သီချင်းဆိုပြိုင်ပွဲတွေရဲ့ voting စနစ်ကိုဒဲ့ဖြဲလိုက်တဲ့ Lခွန်းရီိ

သီချင်းဆိုပြိုင်ပွဲတွေရဲ့ voting စနစ်ကိုဒဲ့ဖြဲလိုက်တဲ့ Lခွန်းရီိ

Lခွန်းရီဟာ လွန်ခဲ့တဲ့နှစ်ပေါင်းများစွာကတည်းက အောင်မြင်လာတဲ့ အဆိုတော်တစ်ဦးဖြစ်သလို ဆယ်စုနှစ်တွေကြာအောင် ဂီတလောကထဲမှာကျင်လည်လာခဲ့ပြီး ပရိသတ်အားပေးမှုအခိုင်အမာရရှိထားတဲ့ အဆိုတော်ကြီးတစ်ဦးဖြစ်ပြီး အဆိုပြိုင်ပွဲတွေမှာလည်း ဒိုင်လုပ်ပြီး အရည်အချင်းရှိတေးသံရှင်မျိုးဆက်သစ်တွေကိုမွေးထုတ်ပေးနေတဲ့ Judge တစ်ဦးလည်းဖြစ်ပါသေးတယ်။ မကြာသေးမီက မီဒီယာတွေနဲ့ အင်တာဗျူးမှာ Lခွန်းရီက လက်ရှိအနုပညာလှုပ်ရှားမှုတွေအကြောင်းနဲ့ သီချင်းဆိုပြိုင်ပွဲတွေမှာ Voting စနစ်ကိုလုံးဝအားမပေးတဲ့အကြောင်းပြောသွားခဲ့ပါတယ်။

အန်တီ Lခွန်းရီက အရင်တုန်းက အဆိုပြိုင်ပွဲတွေမှာဒိုင်လုပ်ဖူးတဲ့အကြောင်းကို “အန်တီတို့က မျိုးဆက်သစ်လေးတွေကို ဒိုင်အနေနဲ့ အကဲဖြတ်အကြံပေးပြီးတော့ လိုအပ်ချက်လေးတွေကိုပြောပြီးတော့ သူတို့ကလည်း ပင်ကိုယ်ပါရမီရှိတဲ့အတွက်အောင်မြင်ကုန်ကြတာ။ အခုနောက်ပိုင်းတော့ ဒိုင်တွေကလည်း စပွန်ဆာမရှိတော့အလုပ်ပြုတ်ကုန်ကြတာ”လို့ ပြောပြထားပါတယ်။

Lခွန်းရီက လက်ရှိအနုပညာလှုပ်ရှားမှုတွေအကြောင်းကိုတော့ “Lဆိုင်းဇီကတော့ အန်တီတဲ့ သမီးအန်တီ့သီချင်းလေးပြန်ဆိုချင်တယ်ဆိုတော့ အန်တီဆိုထားတာကကြာပြီ တောင်ပေါ်သူအိပ်မက်ဆိုတာ တိုင်းရင်းသားသီချင်းမျိုးပဲ ဘယ်သူမှသိပ်တောင်သတိမထားမိကြဘူး။ အဲဒါ Lဆိုင်းဇီနဲ့စုံတွဲသီချင်းဆိုထားပါတယ်။အခါအခွင့်သင့်တယ်ဆိုရင်တော့ အန်တီက အန်တီ့တူတွေဖြစ်တဲ့ Lလွန်းဝါရယ် Lဆိုင်းဇီရယ် ရေဗက္ကာဝင်းရယ်ပေါ့နော်။သူတို့နဲ့ ပေါင်းပြီးတော့ အန်တီ စင်ပေါ်ဖြစ်ဖြစ် သီချင်းတစ်ပုဒ်ဖြစ်ဖြစ်သီဆိုဖို့အစီအစဉ်တော့ရှိပါတယ်လို့”သတင်းကောင်းပါးထားပါသေးတယ်။

အခုတလော သီချင်းဆိုပြိုင်ပွဲတွေမှာလုပ်နေကြတဲ့ Voting စနစ်နဲ့ပတ်သက်ပြီးတော့ လုံးဝကိုဆန့်ကျင်ကြောင်းအားမပေးကြောင်းကိုလည်းအန်တီ Lခွန်းရီက “Voting ကတော့ အန်တီလုံးဝအားမပေးဘူး။ Voting များရင်များသလို အရည်အချင်းမရှိပဲ၊ အားလုံးသိကြမှာပါ အန်တီနာမည်တပ်မပြောတော့ဘူး။ ခဏခဏမှားတယ်တက်လာတယ်၊ အန်တီတို့ဂီတတံခါးထဲလုံးဝမရောက်ဘူးသိလား။ အန်တီတို့ သံစဉ်များက လင်းလက်ကြယ်ဆိုလည်း တစ်ချက်မှားတာနဲ့ မီးနီပဲ၊ တစ်ပွင့်လင်းမလား နှစ်ပွင့်လင်းမလား။ သနားသောအားဖြင့် သုံးပွင့်တော့မလင်းဘူးပေါ့။တအားဆိုးရင်တော့ နှစ်ပွင့်လောက်လင်းရတာပေါ့။အဲ့တော့ Voting စနစ်ကို လုံးဝအယုံအကြည်မရှိဘူး”လို့ ပြတ်ပြတ်သားသားပြောထားပါတယ်။

ဒါ့အပြင် အန်တီ Lခွန်းရီက Voting စနစ်နဲ့ဆို အရည်အချင်းရှိတဲ့တေးသံရှင်တွေရမှာမဟုတ်ကြောင်းနဲ့ မှားမှန်းသိရက်နဲ့ဘာမှမပြောတဲ့ ဒိုင်တွေကိုလည်းဝေဖန်ချက်ပေးသွားခဲ့ပါသေးတယ်။ Lခွန်းရီက “တကယ့်တေးသံရှင်အစစ်လိုချင်လို့ရှိရင် တကယ်အသံကောင်းတဲ့လူကိုပဲရွေးသင့်တယ်လို့။ ဒိုင်တွေလည်းနားပါတာပဲ။ မှားတာနဲ့ ချက်ခနဲတန်းပြီးသိတယ်။ပါရမီကပါပြီးသား။ မှားမှန်းသိရက်နဲ့ ဘာလို့ခွင့်လွှတ်လဲဆိုတာ အန်တီ judge မဟုတ်တဲ့အတွက် အန်တီ judge ဆိုရင်တော့မရဘူး။ သူတို့ဆိုရင်တော့ အန်တီမပြောလိုဘူးပေါ့၊အရည်အချင်းပြည့်မီတဲ့ကလေးတွေမျိုးဆက်သစ်တွေအန်တီကပေါ်စေချင်တာ။ Voting စနစ်နဲ့ဆိုရင်တော့ပေါ်မှာမဟုတ်ဘူး”လို့ ပြုံးပြုံးလေးနဲ့ဝေဖန်သွားခဲ့ပါတယ်။

ပရိသတ်တွေကတော့ အန်တီ Lခွန်းရီပြောတဲ့ ခဏခဏမှားပြီးစင်ပေါ်တက်လာတယ်ဆိုတဲ့တစ်ယောက်ကိုတန်းခနဲသိလောက်တဲ့အထိကိုမှန်းမိနေကြပါပြီ။ ပြောချင်လွန်းလို့ပရိသတ်ကြီးရော..စင်ပေါ်တက်လာလိုက် မှားသွားလိုက်ဆိုတာ ဘယ်သူများဖြစ်မလဲ အတွေးပေါက်ကြရဲ့လား။ Lခွန်းရီပြောသွားတာတွေကိုရော သဘောတူကြလား။ Lခွန်းရီတို့ Lဆိုင်းဇီတို့အတူတူဆိုမယ့်သီချင်းတွေကိုရောအားပေးကြမှာလားပြောခဲ့ကြပါဦး။

Can’t Wait To Say

Comments are closed.