ပြစ်ဒဏ်လွှတ်ပေးဖို့ မျှော်လင့်ချက် ရှိလာနိုင်တဲ့ မိုးအောင်ရင်ရဲ့ အမှု

ပြစ်ဒဏ်လွှတ်ပေးဖို့ မျှော်လင့်ချက် ရှိလာနိုင်တဲ့ မိုးအောင်ရင်ရဲ့ အမှု

မူးယစ်ဆေးဝါး လက်ဝယ်တွေ့ရှိမှုနဲ့ ထောင်ဒဏ် ၁၇ နှစ် ကျခံထားရတဲ့ မိုးအောင်ရင်ရဲ့ အမှုကို ရန်ကုန်အရှေ့ပိုင်း တရားရုံးမှာ ဖေဖော်ဝါရီ ၈ ရက်နေ့က အယူခံလျှောက်လွဲချက် ကြားနာခဲ့ပါတယ်။ ပြီးခဲ့တဲ့ ဒီဇင်ဘာလ ၂၇ ရက်နေ့က အယူခံ ဝင်ခဲ့တာ ဖြစ်ပြီး ဒီနေ့ ဖေဖော်ဝါရီလ ၈ ရက်နေ့မှာ လာရောက်ကြားနာခဲ့တာ ဖြစ်ပါတယ်။ အမိန့်ချမှတ်ဖို့ကိုတော့ ဖေဖော်ဝါရီ ၂၇ ရက်နေ့မှာ ပြန်ချိန်းခဲ့တယ်လို့ သိရပါတယ်။

မိုးအောင်ရင်ဘက်ကနေ တရားလွှတ်တော်နေရှေ့နေ ဦးခင်မောင်တင့်က တာဝန်ယူ ဆောင်ရွက်ပေးမှာ ဖြစ်ပြီး မျှော်လင့်ချက် ရှိနိုင်ကြောင်း ခုလို ပြောသွားပါတယ်။

“ဒီနေ့ကလေ မိုးအောင်ရင်ကို ပြစ်ဒဏ်အပေါ် အယူခံမှုအတွက် လျှောက်လွှဲချက် တင်တာပေါ့နော်။ လျှောက်လွှဲချက်မှာတော့ အချက်က မများတော့လေ အသေးစိပ် မပြောတော့ဘူး။ မြို့နယ်ရုံးက အယူခံတက်ခွင့် ရှိတဲ့အတွက် ခရိုင်ရုံးကို အယူခံတက်ပြီးတော့ သူ့အခွင့်အရေး တောင်းဆိုတာ။ အကြောင်းပြချက်ကတော့ သူ့အပေါ်မှာ ချထားတဲ့ ပြစ်ဒဏ်ကို စဉ်းစားပေးဖို့ နောက်တစ်ခါ အခွင့်အရေး တောင်းတာပေါ့။ အခွင့်အရေးကတော့ လိုရင်းပြောရရင် ပြစ်ဒဏ်လွှတ်ပေးဖို့ပါ။ ခရိုင်ကအမှုကို သီးခြား တိုင်းဒေသကြီး လွှတ်တော်ဆီ အယူခံ တက်ထားတယ်။ အယူခံ ၁/၂၀၁၉ နဲ့ တက်ထားတယ်။ ဒီဇင်ဘာ ၂၇ လောက် ဖြစ်မယ်ထင်တယ်။

အမှုအပေါ် မူတည်ပြီး မျှော်လင့်ချက် ရှိနိုင်ပါတယ်။ ရှိနိုင်လို့လည်း တက်တာပေါ့။ ပုံမှန်ကလေ အခုလ ၂၂ ရက်နေ့မှာ တင်ထားတဲ့ အယူခံအမှုကို လက်ခံသင့် မသင့်ဆိုတာ ကြားနာဖို့ ချိန်းထားတယ်။ အမိန့်ချတာကတော့ ၂၇ ရက်နေ့ အပြီးသတ် အမိန့်ချမယ်။” ဆိုပြီး ပြောပြသွားပါတယ်။

ပရိသတ်တွေကတော့ မိုးအောင်ရင်ရဲ့ အမှုကို ပြစ်ဒဏ်လျှော့ပေါ့ ပေးဖို့ လိုလားတောင့်တကြသလို တရားသောစီရင်မှု ဖြစ်ပါစေလို့လည်း ဆုတောင်းနေကြပါတယ်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.