွက် နှစ်ဦးနှစ်ဖက်စလုံး စတေးထားရတာတွေရှိကြောင်း “မိသားစုအတွက်ရင်ဆိုင်ဖြေရှင်းရတာတွေကတော့ပြောလိုက်ရင်စိတ်ဆင်းရဲသွားမယ်။ မရှိပါဘူးပေါ့။ ရှိခဲ့ရင်လည်းပြောဖို့အစီအစဉ်မရှိဘူး။အဆင်ပြေတယ်။ အစ်ကိုတို့မိသားစုဒီလိုအခြေအနေရောက်ဖို့အတွက် စတေးရတာတွေပေးဆပ်ရတာတွေအကုန်လုံးက အစ်ကိုတစ်ယောက်တည်းမဟုတ်ဘူး။ ပန်ပန်လည်း စတေးရတာတွေပေးဆပ်ရတာတွေရှိတယ်။ အဲဒီအတွက်ကြောင့် ကျေနပ်တယ်။ တန်တယ်လို့လည်းအစ်ကိုထင်ပါတယ်”လို့ ပြောပြထားပါတယ်။

အရင်အိမ်ထောင်ကိုလည်း အခုထိထောက်ပံ့နေဆဲပဲလို့ ကိုဥက္ကာကျော်က “တစ်ခုတော့ ပြောချင်တယ်။ဒီ အင်တာဗျူးအောက်မှာလေ သူများကလေးတွေကိုကူညီတယ်။ လှူတယ်။ သနားတယ်။ ရောဂါသည်ကလေးတွေကိုသနားတယ်။ အောက်မှာလာရေးကြလိမ့်မယ်။သူများကလေးတွေကို သနားပြနေလိုက်တာ။ ကိုယ့်ရဲ့အရင်အိမ်ထောင်ကကလေးတွေကို မသနားဘူးလား မချစ်ဘူးလားလို့ပြောကောင်းပြောလိမ့်မယ်။ကျွန်တော်ပြောချင်တာက အရင်အိမ်ထောင်ကကလေးတွေကို ကျွန်တော်တို့က အခုထိ ထောက်ပံ့နေဆဲပါ။ မထောက်ပံ့ဘူးလား မေ့သွားပြီလား။အဲလိုမဟုတ်ပါဘူး။ ကျွန်တော့်သားအကြီး Bryan Kyaw ကိုလည်းချစ်ပါတယ်။ သားလေး Roar လေးကိုလည်းချစ်ပါတယ်”လို့ပြောထားပါတယ်။

နောက်ပြီး ဆုပန်ထွာက မယားငယ်မဟုတ်ဘူးလို့လည်း ကိုဥက္ကာကျော်က ပွင့်ပွင့်လင်းလင်းပြောသွားပါသေးတယ်။ “ပန်ပန်သည် ကျွန်တော့်ရဲ့တရားဝင်လက်ထပ်ထားတဲ့ အမျိုးသမီးပါ။ မယားငယ်မဟုတ်ပါဘူး။ မယားငယ်ဆိုတာက အရင်အိမ်ထောင်နဲ့လက်ထပ်ပြီးတော့ နောက် မိန်းကလေးတစ်ယောက်ကို ရည်းစားခိုးထားတာ။ ဒါ ကျွန်တော့်အနေနဲ့ definition က ဒါ မယားငယ်။ ကျွန်တော့်အရင်အိမ်ထောင်နဲ့ နှစ်ဦးသဘောတူကွာရှင်းပြတ်စဲပြီးတော့မှ နောက်အိမ်ထောင်ကိုကျွန်တော်ပြုတာ။ ဒါ ကျွန်တော့်အတွက် နောက်အိမ်ထောင်ပါ။ အဲဒီအတွက် ကျွန်တော်သည်အမေရိကားမှာရော ဒီမှာရော တရားဝင်လက်ထပ်လို့ရပါတယ်။ ကျွန်တော်ဒါလေးကိုသိအောင်လို့ပြောသင့်တယ်ထင်လို့ ကျွန်တော်ပြောပြတာပါ”လို့ ဖြေရှင်းထားပါတယ်

ဆုပန်ထွာကတော့ အရင်ကတည်းက ဇွဲကောင်းစွာနဲ့ဝင်ရေးနေတဲ့ အကောင့်အတုတွေလည်းရှိတဲ့အကြောင်း “တစ်ခါတစ်လေကျရင် ဒီအကောင့်ကအကောင့်တု၊ ဟိုး 2014 လောက်ကတည်းက ဝင်ဝင်ရေးနေတဲ့အကောင့်အတု။ ယောက်ျား screenshot တွေပြန်ရှာရင်တွေ့လိမ့်မယ်။ အဲဒါကြောင့်တစ်ခါတစ်ခါကျရင်မပြောပါနဲ့ယောက်ျားရယ်။ ထားလိုက်ပါလို့ပြောရတယ်”လို့ ပြောပြထားပြီး ကိုဥက္ကာကျော်က မရဘူး အမြဲတမ်းလိုက်ရှင်းနေတယ်လို့လည်း “အစ်မလေ သူ့ရဲ့စိတ်လေးကိုလည်းချီးကျူးတယ်။ အမြဲတမ်း သူရအောင်လိုက်ရှင်းတယ်။ မရရအောင်ရှင်းပြတယ်။ဒီလိုရှင်းတယ်ဆိုတာကလည်းဘောင်ထဲမှာရှိမှသာလျှင်လုပ်ခွင့်ရှိတာရှင်းခွင့်ရှိတာလေ”လို့ ပြောထားပါသေးတယ်။

ပြောချင်လွန်းလို့ပရိသတ်ကြီးရော ဆုပန်ထွာကိုချစ်ကြလား။ ဆုပန်ထွာရဲ့ နောက်ထပ်အနုပညာလှုပ်ရှားမှုတွေကိုရော အားပေးကြမှာလား။ပြောခဲ့ကြပါဦး။

Can’t Wait To Say

Comments are closed.