ပြည်တွင်းငြိမ်းချမ်းရေး ရှေ့ခရီးဖောက်ထွက်နိုင်မည်လား

ပြည်တွင်းငြိမ်းချမ်းရေး ရှေ့ခရီးဖောက်ထွက်နိုင်မည်လား

အီလည်လည်ဖြစ်နေဆဲ ပြည်တွင်းငြိမ်းချမ်းရေးနှင့် မှန်းချက်နှင့် နှမ်းထွက်လွဲနေဆဲအမျိုးသား ပြန် လည်သင့်မြတ်ရေး၊ ယုံကြည်မှုတည်ဆောက်ရေးတို့ကို အဆောတလျင် ကုစားနိုင်ဖို့ဆိုလျှင် တစ်နိုင်ငံလုံးအပစ်အခတ် ရပ်စဲ၍ အားလုံးပါဝင်စေလျက် စားပွဲဝိုင်းထက်တွေ့ဆုံဆွေးနွေး အဖြေရှာရေးသည် တစ်ခုတည်းသောထွက်ရပ်လမ်း၊ တစ်ဆုိ့မှုများကို ဖောက်ထွက်နိုင်မည့် လမ်းဖြစ်သည်။  အရပ်ဘက် ခေါင်းဆောင်များနှင့် စစ်ဘက် ခေါင်းဆောင်များဟုဆိုဆို အစိုးရ၊  တပ်နှင့်တိုင်းရင်းသားခေါင်းဆောင်များအနေဖြင့် ရေရှည် အမြင်ရှိရှိပြိုင်တူတွန်းနိုင်မည်ဆိုလျှင် ၂၀၂၀ ပြည့်နှစ်မတိုင်မီ ပြည်တွင်းငြိမ်းချမ်းရေးသည် ခရီးပေါက်နိုင်သရွေ့ ခရီးရောက်နိုင်ခြေရှိသည်။

၂၀၁၉ ဖေဖော်ဝါရီ ၁၃ ရက် နေ့တွင်အစိုးရ၊ တပ်မတော်နှင့် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(အင်န် စီအေ) လက်မှတ်ထိုးတိုင်းရင်း သားလက်နက်ကိုင်အဖွဲ့အစည်း  ကိုယ်စားလှယ်များသည် နေပြည် တော်၌ အလွတ်သဘော တွေ့ဆုံ ညှိနှိုင်းဆွေးနွေးခဲ့ကြသည်။ အလွတ်သဘောတွေ့ဆုံ  ဆွေးနွေးပွဲဟု ဆိုလင့်ကစားအင်န်စီအေဆိုင်ရာတရားဝင် ဆွေးနွေး ပွဲ များ အမြန်ဆုံးပြန်လည်စတင်နိုင်ရေး ဦးတည် ဆွေးနွေးခဲ့သဖြင့် ရှေ့မတိုး နောက်မဆုတ်ဖြစ်နေဆဲ ပြည်တွင်းငြိမ်းချမ်းရေးလုပ်ငန်း စဉ်ကို ထွက်ပေါက်ရှာနိုင်ရေးရည် မှန်းချက်ထားလျက် ဗျူဟာမြောက်ခင်းကျင်းလာသည့် ခြေ လှမ်းဟုဆိုကောင်းဆိုနိုင်မည်ဖြစ် သည။

ဖေဖော်ဝါရီ ၁၃ ရက်ဆွေး နွေးပွဲအလွန်ကာလတွင် အစိုးရ နှင့် အင်န်စီအေထိုးတိုင်းရင်းသား လက်နက်ကိုင်အဖွဲ့အစည်းများ  အကြားမျက်နှာစုံညီတွေ့ဆုံဆွေး နွေးပွဲများပိုမိုမြိုင်ဆိုင်လာနိုင်ဖွယ် ရှိသည်ဟု သုံးသပ်မှုများရှိသော် လည်း ရေရာသေချာမှုက လျော့ ပါးနေဆဲဖြစ်သည်။ အစိုးရ၊ တပ် မတော်နှင့် တိုင်းရင်းသားလက် နက်ကိုင် အဖွဲ့အစည်းများ အ ကြား ယုံကြည်မှုတည်ဆောက် ရေးသည် အဓိကစိန်ခေါ်ချက်ပင် ဖြစ်သည်။ တန်းတူရည်တူရှိပြီး အပြန်အလှန် အသိအမှတ်ပြု  လေးစားသမှုရှိသော သုံးပွင့်ဆိုင်  တွေ့ဆုံဆွေးနွေးပွဲများသည်သာ ယုံကြည်မှုတည်ဆောက်ရေးကို  အားကောင်းမောင်းသန်စေနိုင် ပြီး အားလုံးပါဝင်ရေးဦးတည်  သည့် ငြိမ်းချမ်းရေးလုပ်ငန်းစဉ်  ကိုလည်းပိုမိုရုပ်လုံးပေါ်လာစေ မည်ဖြစ်သည်။ အချိန်ယူ၍အ မြော်အမြင်ရှိရှိအကြိတ်အနယ်ညှိ နှိုင်းဆွေးနွေးလာနိုင်မည်ဆိုလျှင် ၂၀၁၉ သည် စိတ်လှုပ်ရှားဖွယ်  ရာ ကောင်းသထက်ကောင်းလာ နိုင်ခြေရှိနေသည်။

အကယ်စင်စစ် အဆုံးအ ဖြတ်ပြုနိုင်မည့်အရပ်ဘက်ခေါင်း  ဆောင်များနှင့် စစ်ဘက်ခေါင်းဆောင်များအကြား မျက်နှာစုံညီ  တွေ့ဆုံဆွေးနွေးပွဲများကို အမြော်  အမြင်ရှိရှိ၊ ယုံကြည်မှုရှိရှိဖော် ဆောင်လာနိုင်မည် ဆိုလျှင် သောင်မတင်ရေမကျဖြစ်နေဆဲ ပြည်ထောင်စု ငြိမ်းချမ်းရေးလုပ် ငန်းစဉ်ကြီးအားဖောက်ထွက်နိုင် ရေးသည် အတိုင်းအတာတစ်ခု အထိ ခရီးပေါက်လာနိုင်ဖွယ်ရှိ သည်။ သို့ဖြစ်၍သမ္မတ၊အတိုင် ပင်ခံပုဂ္ဂိုလ်၊ လွှတ်တော်ဥက္ကဋ္ဌ  များ၊ တပ်မတော်ကာကွယ်ရေး   ဦးစီးချုပ်၊ တိုင်းရင်းသားခေါင်း ဆောင်များအပါအ၀င်နိုင်ငံရေး ခေါင်းဆောင်များအနေဖြင့် သ ဘောတူညီချက်များခြေခြေမြစ် မြစ်ရရှိသည်အထိအကြိတ်အ နယ်လွန်းထိုး၊ ညှိနှိုင်းဆွေးနွေးနိုင်  ရေးမျက်မှောက်ပြုကြရမည်ဖြစ် သည်။ အဆုံးအဖြတ်ပေးနိုင်မည့် သော့ချက်ပုဂ္ဂိုလ်များအကြားပွင့်  လင်းမြင်သာဆွေးနွေးအမြင်ဖ လှယ်မှုများမှသည် သဘောတူ ညီချက်များရရှိပြီး တိုင်းရင်းသား    ပြည်သူလူထုနှင့်အတူ ဖော် ဆောင်လာနိုင်မည်ဆိုလျှင် ပြည် တွင်းငြိမ်းချမ်းရေးက ပိုထိရောက် ခရီးပေါက်လာမည်ဖြစ်သည်။

 အစိုးရ၊ တပ်မတော်နှင့် တိုင်းရင်းသားခေါင်းဆောင်များ အကြားသုံးပွင့်ဆိုင်တွေ့ဆုံဆွေး နွေး အဖြေရှာနိုင်မှသာပြည်တွင်း ငြိမ်းချမ်းရေး အနာနှင့်ဆေးတွေ့ မည်ဖြစ်သည်။ အနာနှင့်ဆေးလွဲ နေသရွေ့ ပြည်တွင်းငြိမ်းချမ်း  ရေးခရီးကလည်းရှည်သထက် ရှည်နေဦးမည်မှာ ဧကန်မုချပင် ဖြစ်သည်။ ပြည်တွင်းငြိမ်းချမ်းရေး ဖော်ဆောင်ရာတွင် ခေတ်အ ဆက်ဆက် ခုတ်ရာတခြား၊  ရှရာတခြားဖြစ်ခဲ့ရသည့်အတွေ့အကြုံများကိုလည်း သင်ခန်းစာ  ယူနိုင်ရေးစဉ်းစားသင့်သည်။

 တိုင်းရင်းသားလက်နက် ကိုင် အဖွဲ့အစည်းများ အားလုံး တန်းတူရည်တူ လွတ်လွတ်လပ် လပ်ပါဝင်နိုင်မည့်ငြိမ်းချမ်းရေး လုပ်ငန်းစဉ်သည်သာ အနှစ်သာ  ရပြည့်ဝပြီး အဓိပ္ပာယ်လေးနက် မည်ဖြစ်သည်။ အင်န်စီအေလက် မှတ်ထိုးတိုင်းရင်းသားလက်နက် ကိုင်အဖွဲ့အစည်းများနှင့် ဆက်ဆံ  ရေးပုံမှန်ဖြစ်ရေး၊ ပိုမိုကောင်းမွန် ရေးသော့ချက်ကျသကဲ့သို့ အင်န် စီအေပြင်ပတိုင်းရင်းသားလက် နက်ကိုင်အဖွဲ့အစည်းများနှင့် စဉ် ဆက်မပြတ်ထိတွေ့ ဆက်ဆံ ပူးပေါင်းဆောင်ရွက်နိုင်ရေးက လည်း အရေးကြီးမည်ဖြစ်သည်။

ဖေဖော်ဝါရီ ၁၃ အလွတ်  သဘောဆွေးနွေးပွဲတွင် ပြည် ထောင်စုငြိမ်းချမ်းရေးညီလာခံ (၂၁ ရာစုပင်လုံ) စတုတ္ထအကြိမ်  အစည်းအဝေး ခေါ်ယူကျင်းပနိုင် ရေးနှင့်စပ်လျဉ်း၍ မဖြစ်မနေအ မြင်ဖလှယ်ဆွေးနွေးမည်မှာ မြေ ကြီးလက်ခတ်မလွဲပင်ဖြစ်သည်။ ပြည်ထောင်စုငြိမ်းချမ်းရေးညီလာ  ခံ (၂၁-ရာစုပင်လုံ) အစည်းအ ဝေးကို မကျင်းပနိုင်သည်မှာ ခုနစ် လနီးပါးရှိပြီဖြစ်သည်။ တတိယ အစည်းအဝေးကို ၂၀၁၈ ဇူလိုင်  ၁၁ ရက်မှ ၁၆ ရက်အထိကျင်းပ ခဲ့ပြီး အစည်းအဝေးအပြီးသတင်း ထုတ်ပြန်ချက်၌ ပြည်ထောင်စု ငြိမ်းချမ်းရေးညီလာခံ (၂၁ ရာစု ပင်လုံ) ကို ၂၀၁၈ တွင် တစ်ကြိမ်   နှင့် ၂၀၁၉ တွင် နှစ်ကြိမ်၊ ၂၀၂၀ ပြည့်နှစ်အထွေထွေရွေးကောက် ပွဲမတိုင်မီစုစုပေါင်းသုံးကြိမ်ကျင်း ပရန်လျာထားကြောင်းဖော်ပြခဲ့ သော်လည်းယနေ့အထိ တစ်ကြိမ်  မျှကျင်းပနိုင်ခြင်းမရှိသေးသည် မှာပြည်တွင်းငြိမ်းချမ်းရေးခရီး ရှည်က ထင်သလောက်ခရီးမ ပေါက်ဖြစ်နေကြောင်းသက်သေ ပြုလျက်ရှိသည်။

အရပ်ဆယ်မျက်နှာကလတ် တလောအခင်းအကျင်းများကို ကျောသားရင်သားမခွဲမခြားဆန်း စစ် သုံးသပ်မည်ဆိုလျှင်ပြည် ထောင်စုငြိမ်းချမ်းရေးညီလာခံ (၂၁ ရာစုပင်လုံ) စတုတ္ထအစည်း အဝေးများ ခေါ်ယူကျင်းပနိုင်ရေး သည် အလှမ်းဝေးနေဆဲပင်ဖြစ် သည်။ စတုတ္ထအစည်းအဝေး ကျင်းပရေးထက် အရပ်ဘက်နှင့် စစ်ဘက်ခေါင်းဆောင်များ အ ကြားယုံကြည်မှု တည်ဆောက် နိုင်ရေးကပိုမိုသော့ချက်ကျမည် ဖြစ်သည်။ အလွတ်သဘောနှင့် အလုပ်သဘောတွေ့ဆုံဆွေးနွေး အမြင်ဖလှယ်မှုများကို ရှေ့တန်း တွန်းပို့နိုင်ရေး အဆောတလျင် ဆောင်ရွက်ရမည်ဖြစ်သည်။ ၂၁ ရာစုပင်လုံ စတုတ္ထအစည်းအဝေး ကိုဖြင့်အစောဆုံး ၂၀၁၉ မေလ နောက်ပိုင်းမှသာကျင်းပနိုင်ဖွယ် ရှိနေသည်။ စတုတ္ထအစည်းအဝေး မတိုင်မီကြားကာလတွေ့ဆုံဆွေး နွေးမှုများနှင့် ယုံကြည်မှုတည် ဆောက်မှုများသည် ပြည်တွင်း ငြိမ်းချမ်းရေး ရှေ့ခရီးအပေါ်တိုက်  ရိုက် သက်ရောက်နိုင်ခြေ ရှိနေ သည်။

တစ်နိုင်ငံလုံးပစ်ခတ်တိုက် ခိုက်မှုရပ်စဲရေးသဘောတူစာချုပ် (အင်န်စီအေ) ကိုလက်မှတ်ရေး ထိုးထားသည့် တိုင်းရင်းသားလက် နက်ကိုင် အဖွဲ့အစည်းများမှာ  ကရင်အမျိုးသား အစည်းအရုံး (KNU)၊ ရှမ်းပြည် ပြန်လည်ထူ ထောင်ရေးကောင်စီ (RCSS/SSA)၊ ဒီမိုကရေစီအကျိုးပြုကရင့် တပ်မတော် (DKBA)၊ ငြိမ်းချမ်း ရေးကောင်စီ (KNU/KNLA – PC)၊ ပအိုဝ်းအမျိုးသားလွတ် မြောက်ရေးအဖွဲ့ချုပ် (PNLO)၊ ရခိုင်ပြည်လွတ်မြောက်ရေးပါတီ (ALP)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ် တပ်ဦး (ABSDF)၊ မွန်ပြည်သစ် ပါတီ (NMSP)၊ လားဟူ ဒီမိုက ရက်တစ်အစည်းအရုံး (LDU) တို့ ဖြစ်သည်။

အချုပ်ဆိုရသော် အစိုးရနှင့် အင်န်စီအေထိုး တိုင်းရင်းသား လက်နက်ကိုင် အဖွဲ့အစည်းများ အကြားသာမက အစိုးရ၊ တပ်မ တော်နှင့် အင်န်စီအေမထိုးသည့် တိုင်းရင်းသားလက်နက်ကိုင်အ ဖွဲ့အစည်းများအကြား အလွတ် သဘောဆွေးနွေးပွဲများမှသည်  တရားဝင်ဆွေးနွေးပွဲများသို့ ဗျူ ဟာမြောက် ကူးပြောင်းဖော် ဆောင်နိုင်ရေးသော့ချက်ကျအ ရေးကြီးသကဲ့သို့ ဆုံးဖြတ်ချက် ပေးနိုင်သည့် အစိုးရအကြီးအကဲ များ၊ တပ်မတော်အကြီးအကဲများ နှင့် တိုင်းရင်းသားခေါင်းဆောင် များအကြားအလွတ်သဘောနှင့်  အလုပ်သဘောတွေ့ဆုံဆွေးနွေး ပွဲများကို ခပ်သွက်သွက်ကျင်းပ နိုင်ပြီး ခုတ်ရာနှင့် ရှရာမလွဲ၊အနာ နှင့် ဆေးတစ်ထပ်တည်းကျမည့်  ဗျူဟာများ၊ ချဉ်းကပ်နည်းနာများ မှ တစ်ဆင့် ပြည်တွင်းငြိမ်းချမ်းရေး စင်္ကြံလမ်းတစ်ရပ်တည်ဆောက် နိုင်ရေး ရှေးရှုသင့်ပါကြောင်း တိုက်တွန်း ဆော်သြလိုက်ရပါ သည်။   ။

အခုလိုသတင်းထူးတွေ သို့မဟုတ် စာတွေကို အချိန်နဲ့တပြေးညီ အမြဲဖတ်ချင်တယ်ဆိုရင် အပေါ်ဆုံးမှာ Follow ဆိုတဲ့ စာသားလေးကိုနှိပ်ခဲ့ပါ သို့မဟုတ် သတင်းတစ်ပုဒ်အပြီးမှာ XB Media Myanmar ဆိုပြီးပေါ်လာရင် Like ဆိုတဲ့စာသားလေးကို နှိပ်ခဲ့ပေးပေါ။ နှစ်ခုလုံးမပေါ်ရင်တော့ Like လုပ်ထားပြီးသားပါ။ XB Media Myanmar ကိုအားပေးတဲ့ စာဖတ်သူအပေါင်းကို အထူးကျေးဇူးတင်ပါတယ်။ စာဖတ်သူပရိတ်သတ်ကြီး သဘောကျနှစ်သက်ခဲ့ရင် (Share)မျှဝေပေးခဲ့ကြဖို့မေတ္တာရပ်ခံပါတယ်။

(ဆောင်းပါးရှင်ဒေါက်တာရန်မျိုးသိမ်းသည် နိုင်ငံရေးသုံးသပ်ဆောင်း ပါးများရေးသားနေသူဖြစ်သည်။)

Comments are closed.