ထိုင်းရောက် ရွှေမြန်မာတွေ သတိထားရမယ့် ထိုင်းရဲတွေရဲ့ ဂွင်ဆင်ပုံ ဆင်နည်းများ

ထိုင်းရောက် ရွှေမြန်မာတွေ သတိထားရမယ့် ထိုင်းရဲတွေရဲ့ ဂွင်ဆင်ပုံ ဆင်နည်းများ

အခုလို လကုန်ခါနီး လခထုတ်ရက်နား နီးလာရင် ဆူကွန်ဗစ် ၂၃ လမ်းဝန်းကျင် ဆွိုင် အာဆော့ မွန်ထရီ လမ်းဆုံနားမှာ ထိုင်းရဲတွေ သောင်းကျန်းပြီ။ တာမီနယ် ၂၁ Terminal 21 ကုန်တိုက် ဝန်းကျင်၊ ဆွိုင်ကောင်းဘွိုင်လမ်းအနီးအနားပေါ့။

မယောင်မလယ်နဲ့ ကိုယ့်လူနား ရောက်လာမယ်၊ ဆီးသွားဖို့ ခွက်တခွက်ပေးပြီး လမ်းဘေးမှာ ခွက်ထဲကို ဆီးပေါက်ခိုင်းမယ်။ တုတ်တစ်ချောင်းနဲ့ ထိုးပြီး ဆေးသုံး မသုံးစစ်မယ်။ ပြီးရင် တစ်ကိုယ်လုံးကို ရှာဖွေပြီး ဆေးပါမပါ စစ်မယ်။ ကိုယ့်လူတို့ မပြောနဲ့ တခြား ဥရောပ အမေရိကန်သား တွေတောင်မှ သူတို့ လက်လှည့် မျက်လှည့်ထဲမှာ နွံနစ် ကြရတယ်။ လက်ချောင်းတွေကြား မူးယစ်ဆေးပြားကို မျက်လှည့်ဆရာလို ညှပ်ထားပြီး မျက်လှည့်ပြကြတာ … ။ ကိုယ့်လူ … ခင်ဗျား ဘဝမှာ မူးယစ်ဆေးဆိုတာ ဘာမှန်းလုံးဝ မသိရင်တောင်မှ ခင်များ မူးယစ်ဆေးသုံးစွဲသူ တစ်ထိုင်ထဲမှာ ဖြစ်သွားနိုင်တယ်။

မအူမလည် ယောင်တောင်တောင်နဲ့ ဘန်ကောက်မြို့ သာယာလှပကြောင်း ခံစားနေခိုက်မှာ တခဏထဲနဲ့ ဘဝပျက်သွား နိုင်တယ်။ မျက်လှည့်ဂွင်ထဲ ဝင်သွားပြီဆိုတာနဲ့ ပုခုံးမှာကပ်ထားလေတဲ့ စကားပြောစက်ကနေ အဖော်တွေ ခေါ်တော့တာပဲ။

မော်တော်ဆိုင်ကယ်နဲ့ နှစ်ကောင်ဖြစ်စေ၊ ဟိုင်းလက် ပစ်ကပ်နဲ့ နှစ်ကောင်ဖြစ်စေ၊ လာပြီဆိုတာနဲ့ ဘာမှ တွေဝေမနေနဲ့၊ ရှိတာ ပေးပြီး ရုန်းထွက်ဖို့ကြိုးစားတော့။ ခင်ဗျား အပြစ်မရှိတာ ဘုရားသိတယ် သူတို့သိတယ်။ သို့ပေသိ သူတို့လိုချင်တာ ငွေ၊ တခြားဘာမှ မဟုတ်။ ဒီတော့ မှန်တာ မမှန်တာ အပထား။ အဲဒီမှာရှိတဲ့ မြန်မာတစ်ယောက်အဖို့ အကာအကွယ် ရပ်တည်မှု အမှန်တရား တရာဥပဒေဆိုတာ ဘာမှမရှိဘူး။

ဒီတော့ ငါမှန်တာပဲ ဆိုတဲ့မာန်တွေ သွားမထားနဲ့။ ခင်ဗျားက သူတို့လက်ခုပ်ထဲက ရေ။ ဒီလိုဖြစ်စဉ်တွေဟာ ဥရောပသား အမေရိကန်သား တွေတောင် ခံခဲ့ကြရတာ မြန်မာနိုင်ငံသားတစ်ယောက် အဖို့ကတော့ သူတို့က ပျင်းတောင်ပျင်းသေး တယ်။ အောက်တိုဘာ နိုဝင်ဘာ ဒီဇင်ဘာဆိုရင် ပိုဆိုးတယ်။ နောင် နှစ်သစ်အတွက် ရာထူးတိုးပေး၊ ဆုကြေးတွေ ပေးကြတော့မှာကိုး။

အဲဒီကာလဆို ထိုင်းရဲတွေ အလုပ်ပိုလုပ်ပြီး အလုပ်ရုံ တွေမှာ သံဒေါင်းလို့ခေါ်တဲ့ အလုပ်ကြမ်းသမားတွေကို အကြမ်းအရမ်း ဖမ်းပြမယ်၊ လမ်းသွားလမ်းလာ မသင်္ကာရင်စစ်မယ်၊ ရာဘ ဆေးပြား ပစ်ဖမ်းမယ်။ တရားဝင်ဗီဇာနဲ့ လာတဲ့ စာတတ် ပေတတ် ပညာတတ် တွေတောင် ပြဿနာဖြစ်တာ အများကြီး။ တကယ့်ကလိမ်ကကျစ် ထိုင်းရဲတွေ။

မထိတဲ့သူတွေက ဖင်တကြွကြွ။ ထိတဲ့သူတွေက ထိုင်းဆို ဆလံ ….

ကိုဇော် ဘန်ကောက်၊ (လေးစားမှုဖြင့် ခရက်ဒစ်)

Unicode

ထိုင်းရောက် ရွှေမြန်မာတွေ သတိထားရမယ့် ထိုင်းရဲတွေရဲ့ ခွင်ဆင်ပုံ ဆင်နည်းများ

အခုလို လကုန်ခါနီး လခထုတ်ရက်နား နီးလာရင် ဆူကွန်ဗစ် ၂၃ လမ်းဝန်းကျင် ဆွိုင် အာဆော့ မွန်ထရီ လမ်းဆုံနားမှာ ထိုင်းရဲတွေ သောင်းကျန်းပြီ။ တာမီနယ် ၂၁ Terminal 21 ကုန်တိုက် ဝန်းကျင်၊ ဆွိုင်ကောင်းဘွိုင်လမ်းအနီးအနားပေါ့။

မယောင်မလယ်နဲ့ ကိုယ့်လူနား ရောက်လာမယ်၊ ဆီးသွားဖို့ ခွက်တခွက်ပေးပြီး လမ်းဘေးမှာ ခွက်ထဲကို ဆီးပေါက်ခိုင်းမယ်။ တုတ်တစ်ချောင်းနဲ့ ထိုးပြီး ဆေးသုံး မသုံးစစ်မယ်။ ပြီးရင် တစ်ကိုယ်လုံးကို ရှာဖွေပြီး ဆေးပါမပါ စစ်မယ်။ ကိုယ့်လူတို့ မပြောနဲ့ တခြား ဥရောပ အမေရိကန်သား တွေတောင်မှ သူတို့ လက်လှည့် မျက်လှည့်ထဲမှာ နွံနစ် ကြရတယ်။ လက်ချောင်းတွေကြား မူးယစ်ဆေးပြားကို မျက်လှည့်ဆရာလို ညှပ်ထားပြီး မျက်လှည့်ပြကြတာ … ။ ကိုယ့်လူ … ခင်ဗျား ဘဝမှာ မူးယစ်ဆေးဆိုတာ ဘာမှန်းလုံးဝ မသိရင်တောင်မှ ခင်များ မူးယစ်ဆေးသုံးစွဲသူ တစ်ထိုင်ထဲမှာ ဖြစ်သွားနိုင်တယ်။

မအူမလည် ယောင်တောင်တောင်နဲ့ ဘန်ကောက်မြို့ သာယာလှပကြောင်း ခံစားနေခိုက်မှာ တခဏထဲနဲ့ ဘဝပျက်သွား နိုင်တယ်။ မျက်လှည့်ဂွင်ထဲ ဝင်သွားပြီဆိုတာနဲ့ ပုခုံးမှာကပ်ထားလေတဲ့ စကားပြောစက်ကနေ အဖော်တွေ ခေါ်တော့တာပဲ။

မော်တော်ဆိုင်ကယ်နဲ့ နှစ်ကောင်ဖြစ်စေ၊ ဟိုင်းလက် ပစ်ကပ်နဲ့ နှစ်ကောင်ဖြစ်စေ၊ လာပြီဆိုတာနဲ့ ဘာမှ တွေဝေမနေနဲ့၊ ရှိတာ ပေးပြီး ရုန်းထွက်ဖို့ကြိုးစားတော့။ ခင်ဗျား အပြစ်မရှိတာ ဘုရားသိတယ် သူတို့သိတယ်။ သို့ပေသိ သူတို့လိုချင်တာ ငွေ၊ တခြားဘာမှ မဟုတ်။ ဒီတော့ မှန်တာ မမှန်တာ အပထား။ အဲဒီမှာရှိတဲ့ မြန်မာတစ်ယောက်အဖို့ အကာအကွယ် ရပ်တည်မှု အမှန်တရား တရာဥပဒေဆိုတာ ဘာမှမရှိဘူး။

ဒီတော့ ငါမှန်တာပဲ ဆိုတဲ့မာန်တွေ သွားမထားနဲ့။ ခင်ဗျားက သူတို့လက်ခုပ်ထဲက ရေ။ ဒီလိုဖြစ်စဉ်တွေဟာ ဥရောပသား အမေရိကန်သား တွေတောင် ခံခဲ့ကြရတာ မြန်မာနိုင်ငံသားတစ်ယောက် အဖို့ကတော့ သူတို့က ပျင်းတောင်ပျင်းသေး တယ်။ အောက်တိုဘာ နိုဝင်ဘာ ဒီဇင်ဘာဆိုရင် ပိုဆိုးတယ်။ နောင် နှစ်သစ်အတွက် ရာထူးတိုးပေး၊ ဆုကြေးတွေ ပေးကြတော့မှာကိုး။

အဲဒီကာလဆို ထိုင်းရဲတွေ အလုပ်ပိုလုပ်ပြီး အလုပ်ရုံ တွေမှာ သံဒေါင်းလို့ခေါ်တဲ့ အလုပ်ကြမ်းသမားတွေကို အကြမ်းအရမ်း ဖမ်းပြမယ်၊ လမ်းသွားလမ်းလာ မသင်္ကာရင်စစ်မယ်၊ ရာဘ ဆေးပြား ပစ်ဖမ်းမယ်။ တရားဝင်ဗီဇာနဲ့ လာတဲ့ စာတတ် ပေတတ် ပညာတတ် တွေတောင် ပြဿနာဖြစ်တာ အများကြီး။ တကယ့်ကလိမ်ကကျစ် ထိုင်းရဲတွေ။

မထိတဲ့သူတွေက ဖင်တကြွကြွ။ ထိတဲ့သူတွေက ထိုင်းဆို ဆလံ ….

ကိုဇော် ဘန်ကောက်၊ (လေးစားမှုဖြင့် ခရက်ဒစ်)

Comments are closed.