လက်ဆောင်ကို တန်ဖိုးထားတဲ့သူကိုပဲ လက်ဆောင်ပေးဖြစ်တယ်ဆိုတဲ့ ဒေါင်း

လက်ဆောင်ကို တန်ဖိုးထားတဲ့သူကိုပဲ လက်ဆောင်ပေးဖြစ်တယ်ဆိုတဲ့ ဒေါင်း

အခုလက်ရှိအချိန်မှာ လူငယ်တွေ ပရိသတ်တွေကြားမှာ အရမ်းရေပန်းစားနေပြီး အထူးသဖြင့် မိန်းကလေးပရိသတ်တွေရဲ့ကြားမှာ အရမ်းကို Hot ဖြစ်နေတဲ့ သရုပ်ဆောင်ဒေါင်းကတော့ သူပေးတဲ့ လက်ဆောင်ကို တန်ဖိုးထားတဲ့ လူတွေကို လက်ဆောင်တွေ ပေးဖြစ်ပေမယ့် တန်ဖိုးမထားရင် အနှောက်အယှက်ဖြစ်မှာဆိုးလို့ မပေးတတ်ဘူးဆိုပြီး အင်တာဗျူးတစ်ခုမှာ ပြောသွားခဲ့ပါတယ်။

ဒေါင်းက “အဓိကတော့ ချစ်သူများနေ့က တစ်ယောက်ကို တစ်ယောက် တန်ဖိုးထားတယ် တစ်ယောက်ကိုတစ်ယောက်လေးနက်တယ်။ ဒီနှစ်ချစ်သူများနေ့ ဖြတ်သန်းပြီး နောက်နေ့ ချစ်သူများနေ့မှာ တစ်နှစ်စာအတွက်ဆိုတဲ့ လေးနက်မှုလေးတွေအတွက်တော့ တစ်ကမ္ဘာလုံးက ဒီလိုနေ့လေးကို သတ်မှတ်ထားတယ်ပေါ့နော်။ ကျွန်တော်တို့ နိုင်ငံ ရိုးရာနဲ့ကတော့ ဒီကို ရောက်လာတာသိပ်မကြာသေးဘူးပေါ့နော် ဒီရက်တွေက။ အဲ့တော့ တစ်ယောက်ကိုတစ်ယောက် လေးလေးနက်နက်နဲ့ ဖြတ်သန်းရင်တော့ ချစ်သူများနေ့မှ မဟုတ်ဘူး ဘယ်နေ့မဆို ပျော်စရာကောင်းပါတယ်။”လို့ပြောသွားခဲ့ပါတယ်။

Valentine’s Day အစီအစဉ်နဲ့ ပတ်သက်ပြီးတော့လည်း “ဘာမှမရှိဘူး။ ကျွန်တော် ၁၃ရက်နေ့ကတော့ ကလေးတွေကို ကလေးဆေးရုံမှာ အလှူလုပ်ဖို့ရှိတယ်။ ကျွန်တော်က တစ်စုံတစ်ယောက်အတွက်မှ မဟုတ်ဘူး ကျွန်တော်ပေးတဲ့ လက်ဆောင်ကို တန်ဖိုးထားတဲ့လူတိုင်းကို လက်ဆောင်ပေးလေ့ရှိတယ်။ တန်ဖိုးမထားဘူးဆိုရင်တော့ သူ့အတွက်လည်း အနှောက်အယှက်ဖြစ်တယ် ကိုယ့်အတွက်လည်း အနှောက်အယှက်ဖြစ်တယ် အဲ့လိုမျိုးအချိန်အခါမျိုးဆိုရင်တော့ မပေးဖြစ်ဘူး။”လို့ ပြောသွားခဲ့ပါတယ်။

Surprise လုပ်ခံရတာကို သဘောကျလားလို့ မေးမြန်းလိုက်ရာ “သဘောကျပါတယ် ဘာလို့သဘောကျတာလဲဆိုတော့ Surprise ဆိုတာက လူတစ်ယောက်အတွက် အမြဲတမ်း ကြုံလေကြုံထရှိတဲ့ အရာမျိုး မဟုတ်ဘူးလေ။ အဲ့တာကြောင့်လည်း Surprise လို့လည်း ခေါ်တာကို။ မမျှော်လင့်ထားတဲ့ အချိန်မှာ ဖြစ်ပေါ်လာတဲ့ ဝမ်းသာမှုဝမ်းနည်းမှု အရာအားလုံးက Surpriseပဲ အဲ့တော့ ဘယ်လိုအရာပဲ ကြုံကြုံ စိတ်လှုပ်ရှားစရာကောင်းတာပေါ့။”လို့ ပြောသွားခဲ့ပါတယ်။

ဆက်လက်ပြီးတော့ ပရလောကကို ယုံလားလို့ မေးမြန်းရာ “ပရလောကဆိုတာ ရှိပါတယ်။ ရှိတယ်လို့ ဘာလို့ပြောလဲဆိုတော့ ကျွန်တော်တို့က ဗုဒ္ဓဘာသာဆိုရင်တော့ ဘုရားလက်ထက်ကတည်းက တရားသဘောအနေနဲ့ ဖြစ်ဖြစ် အကြောင်းအရာအနေနဲ့ ဖြစ်ဖြစ် ရှိခဲ့တာပဲလေ ရှိခဲ့လို ပြန်ပြီးတော့ သေချာတွေးကြည့်မယ်ဆိုရင် ကျွန်တော်တို့ရဲ့ စိတ်ခွန်အားကို တွေးကြည့်တယ်။ စိတ်ခွန်အားအရမ်းထက်မြက်တဲ့သူက ပစ္စည်းတစ်ခုကိုတောင် ရွှေ့နိုင်တယ်ဘာတယ်။ အရာအားလုံးက လေ့ကျင့်လို့ရတဲ့ အပိုင်းတွေမှာရှိတယ်။ အဲ့သလောပဲပေါ့ အရမ်းပြင်းထန်တဲ့ အရာတစ်ခုကို စွဲလန်းမိသွားရင် အဲ့အရာပေါ်မှာ လူတစ်ယောက်က ဇောကပ်သွားတာပေါ့နော်။ သေခါနီးမှာ ဇောကပ်သွားရင် အဲ့သေခါနီးဇောက ကျွန်တော်တို့ ရိုးရိုးသာမန်စိတ်ထက်ပိုပြီး ပြင်းထန်တယ်ပေါ့လေ။ “လို့ ပြောသွားခဲ့ပါတယ်။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

Comments are closed.