တောင်နဝင်းရေလှောင်တမံ ပြိုကျသည်ဆိုသည့်သတင်းကြောင့် တမံပေါ်သို့ မြို့ခံထောင်ချီလာရောက်နေ

တောင်နဝင်းရေလှောင်တမံ ပြိုကျသည်ဆိုသည့်သတင်းကြောင့် တမံပေါ်သို့ မြို့ခံထောင်ချီလာရောက်နေ

တောင်နဝင်းရေလှောင်တမံ ပြိုကျသည်ဆိုသည့်ကောလဟာလကြောင့် ပေါက်ခေါင်းမြို့အတွင်းပြေးလွှားရွေ့ပြောင်းမှုများ ဖြစ်ပေါ်ခဲ့ပြီး တမံပေါ်သို့မြို့ခံထောင်ချီလာရောက်နေ

တောင်နဝင်းရေလှောင်တမံ ပြိုကျသည်ဆိုသည့် ကောလဟာလကြောင့် ပေါက်ခေါင်းမြို့အတွင်း ပြေးလွှားရွေ့ပြောင်းမှုများဖြစ်ပေါ်ခဲ့ပြီး တမံပေါ်သို့ မြို့ခံထောင်ချီလာရောက်နေကြောင်းသိရသည်။

အဆိုပါသတင်းမှားဖြစ်ပွားသွားမှုမှာ ဖေဖော်ဝါရီလ ၈ရက်နေ့ နံနက် ၁၀ နာရီခန့်ကဖြစ်ပြီး မြို့ပေါ်ဈေးများအတွင်း ဆိုင်ခန်းများပိတ်ခြင်း ပစ္စည်းရွေ့ပြောင်းခြင်းနှင့် မင်္ဂလာဆောင်လည်း ပျက်သွားခဲ့ကြောင်း ကျောင်းများရှေ့တွင်လည်း မိဘများ လာရောက်စောင့်ဆိုင်းနေပြီးလမ်းပေါ်တွင် သွားလာမှုများ ရှုပ်ထွေးသွားခဲ့ကြောင်းမြို့ခံများကပြောသည်။

“အခုမနက်မှာ ကျွန်မတို့က ဆည်အကြောင်းအစည်းအဝေး လုပ်မို့ပြင်နေတုန်းမှာ ဆည်ကြီးကျိုးပြီဆိုပြီးပြေးလွှားနေကြတော့ စိုးရိမ်ပြီး ဆည်ပေါ်ကို အခုလာကြည့်တာပါ ဘာတာဝန်ခံမှု တာဝန်ယူမှုမရှိတဲ့ဆည်အိုကြီးကို အမြန်ဆုံး တာဝန်ယူမှုတာဝန်ခံမှုနဲ့တစ်ခုခုလုပ်သင့် ပြောသင့်ပြီ ဒါမှမဟုတ်ရင် ဆန္ဒဖော်ထုတ်တော့မယ် ကျီးလန့်စာစားဖြစ်နေရတယ်”ဟု ပေါက်ခေါင်းမြို့ NLD မှ EC ဒေါ်မြင့်မြင့်လေးက ပြောသည်။

အဆိုပါ ဆည်ပြိုသည်ဟု ကောလဟာလအား လူသုံးဦးက ဆိုင်ကယ်ဖြင့် အော်ဟစ်သွားခဲ့ခြင်းဖြစ်ကြောင်းလက်ရှိအချိန်တွင် ဆည်ပေါ်သို့ လာရောက်ကြည့်သူမြို့ခံထောင်ချီနေပြီဖြစ်ကြောင်း သိရသည်။

Comments are closed.