သိန်းနှစ်သောင်းတန်အိမ်နဲ့ စပွန်ဆာပေးမယ်လို့ကမ်းလှမ်းခံခဲ့ရတဲ့ ထန်ပါး

သိန်းနှစ်သောင်းတန်အိမ်နဲ့ စပွန်ဆာပေးမယ်လို့ကမ်းလှမ်းခံခဲ့ရတဲ့ ထန်ပါး

အမြင်ဆန်း အသွင်ဆန်းတဲ့ ဖက်ရှင်ပုံစံတွေကြောင့် မြန်မာနိုင်ငံရဲ့ လူငယ်တွေရော လူကြီးတွေကြားမှာပါ ရေပန်းစားလာတဲ့ ချင်းတိုင်းရင်းသား တေးသံရှင် ထန်ပါးကတော့ မိန်းကလေးတွေ ဖက်ရှင်ထဲမှာဆိုရင် တေးသံရှင်ဖြူဖြူကျော်သိန်းရဲ့ ဖက်ရှင်ကို အရမ်းကြိုက်ပြီး Lady Gagaမပေါ်ခင်မှာ ဖြူဖြူကျော်သိန်းရဲ့ ဖက်ရှင်ကို လိုက်မှီတဲ့သူမရှိဘဲ ဖြူဖြူကျော်သိန်းက ကမ္ဘာနဲ့ ချိတ်ဆက်မှုအားနည်းလို့သာ ကမ္ဘာကျော် မဖြစ်ခဲ့ရတာပါလို့ 8daysရဲ့ အင်တာဗျူးတစ်ခုမှ ဖြေဆိုသွားခဲ့ပါတယ်။

ဖက်ရှင်ကို ဝေဖန်တာနဲ့ ပတ်သက်ပြီး ထန်ပါးက “ဘာမှပြောစရာမရှိဘူး ကျွန်တော်တို့က ကြိုက်တဲ့သူအတွက်ကို ရှေ့ဆက်ပြီးသွားမယ် မကြိုက်တဲ့သူကတော့ ထားခဲ့မှာပါ။ ကိုယ်ခင်လှိုင်က အွန်လိုင်းမှာသတင်းဌာနတွေဆီမှာ တောင်းပန်တာပေါ့နော် ပိုပြီးအဲ့တာကြောင့် လူသိများတယ်ထင်တယ်ဗျ။ ဒီလိုမျိုးဖက်ရှင်တွေကို ပွဲတွေဘာတွေသွားမှပဲ ဝတ်ဖြစ်ပါတယ်ဗျ။ ဖက်ရှင်နဲ့ပတ်သက်ပြီး ဘယ်လိုပြောရမလဲ ကိုယ့်စတိုင်နဲ့ကိုယ်ပေါ့။ ဖက်ရှင်ဆိုတာက အမှန်တိုင်းပြောရမယ်ဆိုရင် ကမ္ဘာမှာ Lady Gaga မိန်းကလေးဆိုရင်နော် Lady Gagaမပေါ်ခင်မှာ ဖြူဖြူကျော်သိန်းပေါ့ ဖြူဖြူကျော်သိန်းကို အားကျဆုံးပဲ သူကအမှန်တကယ်ဆိုရင် နိုင်ငံတကာနဲ့ဆက်သွယ်တာအားနည်းလို့ ဖြူဖြူကျော်သိန်းကမ္ဘာမကျော်တာ။

Lady Gagaမပေါ်ခင်မှ ဖြူဖြူကျော်သိန်းစတိုင်က ဘယ်သူမှမမှီသေးဘူး အခုထိပဲ အဲ့တာကြောင့် အတိုတော် အသစ်တွေတက်မယ်ဆိုရင် ကျွန်တော်ထင်တယ် ဖက်ရှင်က အရေးကြီးတယ် အသံပိုင်းဆိုင်ရာလည်း အရေးကြီးတယ်၂ခုတွဲရင် ဘယ်တော့မှ မကျနိုင်ဘူးလို့ ထင်တာပဲ။ သူဝတ်တာတွေက ဘယ်သူမှ လိုက်မမှီဘူး မိုက်ကယ်ဂျက်ဆင်ကြည့် အဲ့တာမှ အခုလူငယ်တွေ သီချင်းဆိုတာပါမကဘူး ဖက်ရှင်ပိုင်းလည်း ကြိုးစားကြအုန်းလို့ ကိုယ့်ဟာနဲ့ကိုယ်ထွင်နိုင်အောင်သူများအတုမခိုးနဲ့ သူများအတုခိုးရင်တော့ ခဏလေးနဲ့ ရိုးသွားမှာ ကိုယ်အိုင်ဒီယာရှိသလောက်ကိုပဲ ကြိုးစားကြပါလို့ ပြောချင်ပါတယ်။”လို့ ပြောခဲ့ပါတယ်။

ိကိုယ်ရဲ့စတိုင်ကို မြန်မာနိင်ငံမှာ လိုက်မှီတဲ့သူရှိလားလို့ မေးမြန်းရာမှာ” ပြောလို့မရဘူး ကိုယ့်စတိုင်နဲ့ကိုယ်ဆိုတော့ သူများလည်း ကိုယ်စတိုင်နဲ့ကိုယ်နေကြတာကြောင့် အဲ့တာတော့ ပြောလို့မဖြစ်ဘူးဗျ။ ယှဉ်လို့မရဘူး သူတို့လည်း သူစတိုင်နဲ့သူက ကိုယ်လည်း ထျန်ပါးစတိုင်ပဲ နေတယ်ဆိုတော့ ပိုပြီး သင့်တော်တယ်လို့ ထင်ပါတယ်။”လို့ ပြောခဲ့ပါတယ်။

အနုပညာလှုပ်ရှားမှုတွေနဲ့ ပတ်သက်ပြီး ထန်ပါးက “အခုက ရပ်ရှင်က တစ်ကားကို သိန်း၆၀ပေးမယ်တဲ့ ဒါပေမဲ့ ကျွန်တော်သရုပ်ဆောင်မဲ့ စာရွက်စာတမ်းတွေအကုန်ဖတ်ပြီးမှပဲ လက်ခံမယ်လို့ ပြောထားတယ် သူတို့က သိန်း၃၀လောက်ကို စရံချထားမယ်တဲ့ လက်မခဲဘူး ဘယ်နေရာမှာ သရုပ်ဆောင်မှာလည်း ဘယ်နေရာမှာ လုပ်မှာလဲပေါ့နော် အဲ့တာဖတ်ပြီးမှ သေသေချာချာလေ့လာပြီးမှ လက်ခံမယ်လို့ ပြောထားတယ်။”ပြောဆိုသွားခဲ့ပါတယ်။

ကိုယ်ရတဲ့အနုပညာကြေးနဲ့ ကိုယ့်ရဲ့ဖက်ရှင်တန်ဖိုးက မျှတလားဆိုတဲ့ မေးခွန်းကို ထန်ပါးက “မျှတတယ်ဗျ ကျွန်တော်က ဘုရားသခင်အလိုတော်တိုင်းပဲ အခုတောင်မှ စပွန်ဆာပေးတဲ့သူများတယ်ဗျ ဘုရားသခင်အလိုတော်ပဲ ဒါပေမဲ့လည်း ကိုယ့်ဟာနဲ့ကိုယ်နိုင်သလောက် လုပ်တာ ပိုပြီး အဆင်ပြေတယ်များများ မကုန်ဘူး။ ကျေနပ်တာကတော့ ကျွန်တော်ဘုရားသခင်ရဲ့ အလိုတော်ကို ကျေနပ်တယ် ကျွန်တော် ကမ္ဘာမှာ ဝါသနာအပါဆုံးက အရောင်းအဝယ်နဲ့ အဆိုပေါ့ ဘုရားသခင်က ကျွန်တော်ဝါသနာပါတဲ့ နှစ်ခုလုံးကို လိုက်အောင် လုပ်ပေးတယ်ဆိုတော့ ဘဝကို အရမ်းကျေနပ်တယ်။ အဲ့တာကြောင့် အသက်၆၀အထိပဲ ဆုတောင်းထားတယ်။ ၆၀ကျော်ရင်လည်းကျော် မကျော်ရင်လည်း ဘုရားသခင်ဆီမှာ၆၀အထိကို အသက်ရှင်အောင်လုပ်ပေးပါလို့ ဆုတောင်းထားတယ်ဗျ။”လို့ ပြောသွားခဲ့ပါတယ်။

ဖက်ရှင်နဲ့ပတ်သက်ပြီး သားတွေက ဘာပြောလဲလို့ မေးမြန်းရာ”သားအငယ်ကောင်ကတော့ လိုက်ချင်တယ် ဒါပေမဲ့လည်း ကျောင်းနေတယ်ဆိုတော့လေ ကျောင်းပညာရေးကို ဦးစားပေးထားတာ။ သားသုံးယောက်က မဝေဖန်ဘူး အားပေးတယ်။ အကြံဥာဏ်ပေးတာတော့ ဘာမှမရှိဘူး ဒါအမှန်တိုင်းပြောမယ်ဆိုရင် ကျွန်တော်တို့ ရန်ကုန်မှာ သူဌေးတွေပေါ့နော်။ သူဌေးတွေထဲက အမတစ်ယောက်က ဖုန်းခဏခဏခေါ်တယ်။ ရန်ကုန်မှာက သူအိမ်က သိန်းပေါင်း၂သောင်းလောက်ရှိမယ်တဲ့။ အဲ့တာကို ထားပြီးတော့ ရုပ်ရှင် video ကြော်ငြာကအစ အကုန်လုံး သူတို့က စပွန်ဆာပေးပြီးတော့ သူ့အိမ်မှာ ထားမယ်တဲ့။ နောက်ဆုံးကျတော့ သားသုံးယောက်အဖေပါလို့ အပြတ်ပြော။ ကျွန်တော်ပြောရင် မရလို့ သားငယ်ဖုန်းကိုင်ရင် ကျွန်တော်တို့ သားသုံးယောက်ရဲ့ အဖေပါ။ ဒီလိုကို့ယ်ဟာနဲ့ကိုယ်ထုတ်နိုင်တယ်ဆိုတော့ ဘယ်သူမှ စပွန်ဆာ မယူချင်လို့ပါဆိုမှပဲ။ သားသမီးဘယ်နှစ်ယောက်ပဲရှိရှိ ဂရုမစိုက်ဘူးဆိုမှ။ သားတွေကတော့ နည်းနည်း နိုင်ငံခြားထွက်ရင်လည်း တစ်ယောက်ယောက်လိုက်မှပဲ သွားမယ်။ ဆိုးလ်သွားရင်လည်း တစ်ယောက်ယောက်လိုက်မှ သွားမယ်။ နည်းနည်းတော့ ကန့်သတ်ချက်ရှိတာပေါ့။ နည်းနည်းလွန်သွားတာ ထင်တယ်။ အဲ့တာကြောင့် သားတွေကတော့ အဖေသတိထား သွားတဲ့နေရာမှာလည်း တစ်ယောက်ယောက်လိုက်မှပဲ အဆင်ပြေမယ်လို့ပြောတာတော့ရှိတယ်။”လို့ ပြောခဲ့ပါတယ်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.