လာသမျှလူတိုင်းကို မျက်စိ အခမဲ့ကုသ အလင်းရစေတဲ့ ထီးဆောင်းရွာ မျက်စိဆေးရုံ

လာသမျှလူတိုင်းကို မျက်စိ အခမဲ့ကုသ အလင်းရစေတဲ့ ထီးဆောင်းရွာ မျက်စိဆေးရုံ

တစ်သက်လုံး မမြင်ရတော့ဘူးလို့ထင်ခဲ့တဲ့ မျက်လုံးတစ်စုံ ထီးဆောင်းကျေးဇူးကြောင့် ပြန်မြင်ရပြီသမီးရယ်လို့ သူငယ်ချင်းအဖေပြောခဲ့ဖူးလို့ ကြားဖူးတာကြာခဲ့ပေမဲ့ မရောက်ဖူးသလို ဘယ်နားရှိမှန်းကိုမသိခဲ့ပါဘူး။ စစ်ကိုင်းကနေ မုံရွာ သွားရင် မြင်းမူ မရောက်ခင် ၃ မိုင် အလို မှာ “ထီးဆောင်း”ဆိုတဲ့ ရွာလေး ရှိပါတယ်။

အခမဲ့ မျက်စိကုသပေးတဲ့ ဆေးရုံရှိတဲ့ ရွာလေးပါ။ ပထမဆုံး ဆေးရုံကို တည်ထောင်တဲ့ ဆရာတော် က … “တိပိဋကကောဝိဒ တိပိဋကဓရ ဘဒ္ဒ န္တ ဝံသပါလာ လင်္ကာရ” ပါ။ (၈) ပါးမြောက် တိပိဋက ဘွဲ့ရထားတဲ့ ဆရာတော်တစ်ပါးပါ။ မင်းကွန်းတိနိ ကျောင်းမှာ သတင်းသုံးပါတယ်။ မျက်စိ တစ်ဖက် ချို့ယွင်း နေတဲ့ ကြားက တိပိဋကဘွဲ့ ကိုရယူနိုင်ခဲ့တာပါ။

ထိုင်းက အလှူ ရှင် (Bangok Airway) ပိုင်ရှင် က မတည်ထားပြီး၊ လူနာတွေအတွက် ကုန်ကျ စရိတ် အလှူ ရှင် က Australia က ပါ။

ဆေးရုံက အဂါၤနေ့နဲ့ လပြည့်နေ့တိုင်း ပိတ်ပါတယ်။ မျက်စိ အတွက် အတွင်းတိမ် နဲ့ ရေတိမ် တွေကို ခွဲပြီး လေဆာ က ရေလမ်းကြောင်းပိတ်တဲ့ လူနာတွေကို ရေလမ်းကြောင်း ဖွင့်ဖို့ရယ်၊ အတွင်းတိမ်ခွဲပြီး ကြာသွားတဲ့ လူနာတွေ အထဲကထည့်ထားတဲ့ မျက်ကပ်မှန်ကို အညှိပြန်တက်ရင် ဖယ်ဖို့ရယ် သုံးပါတယ်လို့ သိရပါတယ်။

ဆေးရုံကို လာတဲ့ ပထမဆုံး အကြိမ်အတွက် စာအုပ်ဖိုး 2000/- ကျပ်က လွဲလို့ အခမဲ့ ပါ။ သောက်ဆေးနဲ့ မျက်စဉ်းကတော့ အခမဲ့ မဟုတ်ပဲ တတ်နိုင်တဲ့သူဆိုရင် ဝယ်ရပါတယ်။

နိုင်ငံခြားသား မျက်စိကျွမ်းကျင်ပညာရှင် က ၃ ယောက် မျက်စိခွဲစိတ်အထူးကု တွေ .. အားလုံး ၇ ယောက်ရှိပြီး ၆ ယောက်က နီပေါ ကဖြစ်ပြီး တစ်ယောက်က လာအို ကပါ။ အလှူ ရှင်တွေ အနေနဲ့ ဆေးရုံက အလှူ ခံဌာနမှာ မျက်စိ တစ်လုံးကို ၃ သောင်း နှုန်းနဲ့ လှူ နိုင်ပါတယ်။

မြန်မာပြည် မြောက်ဖျားမှ တောင်ဖျားအထိ လူနာများ အရွယ်စုံ နယ်စုံ ကုသမှုလာယူကြပြီး .. တစ်နေ့ကို လူနာ ၃၀၀ မှ ၅၀၀ ကျော် လောက်ထိ ရှိပြီး
တစ်နေ့ မျက်စိ ခွဲတာ၊ ဆေးရုံ တက်တာ ရာချီ ရှိ ပါတယ်။

လှူဒါန်း ချင်ရင်ပဲ ဖြစ်ဖြစ်၊ ဆေးကုသ ချင်ရင်ပဲ ဖြစ်ဖြစ်၊

☎️ 09795113851 ( အုပ်ချူပ်ရေးမှူးရုံး )
☎️ 09 400 515 362,
☎️ 09 256 066 151
#ရွှေရတုတိပိဋကစက္ခုပါလမျက်စိဆေးရုံ သို့ ဆက်သွယ်နိုင်ပါတယ်။

Comments are closed.