သမီးလေးအတွက် မိထွေးရော ပထွေးပါ မလိုချင်ဘူး ဆိုတဲ့ ချမ်းချမ်း

သမီးလေးအတွက် မိထွေးရော ပထွေးပါ မလိုချင်ဘူး ဆိုတဲ့ ချမ်းချမ်း

ဆိုတော် ချမ်းချမ်းကတော့ ခင်ပွန်းဖြစ်သူ ဘုဏ်းသိုက်နဲ့ လမ်းခွဲပြီးနောက်ပိုင်း သမီးလေးနဲ့အတူ ဘဝကို ပျော်ရွှင်စွာ ဖြတ်သန်းနေပါတယ်။ အဖေ့မေတ္တာ ငတ်ရတဲ့ သမီးလေး မဖြစ်အောင် အဖေတစ်လှည့် အမေတစ်လှည့် စောင့်ရှောက်ခွင့်ကိုတော့ ချမ်းချမ်းက အပြည့်အဝ ခွင့်ပြုထားပါတယ်။ အိမ်ထောင်ရေးနဲ့ ပတ်သက်လို့ ခံစားချက်တွေ ရှိခဲ့တဲ့ ချမ်းချမ်းက လတ်တလောမှာ ကျန်းမာရေး သိပ်မကောင်းဘူးလို့ သိရပါတယ်။

“အမှန်အတိုင်း ပြောရရင်တော့ ကျန်းမာရေး သိပ်မကောင်းဘူး။ အမက အာရုံကြောနဲ့ ပတ်သက်တာမျိုး ရောဂါရှိတဲ့ အခါကျတော့ နှလုံးကလည်း မကောင်းဘူး ။ အခုလောလောဆယ် အလုပ်လည်း လုပ်ပါတယ်။ ဒါပေမဲ့ သမီးနဲ့ ပိုနေဖြစ်တယ်။ လောကမှာ ကိုယ်ဘယ်လောက်ထိ နေရမယ် ဆိုတာ ကိုယ်အသိဆုံးပဲလေ။ ကိုယ့်ကျန်းမာရေး အခြေအနေပေါ် မူတည်ပြီး ကိုယ်လုပ်နိုင် မလုပ်နိုင်ဆိုတာ ရှိတယ်။ အမ အရင်ကလောက် လောဘ သိပ်မကြီးတော့ဘူး။ အလုပ်တွေလည်း သိပ်မလုပ်ဖြစ်တော့ဘူး။ ချမ်းသာလို့ရယ်တော့ မဟုတ်ဘူး။ ဒါပေမဲ့ စားနိုင်သောက်နိုင်ရင် တော်ပြီဆိုတဲ့ စိတ်ပဲ မွေးလိုက်တယ်။ အမ သမီးအတွက် လုံလောက်ပြီဆိုရင် ရပြီ။ အမဝါသနာပါတာလေးတွေ လုပ်ဖြစ်တယ်။ သီချင်းရေးဖြစ်တယ်။ ဒါပေမဲ့ ဟိုလိုမျိုးကြီး ကိုယ်တိုင် ပါဝင်ပြီး အသေးစိပ်က အစ မလုပ်နိုင်သေးဘူး။ သမီးလေးတစ်ဖက်နဲ့ ဆိုတော့။” ဆိုပြီး ပြောပြသွားပါတယ်။

ခုနောက်ပိုင်း စိတ်ချမ်းသာနေတဲ့ အကြောင်းရင်းကိုလည်း ချမ်းချမ်းက ခုလို ပြောသွားပါတယ်။“အဓိကက ကိုယ့်ကိုယ်ကိုယ် ပျော်အောင်နေဖြစ်တော့တာပဲ။ ပြီးတော့ ကိုယ်ချစ်တဲ့ သူတွေနားမှာနေတယ်။ ကိုယ်ချစ်ရတဲ့သူ အနားမှာ နေရတာ တော်တော်ပင်ပန်းတယ်။ ဆိုတော့ ကျန်ရှိတဲ့ ဘဝမှာ အမကို ချစ်တဲ့သူတွေအနားမှာပဲ နေမယ်။ အမ ဘာပဲဖြစ်ဖြစ် ရယ်ဒီလုပ်ပေးမယ်ဆိုတဲ့ စိတ်ရှိသူတွေပေါ့။” လို့ ဆိုပါတယ်။

အချစ်သစ်ရှာမှာလားဆိုတဲ့ မေးခွန်းကိုတော့ ချမ်းချမ်းက ခုလို ပြောသွားပါတယ်။

“မိန်းကလေးပဲဖြစ်ဖြစ် ယောက်ျားလေးပဲ ဖြစ်ဖြစ် ကိုယ့်အပေါ် ကောင်းနေတယ်ဆိုရင် ဘယ်သူမဆို ပျော်တာပဲ။ ဝမ်းသာတာပဲ။ ကိုယ်စိတ်ညစ်နေတဲ့ အချိန်မျိုးမှာ ထွက်ပေါက်အနေနဲ့ ကိုယ့်ဘေးမှာ သူငယ်ချင်းတွေ မိတ်ဆွေတွေ ရှိရင်တော့ အကောင်းဆုံးပေါ့။ ဒါပေမဲ့ အမ ယူဖို့အထိတော့ ဘယ်သူ့ကိုမှ မစဉ်းစားထားပါဘူး။ အမ သမီးကို ပထွေးလည်း မထားချင်ဘူး။ မိထွေးလည်း မလိုဘူး။ ဒါပေမဲ့ အမတို့သည် လူဖြစ်တဲ့အတွက် သွေးနဲ့သားနဲ့ တည်ဆောက်ထားတာ ဖြစ်တဲ့အတွက် ကိုယ်ဝမ်းနည်းတဲ့ အချိန်မျိုးမှာ ကိုယ့်ကို ဖေးမမယ့် မိသားစု အသိုင်းအဝိုင်း မိတ်ဆွေနည်းနဲ့ပဲ သွားမှာပါ။” ဆိုပြီး ပြောပြသွားပါတယ်။

Comments are closed.