မြန်မာ့ယဥ်ကျေးမှုကို မပျောက်စေချင် လို့ “Happy Birthday” ကိုတောင် အဂ်လိပ်လို မပြောဘူးဆိုတဲ့ ဝိုင်းလ မင်း အောင်

မြန်မာ့ယဥ်ကျေးမှုကို မပျောက်စေချင် လို့ “Happy Birthday” ကိုတောင် အဂ်လိပ်လို မပြောဘူးဆိုတဲ့ ဝိုင်းလ မင်း အောင်

ငယ်ငယ်ရွယ်ရွယ်နဲ့ မြန်မာသံစဉ်ကိုအချက်ကျကျသီဆိုနိုင်တဲ့ အဆိုတော် ဝိုင်းလမင်းအောင်က တော့ နေပုံထိုင်ပုံကအစ မြန်မာဆန်ဆန်ပဲဝတ်စားနေထိုင်တတ်သူပါ။

အမြဲတမ်းမြန်မာဝတ်စုံကိုပဲ ဝတ်ဆင်တာနဲ့ပတ်သတ်ပြီး ဝိုင်းလမင်းအောင်က“ကျွန်တော်က အိမ် မှာ နေရင်လည်း ဒီလိုပဲနေတာပါ အခုတောင် ကိုဗစ်နဲ့ပတ်သတ်ပြီးပြောကြတယ် ပုဆိုးဝတ်လို့မ ကောင်းဘူးတဲ့ ပုဆိုးဝတ်ရင် ပိုးကမလုံခြုံဘူးပေါ့ တချို့ပရိသတ်တွေကပြောကြတယ် အဲဒီ့လို ပြော မှ ကျွန်တော်ဝတ်တာ ကျောင်းတတ်ရင်ရော အပြင်သွားရင်ရော နိုင်ငံခြားသွားရင်ရော ပု ဆိုးပဲ ဝတ်တယ် အိမ်မှာတောင် ဘောင်းဘီက သုံးထည်လောက်ပဲရှိတယ် ရိုးရိုးအကျီက ၅ထည် လောက်ပဲရှိတယ် အကုန်အကျီအဖြူ ပုဆိုးတွေ ပိုးပုဆိုးတွေတစ်ထပ် ချည်ပုဆိုးတစ်ထပ် တိုက်ပုံ တစ်ထပ်ထားထားတာ” လို့ သူ့နေထိုင်မှုကိုပြောပြခဲ့ပါတယ်။

“မုံရွာမှာသွားတုန်းက စတူဒီယိုသီချင်းတောင်းတော့ မဖြစ်မနေဆိုတော့လည်း တောင်းဆိုတာ လု ပ်ပေးရတာပေါ့ အဲဒီ့လိုအခြေအနေတွေမှာဝတ်ဖို့ ဘောင်းဘီ၃ထည်လောက်ပေါ့ အဲဒီ့လိုမျိုးက ၁၀ ပွဲမှာ ၁ပွဲလောက်ပါပဲ ဒါပေမဲ့အဲဒီ့တုန်းက ဘောင်းဘီနဲ့တွဲဝတ်ဖို့ အကျီကမပါဘူး အဲဒီ့တုန်းက ဘယ်လိုလုပ်ရလဲဆိုတော့ အလှူရှင်တို့ဘာတို့ကိုလွှတ်ပြီး အကျီနဲ့ဘောင်းဘီဝယ် ဆိုဒ်တွေဘာ တွေလည်းမကြည့်ဘဲ ဝတ်ပြီးဆိုလိုက်တာပဲ ဘာရယ်မဟုတ်ဘူး သီချင်းတွေလည်းသိတယ် ရ လ ည်းရတယ် ဒါပေမဲ့ ကိုယ့်ရဲ့လမ်းမှန်လေးကိုလိုက်တာပေါ့ ရေရှည်လည်းကျင့်သုံးသွားမယ်” လို့ ပွဲ တွေမှာကြုံတွေ့ရတဲ့ဖြစ်ရပ်လေးကိုလည်း ပြောပြခဲ့ပါတယ်။

ဝိုင်းလမင်းအောင်ကတော့ မြန်မာ့ဂီတကိုသာမက မြန်မာစာပေကိုလည်း မပျောက်ပျက်စေချင်တဲ့ အကြောင်းကို“ဖေ့စ်ဘွက်တွေမှာ Happy Birthday လို့ရေးကြရင် တောင် ကျွန်တော်Happy Birthday ဆိုတဲ့စကားကိုမပြောဘူး ကျွန်တော်က အင်္ဂလိပ်စကားတော့တတ်တယ် ဒါပေမဲ့ မြန် မာစကားကိုမပျောက်စေချင်တော့ ကျွန်တော်က Translate လိုက်လုပ်တာ အဲဒီ့လိုပေါ့ မွေးနေ့ မှာ ပျော်ရွှင်ပါစေလို့ပဲသုံးတယ်

“လူတိုင်းကိုယ်စိတ်ကြိုက်သုံးခွင့်ရှိတယ်လေ ကျွန်တော်ကတော့ ကိုယ့်စိတ်ကြိုက် မြန်မာဟန်ပေါ့ နော် မြန်မာစာပေကလည်း အရမ်းလေးနက်တယ်လေ မိုးဆိုလည်း ဃသက်နဲ့ ဝစ္စနှစ်လုံးပေါက် ပေါ့နော် အင်မတန်မှအရှိန်အဝါနဲ့လုပ်ခဲ့တာဆိုတော့ ကျွန်တော်ကအဲဒီ့စာပေတွေလည်း မပစ် ရက် ဘူးပေါ့ အခုဆို မနက်ထရင် မောနင်းတို့ဘာတို့ပေါ့ အဲဒီ့လိုမဟုတ်ဘူး မင်္ဂလာမနက်ခင်း ပါ ပေါ့ “လို့ဆိုထားပါတယ်။

ဝိုင်းလမင်းအောင်ကတော့“ကျွန်တော်ကတော့မြန်မာမှုကိုချစ်မြတ် နိုးလို့ မြန်မာဝတ်စုံဝတ်တယ် မြန်မာစာပေတွေကိုလုပ်တယ်ပေါ့ ကျွန်တော်တက်တဲ့ကျောင်းကလည်း အမျိုးသားယဉ်ကျေး မှုနဲ့ အနုပညာတက္ကသိုလ်ပေါ့နော် အခုမြန်မာသီချင်းတွေနဲ့ပတ်သတ်ပြီး စာတန်းပြုစုပြီး စာမေးပွဲ ကို ဖြေသွားမှာပါ” လို့ ပြောပြခဲ့ပါသေးတယ်။

ပရဟိတလုပ်တာနဲ့ပတ်သတ်ပြီး ဝိုင်းလမင်းအောင်ကတော့“ပရိသတ်တွေ ကို လည်း မြန်မာပိုင်း ဆိုင်ရာ အသစ်အသစ်တွေဖန်တီးသွားဖို့ရှိပါတယ် ပရဟိတလည်းတွဲပြီးလုပ်တယ် ပရိသတ်တွေ အမြင်မှာလည်း ကျွန်တော်တို့တစိုက်မက်မက်လုပ်သွားတယ်ဖြစ်အောင်ကြိုးစားမှာပါ”

“ကျွန်တော်တို့အနုပညာရှင်တွေ ပရဟိတလုပ်တာသဘာဝကျတယ်လေ ပရိသတ်တွေပေးကမ်း ထားတဲ့ အနုပညာကြေးတွေကို ကျွန်တော်တို့က ဟော်တယ်မှာတက်စား ဈေးကြီးတာတွေဝတ် စား နေတယ်ဆိုတာ သဘာဝမကျဘူးပေါ့ ပရိသတ်တွေကိုပြန်လုပ်ပေးတာ လှုတန်းတာ သ ဘာ ဝကျတယ်လေကျွန်တော်တို့မြန်မာမှုက နယ်ပယ်လည်းကျဉ်းတယ် ရတဲ့နေရာကနေ ရသလော က်လုပ်ပြီး ပရိသတ်တွေကိုပြန်ပေးတာကို ပရိသတ်တွေလည်းဂုဏ်ယူကြလိမ့်မယ်လို့ ထင်ပါတ ယ်” လို့ သူ့ယူဆချက်ကို ပြောပြခဲ့ပါတယ်။

မြန်မာ့ဂီတနဲ့ပတ်သတ်ပြီး ပရိသတ်အားပေးမှုနေရာကျယ်ပြန်အောင် ကြိုးစားနေတဲ့ ဝိုင်းလမ င်းအောင်ကတော့“ကျွန်တော်မြန်မာ့ဂီတနဲ့ပတ်သတ်ပြီး ပရိသတ်တွေတစ်စတစ်စ တိုးပွားလာ အောင် ကြိုးစားလျက်ရှိပါတယ် နောက်ပိုင်းကျရင် ရသမျိုးစုံတွေ့ရမယ် ကျွန်တော့်ဖန်တီးမှု ကြော င့် မြန်မာ့ဂီတမှာတစ်ထောင့်တစ်နေရာက အားဖြည့်ဝင်နိုင်တယ်ဆို ကျေနပ်ပါပြီအခု ခေတ် music မှာ မြန်မာမှုနဲ့ အခုခေတ်ပေါ်နဲ့ကို ကျွန်တော်တို့ပြန်ကိုက်ညီအောင်လုပ်မယ်ပေါ့ ပေါင်းစပ်မှုခေတ်နဲ့အညီဖြစ်မယ် ကျွန်တော်တို့ရဲ့မြန်မာမှုတွေကိုဒီဘက်ခေတ်အထိပါချင်တယ် ပေါ့နော် နည်းလမ်းကတော့ creation လုပ်ပြီး နိုင်ငံခြားသံစဉ်နဲ့မြန်မာသံစဉ်ကို မြန်မာမှုကိုအ ရင်း ခံပြီး သွားကြရမှာပေါ့နော် ကျွန်တော့်ဘက်ကနေ သီချင်းတွေရေးနေပါတယ် မြန်မာမှုကို မပျောက်ပျက်သွားအောင်ပေါ့”

“တန်ဖိုးထားတာကတန်ဖိုးထားတာပေါ့ လူငယ်တွေအနေနဲ့အသစ်တွေကိုကြိုက်တယ် နိုင်ငံခြား မှာလည်း classical ဆိုရင် ညစာစားတဲ့အချိန်တွေမှာပေါ့ နားထောင်ကြတာပဲ classicalရယ်လို့ pop မှလို့မရှိပါဘူး ကျွန်တော်တို့မြန်မာမှာလည်း အဲဒီ့လိုဖြစ်စေချင်တယ်ပေါ့ နိုင်ငံခြားမှာဆို ည စာ စားလည်းဖွင့်တာပဲ ဈေးဝယ်လည်းဖွင့်တာပဲ မြန်မာမှာကျတော့ ခွဲခြားတယ် FM မှာ သီချင်း တောင်းရင်တောင် အကုန်က ခေတ်ပေါ်သံစဉ်တွေချည်းပဲ ကျွန်တော့်ပရိသတ်က သီချင်းသွား တော င်းမယ်ဆိုရင်တောင် ဘယ်လိုသွားပြောမလဲ နေရာကတဖြည်းဖြည်းကျဉ်းကျဉ်းလာတယ် မြန် မာပြည်မှာ နိုင်ငံတော်သီချင်းလည်း မြန်မာသံစဉ် အာဇာနည်နေ့ဖွင့်လည်းမြန်မာသံစဉ် သင်္ ကြန် လည်း မြန်မာသံစဉ်ပါပဲ သူ့နေရာနဲ့သူလည်းရှိပါတယ် အားလုံးခေတ်ပေါ်သီချင်းတွေလည်း ကြိုက်ကြပါ မြန်မာသံစဉ်ကိုလည်းနေရာပေးကြပါ မြန်မာသံစဉ်တောင်းဆိုလို့ရတယ်ဆိုတာ FM တွေဘာတွေမှာကျွန်တော်မကြားဖူးဘူး ရုပ်သံတွေမှာ မြန်မာ့သီချင်းကြီးအစီအစဉ် လည်းမတွေ့ရ တော့ဘူး ဆိုကရေးတီးအစီအစဉ်လည်းပျက်သွားပြီ”

“ဆုတ်ယုတ်တာရှိသလို တိုးတက်တာတွေလည်းရှိပါတယ် ဆရာ ဓီရာမိုရ်တို့ဆိုလည်း နိုင်ငံခြား နဲ့ဖက်စပ်ပြီး စောင်းတွေတီးတာရှိတာပဲ အစုလိုက်တီးကြတယ် ခေတ်ပေါ်သံစဉ်တွေနဲ့ တီးကြတ ယ် ကျွန်တော်တို့ လူ့စည်းဝိုင်းထွက်ပြီး မားကတ်တီးဆင်းကြတယ် ကိုဖိုးချစ်တို့ဆိုလည်း သဘင် ဘက်မှာအားစိုက်ကြတယ် မော်ဒယ်တွေဆိုလည်း နိုင်ငံခြားမသွားခင် ရုပ်သေးတွေ တစ်ပုဒ် နှစ် ပုဒ်လာသင်ကြတယ် မြန်မာနိုင်ငံမှာ မြန်မာ့ယဉ်ကျေးမှုကို ထိန်းသိမ်းသွားမယ်ဆိုရင် ကမ္ဘာ့အလ ယ်မှာလည်းရှားရှားပါးပါးနဲ့ ထွန်းပေါက်သွားမယ်လို့ ကျွန်တော်ကတော့ ယူဆပါတယ်” လို့ သူ့ရဲ့ အ မြင်ကိုပြောပြထားပါတယ်။

သူကိုယ်တိုင်ကတော့ မြန်မာသံစဉ်ဘက်ပဲ ဦးတည်ထားတဲ့အကြောင်းကို“ငယ်ငယ်က တ ည်း ၇နှ စ် ၂တန်းလောက်ကတည်းက သီချင်းတွေလုပ်ခဲ့တာ အားလုံးသိပါတယ် ဂီတတံခါးလေးပြို င်ပွဲမှာ ဆိုရင်မြန်မာသံစဉ်ကိုပြိုင်လို့မရဘူးကိုဖြစ်သွားတာ စုံတွဲဖျော်ဖြေတဲ့အခါမှာ စုံတွဲမှာ ငယ် ကျွမ်း ဆွေသီချင်းပြိုင်လို့ရတယ် တစ်ယောက်ချင်းမှာမရတော့ ကျွန်တော်က စတူဒီယိုသီချင်းရွေး ရ တာ ပေါ့ “ပြည့်စုံလွန်း ” သီချင်းကို ပြိုင်ခဲ့တာပေါ့ အဲဒီ့မှာပေါက်သွားတာ ကျွန်တော်က ငယ်ငယ် က တည်းက မြန်မာ့ဂီတနဲ့စခဲ့တာ စောင်းတွေတီး ဘင်ဂျိုတွေတီး အခုခေတ်ကျယ်ပြန့်နေ တဲ့မီဒီ ယာအပေါ်ဖန်တီးရတာဆိုတော့ တခါတလေလည်းဝဲတဲဝဲတဲလေးတွေပေါ့နော် နိုင်ငံခြားသံစဉ် ဆိုလိုက် မြန်မာသံစဉ်ဆိုလိုက်ရင်းနဲ့ အခုတော့မြန်မာမှုကိုပဲ သီးသီးသန့်သန့်လုပ်နေပါတယ် တ ကယ်တော့ မြန်မာမှုကိုပဲ ဝါသနာပါပြီး စလုပ်ခဲ့တာပါ”လို့ ဝိုင်းလမင်းအောင်ကဆိုပါတယ်။

ကိုယ့်လူမျိုး ကိုယ့်ဂီတကို နေရာတစ်နေရာပေးအောင်ကြိုးစားနေတဲ့ ဝိုင်းလမင်းအောင် ရဲ့စိတ် ထားလေးကတော့ချစ်စရာပါပဲ။ ငယ်ငယ်ရွယ်ရွယ်နဲ့ မြန်မာ့မှုကို ချစ်မြတ်နိုးပြီး ကိုယ့်ဂီတ ကိုယ့် စာပေကို အတတ်နိုင်ဆုံးထိန်းသိမ်းဆောင်ရွက်နေပုံကလည်း လေးစားစရာကောင်းလှပါတယ်။

Shwe Yaung Myanmar ( Writer – LLA )

Comments are closed.