ကမ္ဘာကျော် အောက်စဖိုဒ့်တက္က သိုလ် မှ ပါရဂူဒေါက်တာဘွဲ့ရမြန်မာြ ပည် သား ဆရာတော်

ကမ္ဘာကျော် အောက်စဖိုဒ့်တက္က သိုလ် မှ ပါရဂူဒေါက်တာဘွဲ့ရမြန်မာြ ပည် သား ဆရာတော်

ဒေါက်တာ ဓမ္မသာမိ D Phil (oxford) ကို ၁၉၆၄ ခုနှစ် နိုဝင်ဘာလ ၂၃ ရက်နေ့တွင် ရှမ်းပြည်နယ်တောင်ပိုင်း လဲချားမြို့ နောင်ပန်ရွာ၌ မွေးဖွားပြီး ခမည်းတော် ဦးလုံးစန်းခမ်းသြ (ရှမ်းတိုင်းရင်းသား ဆေးဆရာကြီး ကွယ်လွန်) နှင့် မယ်တော် ဒေါ်ပါစန်းဆွေတို့၏ သားသမီး (၁၀) ယောက်ရှိသည့်အနက် (၇) ယောက်မြောက်သော သားမြတ်ရတနာဖြစ်သည်။

ဆရာတော်သည် ဗုဒ္ဓ ကျမ်းစာပေများကို မြန်မာ (ရှမ်းပြည်နယ်၊ပဲခူး) ၊ ထိုင်း၊ သီရိလင်္ကာ နှင့် ဗြိတိန် နိုင်ငံတို့၌ လေ့လာ သင်ကြားပြီး ၂၀၀၄ ခုနှစ်တွင် ကမ္ဘာ့အကျော်ကြားဆုံး တက္ကသိုလ်ဖြစ်သည့် အောက်စဖို့ဒ် တက္ကသိုလ်တွင် ပါရဂူ ဒေါက်တာဘွဲ့ကို ဆွတ်ခူးရရှိသည်။

၂၀၀၃ ခုနှစ် အောက်ဖို့ဒ် တက္ကသိုလ် ဗုဒ္ဓစာပေများကို လူအများ ကျယ်ကျယ်ပြန့်ပြန့် လေ့လာသင်ကြားနိုင်ရန် ရည်ရွယ်၍ ဆရာတော်သည် အောက်စဖို့ဒ်မြို့တွင် အောက်စဖို့ဒ် ဗုဒ္ဓဝိဟာရကျောင်းတိုက်ကို တည်ထောင်ပြီး အောက်စဖို့ဒ် တက္ကသိုလ် နှင့် လက်တွဲကာ ဗုဒ္ဓ စာပေ အနှစ်သာရများကို ယခုအထိတိုင် သင်ကြားပို့ချ နေသည်။ ကမ္ဘာ့ ဗုဒ္ဓသာသနာပြု အောက်စဖို့ဒ် ဆရာတော် ဒေါက်တာ ဓမ္မသာမိ DPhil (Oxford), MPhil (Kelaniya) ဆရာတော်အား ပြည်ထောင်စု သမ္မတ မြန်မာနိုင်ငံတော် အစိုးရမှ ‘အဂ္ဂမဟာ သဒ္ဓမ္မဇောတိကဓဇ’ ဘွဲ့တံဆိပ်တော် ဆက်ကပ်ခဲ့သည်။

၂ဝဝ၇ ခုနှစ်တွင် ကမ္ဘာအရပ် ရပ်ရှိ ဗုဒ္ဓတက္ကသိုလ် များကို စုစည်း ပေးပြီး ကမ္ဘာ့ ဗုဒ္ဓတက္ကသိုလ်များ အသင်းကြီးနှင့် အပြည်ပြည်ဆိုင်ရာ ထေရဝါဒ ဗုဒ္ဓ တက္ကသိုလ်များ အသင်းကြီးနှစ်ခုကို တည်ထောင်ပေးခဲ့ သည်။ ၎င်းအပြင် ထေရဝါဒ နှင့်ကိုက်ညီစွာ ရှမ်း၊ မြန်မာ၊ အင်္ဂလိပ် ဘာသာများဖြင့် ဆောင်းပါးနှင့် ကဗျာ များ ရေးသားခဲ့ပြီး ဓမ္မစာအုပ်များလည်း ရေးသား ထုတ်ဝေခဲ့သည်။

လက်ရှိ အချိန်အထိ အမေရိကန်၊ အင်္ဂလန်၊ စပိန်၊ ပြင်သစ်၊ ဟန်ဂေရီ၊ ကနေဒါ၊ ဂျာမနီ၊ ဝေးလ်စ်၊ ကိုရီးယား၊ ထိုင်း၊ မလေးရှား၊ စင်ကာပူ စသည့် နိုင်ငံများတွင် ဝိပ ဿနာ တရားစခန်းများ ဖွင့်လှစ်ပြသ ပေးလျက် ရှိသည်။ ဆရာတော် သည် အောက်စဖို့ဒ် တက္ကသိုလ်တွင် ကထိက ဆရာ၊ ရန်ကုန် အပြည်ပြည် ဆိုင်ရာ ထေရဝါဒ ဗုဒ္ဓတက္ကသိုလ်၏ ပါမောက္ခ၊ အပြည်ပြည်ဆိုင်ရာ ကမ္ဘာ့ ဗုဒ္ဓ တက္ကသိုလ် များ အသင်းကြီး( IABU ) နှင့် အပြည်ပြည် ဆိုင်ရာ ထေရဝါဒဗုဒ္ဓ တက္ကသိုလ်များ အသင်းကြီးတို့၏ တည်ထောင်သူနှင့် အတွင်းရေးမှူးချုပ်အဖြစ် ဆောင်ရွက်လျက်ရှိပါသည်။

Dragon Patriotic Myanmar Youths Association (လေးစားမှုဖြင့် ခရက်ဒစ်)

Comments are closed.