ရင်ခုန်စရာအကောင်းဆုံး Vday အမှတ်တရလေးကို ပြောပြတဲ့ ခီမောင်နှံ

ရင်ခုန်စရာအကောင်းဆုံး Vday အမှတ်တရလေးကို ပြောပြတဲ့ ခီမောင်နှံ

ဇဏ်ခီနဲ့ခရစ်စတီးနားခီတို့စုံတွဲလေးဟာ လွန်ခဲ့တဲ့နှစ်ပေါင်းများစွာကတည်းက အခုချိန်ထိ ချစ်ခင်ကြင်နာစွာအတူလက်တွဲလာတဲ့ချစ်သူတွေဖြစ်ပြီးချစ်စရာကောင်းတဲ့သားဦးလေးနဲ့လည်း ပျော်ရွှင်စရာအိမ်ထောင်ရေးကိုတည်ဆောက်ထားနိုင်သူလည်းဖြစ်ပါတယ်။ ဇဏ်ခီနဲ့ခရစ်စတီးနားခီကိုချစ်တဲ့ပရိသတ်တွေဟာဆိုရင် မြန်မာတစ်နိုင်ငံလုံးမှာတစ်နေ့တစ်ခြားတိုးပွားလာနေပြီး သူတို့နှစ်ဦးကလည်း တစ်ယောက်ကိုတစ်ယောက် တစ်နေ့ထက်တစ်နေ့ပိုပိုချစ်ခင်ကြင်နာနေကြတာလည်းမြင်ရတဲ့ပရိသတ်တွေအတွက်အသည်းယားစရာပါပဲ။ ဒီနှစ် V Day မှာတော့ ခရစ်စတီးနားခီက အမှတ်တရဓာတ်ပုံလေးတွေနဲ့အရမ်းကိုရိုတဲ့စာလေးကို သူမရဲ့ လူမှုကွန်ယက်မှာတင်ပြီး သူမတို့နှစ်ယောက်ကြားကချစ်ခြင်းမေတ္တာကို ပရိသတ်ကိုတစ်စွန်းတစ်စလှစ်ဟပြလာခဲ့ပါပြီ။

ခရစ်စတီးနာခီက လူ့ဘဝမှာဘယ်လိုအခက်အခဲတွေပဲရင်ဆိုင်ရပါစေ ဇဏ်ခီရဲ့အချစ်နဲ့တင်တကယ်တန်နေပြီလို့ဆိုပါတယ်။ နောက်ပြီး ပရိသတ်တွေကိုအံ့သြစေခဲ့တာကတော့ ကြင်စဦးဇနီးမောင်နှံလိုအမြဲတမ်းချစ်ခင်ကြင်နာလျက်သာတွေ့ရတဲ့ ဇဏ်ခီနဲ့ခရစ်စတီးနားခီတို့ဟာ ကြင်စဦးတွေမဟုတ်ပဲ ချစ်လာတာ (၁၉)နှစ်တိတိရှိပြီလို့ဆိုပါတယ်။ ခရစ်စတီးနားခီက သူမရဲ့လူမှုကွန်ယက်မှာ “လွန်ခဲ့တဲ့ ၁၉နှစ်ကသာ V day မှာ ယူ့ကို ချစ်ပါတယ်လို့ပြန်မဖြေခဲ့မိရင် အခုချိန်မှာ ကိုယ်ဟာလူ့ဘဝမှာ မရှိနိုင်တော့ပါဘူး…နာကျင်စရာတွေသိပ်များတဲ့လူ့လောကကြီးမှာ အသက်မရှင်ချင်ဘူးလို့ အခုတော့မတောင်းဆိုရဲတော့ဘူး…ဘာလို့လည်းဆိုတော့ ဆက်အချစ်ခံချင်သေးလို့…Love me until I d…. naw… Love Of My Life…”လို့ရေးထားတာကိုကြည်နူးဖွယ်မြင်ရပါတယ်။

ဇဏ်ခီကလည်း ခေသူမဟုတ်ပေဘူး။ ခရစ်စ်ရဲ့ ပို့စ်အောက်မှာ “လွန်ခဲ့တဲ့ ၁၉ နှစ်ကသာ ယူက အိုင့်ကို ချစ်တယ်လို့မပြောခဲ့ရင် အခုချိန်ထိ လူပျိုကြီးဘဝနဲ့ ဆက်စောင့်နေမှာပါ အဲ့လဲ”လို့ ခရစ်စ်ရဲ့အသည်းကိုသေချာပေါက်ခြွေလိုက်မှာဖြစ်တဲ့ comment လေးလာမန့်ထားခဲ့ပါတယ်။ဆယ့်ကိုးနှစ်ကြာအေးအတူပူအမျှလက်တွဲလာသူနဲ့ အခုအချိန်ထိ ချစ်စခင်စကြင်နာစလိုချစ်နေကြတုန်းဆိုတာက တော်တော်ကြည်နူးစရာကောင်းတဲ့ဖြစ်ရပ်လို့ဆိုရမှာပါ။





Comments are closed.